الإسراء
Al-Israa
Translation: Fulani - Rowwad Translation Center · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
سُبۡحَٰنَ ٱلَّذِيٓ أَسۡرَىٰ بِعَبۡدِهِۦ لَيۡلٗا مِّنَ ٱلۡمَسۡجِدِ ٱلۡحَرَامِ إِلَى ٱلۡمَسۡجِدِ ٱلۡأَقۡصَا ٱلَّذِي بَٰرَكۡنَا حَوۡلَهُۥ لِنُرِيَهُۥ مِنۡ ءَايَٰتِنَآۚ إِنَّهُۥ هُوَ ٱلسَّمِيعُ ٱلۡبَصِيرُ
Open ayah 17:1Senayee wondanii On Royruɗo Jeyaaɗo Makko on jemma, iwde ka juulirde hormante haa ka juulirde woɗɗitiinde, nden nde Men Barkini banŋe mun,fii yo Men Hollu mo immorde e Aayeeje Amen. Pellet, Ko Kanko woni Nanoowo, Yi’oowo.
وَءَاتَيۡنَا مُوسَى ٱلۡكِتَٰبَ وَجَعَلۡنَٰهُ هُدٗى لِّبَنِيٓ إِسۡرَٰٓءِيلَ أَلَّا تَتَّخِذُواْ مِن دُونِي وَكِيلٗا
Open ayah 17:2Men Jonniino Muusaa Deftere nden, Men Waɗi nde peewal, wonannde ɓiɗɓe Israa’iila ɓen, wonnde : "Wata on jogito gaanin Am hooloraaɗo".
ذُرِّيَّةَ مَنۡ حَمَلۡنَا مَعَ نُوحٍۚ إِنَّهُۥ كَانَ عَبۡدٗا شَكُورٗا
Open ayah 17:3[Ko onon yo] ɓiɗɓe ɓen ɓe Men waɗɗinnoo wonndude e Nuuhu.Pellet, o laatino jeyaaɗo yettoowo.
وَقَضَيۡنَآ إِلَىٰ بَنِيٓ إِسۡرَٰٓءِيلَ فِي ٱلۡكِتَٰبِ لَتُفۡسِدُنَّ فِي ٱلۡأَرۡضِ مَرَّتَيۡنِ وَلَتَعۡلُنَّ عُلُوّٗا كَبِيرٗا
Open ayah 17:4Men wahyiniino e ɓiɗɓe Israa’iila ɓen ka Deftere [wonnde] : "On bonnayay ka leydi laabi ɗiɗi, on townitoyto kadi townitaare mawnunde".
فَإِذَا جَآءَ وَعۡدُ أُولَىٰهُمَا بَعَثۡنَا عَلَيۡكُمۡ عِبَادٗا لَّنَآ أُوْلِي بَأۡسٖ شَدِيدٖ فَجَاسُواْ خِلَٰلَ ٱلدِّيَارِۚ وَكَانَ وَعۡدٗا مَّفۡعُولٗا
Open ayah 17:5Si fodoore gootel e ɗin ɗiɗi arii, Men wurtay e mon jeyaaɓe Amen, marɓe doole tiiɗuɗe, ɓe yiiloo hakkunde galleeji ɗin. Ɗum wonii fodoore huuwoyteende =golloteende.
ثُمَّ رَدَدۡنَا لَكُمُ ٱلۡكَرَّةَ عَلَيۡهِمۡ وَأَمۡدَدۡنَٰكُم بِأَمۡوَٰلٖ وَبَنِينَ وَجَعَلۡنَٰكُمۡ أَكۡثَرَ نَفِيرًا
Open ayah 17:6Refti Men ruttitanani on doole ɗen e hoore maɓɓe; Men Ɓeydi on jawle e ɓiɗɓe,Men Waɗa on gorol ɓurngol ɗuuɗude.
إِنۡ أَحۡسَنتُمۡ أَحۡسَنتُمۡ لِأَنفُسِكُمۡۖ وَإِنۡ أَسَأۡتُمۡ فَلَهَاۚ فَإِذَا جَآءَ وَعۡدُ ٱلۡأٓخِرَةِ لِيَسُـُٔواْ وُجُوهَكُمۡ وَلِيَدۡخُلُواْ ٱلۡمَسۡجِدَ كَمَا دَخَلُوهُ أَوَّلَ مَرَّةٖ وَلِيُتَبِّرُواْ مَا عَلَوۡاْ تَتۡبِيرًا
Open ayah 17:7Si on moƴƴinii, ko ko'e mon moƴƴinanɗon ; si on bonnii kadi, ko ko’e mon [bonnannɗon]. Si fodoore sakkitiinde nden arii, ko fii yo ɓe hoynu geece mon ɗen, e fii yo no ɓe naatiraa ka juulirde wano ɓe naatirnoo e mayre ka laawol aranol, e fii yo ɓe muncu yeru woo ko ɓe townani muncudee.
عَسَىٰ رَبُّكُمۡ أَن يَرۡحَمَكُمۡۚ وَإِنۡ عُدتُّمۡ عُدۡنَاۚ وَجَعَلۡنَا جَهَنَّمَ لِلۡكَٰفِرِينَ حَصِيرًا
Open ayah 17:8Hino jortaa ka Joomi mon yurmee on.Si on fillitike (non),Men fillitoo. Men waɗanii yedduɓe ɓen Jahannama on tonngorde.
إِنَّ هَٰذَا ٱلۡقُرۡءَانَ يَهۡدِي لِلَّتِي هِيَ أَقۡوَمُ وَيُبَشِّرُ ٱلۡمُؤۡمِنِينَ ٱلَّذِينَ يَعۡمَلُونَ ٱلصَّٰلِحَٰتِ أَنَّ لَهُمۡ أَجۡرٗا كَبِيرٗا
Open ayah 17:9Pellet, ndee Alqur’aanaare no fewnay e ko ɓuri e nunɗude,hinde wewlinira=weltanira gomɗimɓe,ɓen gollooɓe moƴƴuɗi ɗin, wonnde, no woodani ɓe njoɓdi mawndi.
وَأَنَّ ٱلَّذِينَ لَا يُؤۡمِنُونَ بِٱلۡأٓخِرَةِ أَعۡتَدۡنَا لَهُمۡ عَذَابًا أَلِيمٗا
Open ayah 17:10E wonnde pellet, ɓen ɓe gomɗinaa laakara on, Men maranii ɓe lepte muusuɗe.
وَيَدۡعُ ٱلۡإِنسَٰنُ بِٱلشَّرِّ دُعَآءَهُۥ بِٱلۡخَيۡرِۖ وَكَانَ ٱلۡإِنسَٰنُ عَجُولٗا
Open ayah 17:11Neɗɗo no toroo bone, wano o tororta non moƴƴere,neɗɗanke on wonii ko heñiiɗo.
وَجَعَلۡنَا ٱلَّيۡلَ وَٱلنَّهَارَ ءَايَتَيۡنِۖ فَمَحَوۡنَآ ءَايَةَ ٱلَّيۡلِ وَجَعَلۡنَآ ءَايَةَ ٱلنَّهَارِ مُبۡصِرَةٗ لِّتَبۡتَغُواْ فَضۡلٗا مِّن رَّبِّكُمۡ وَلِتَعۡلَمُواْ عَدَدَ ٱلسِّنِينَ وَٱلۡحِسَابَۚ وَكُلَّ شَيۡءٖ فَصَّلۡنَٰهُ تَفۡصِيلٗا
Open ayah 17:12Men waɗii jemma on e ñalorma on Aayeeje ɗiɗi, Men monti Aaya jemma on, Men waɗi Aaya ñalorma on hentiiɗo, fii yo on ɗaɓɓu ɓural immorde ka Joomi mon, e fii yo on anndu limoore duuɓi, e hasboore. Kala huunde, Men fensitirii nde fensitudee.
وَكُلَّ إِنسَٰنٍ أَلۡزَمۡنَٰهُ طَٰٓئِرَهُۥ فِي عُنُقِهِۦۖ وَنُخۡرِجُ لَهُۥ يَوۡمَ ٱلۡقِيَٰمَةِ كِتَٰبٗا يَلۡقَىٰهُ مَنشُورًا
Open ayah 17:13Kala neɗɗanke, Men waɗɗinii mo talkuru makko ndun ka daande makko. Men yaltinanoyay mo Ñalnde Darngal, deftere, o hawra e mayre ko nde fontaande.
ٱقۡرَأۡ كِتَٰبَكَ كَفَىٰ بِنَفۡسِكَ ٱلۡيَوۡمَ عَلَيۡكَ حَسِيبٗا
Open ayah 17:14Janngu deftere maa nden, hoore-maa yonante hannde hasboowo.
مَّنِ ٱهۡتَدَىٰ فَإِنَّمَا يَهۡتَدِي لِنَفۡسِهِۦۖ وَمَن ضَلَّ فَإِنَّمَا يَضِلُّ عَلَيۡهَاۚ وَلَا تَزِرُ وَازِرَةٞ وِزۡرَ أُخۡرَىٰۗ وَمَا كُنَّا مُعَذِّبِينَ حَتَّىٰ نَبۡعَثَ رَسُولٗا
Open ayah 17:15Mo feewii, haray pellet, ko hoore-makko o feewani ; mo majii kadi, haray pellet, ko o majji kon yantay e hoore-makko. Wonkii ronndotaako bone wokki goo. Men wonaali leptooɓe, haa Men immina Nulaaɗo.
وَإِذَآ أَرَدۡنَآ أَن نُّهۡلِكَ قَرۡيَةً أَمَرۡنَا مُتۡرَفِيهَا فَفَسَقُواْ فِيهَا فَحَقَّ عَلَيۡهَا ٱلۡقَوۡلُ فَدَمَّرۡنَٰهَا تَدۡمِيرٗا
Open ayah 17:16Si Men faandike halkude saare, Men yamiray neeminaaɓe mayre ɓen, ɓe faasinqinoo e mayre, konngol (lepte) ngol jojja e mayre, Men munca nde muncudee.
وَكَمۡ أَهۡلَكۡنَا مِنَ ٱلۡقُرُونِ مِنۢ بَعۡدِ نُوحٖۗ وَكَفَىٰ بِرَبِّكَ بِذُنُوبِ عِبَادِهِۦ خَبِيرَۢا بَصِيرٗا
Open ayah 17:17Heewii gire ɗe Men halki ɓaawo Nuuhu! Joomi maa Yonii Humpitiiɗo, Yi’oowo junuubi=bakkatuuji jeyaaɓe Makko ɓen.
مَّن كَانَ يُرِيدُ ٱلۡعَاجِلَةَ عَجَّلۡنَا لَهُۥ فِيهَا مَا نَشَآءُ لِمَن نُّرِيدُ ثُمَّ جَعَلۡنَا لَهُۥ جَهَنَّمَ يَصۡلَىٰهَا مَذۡمُومٗا مَّدۡحُورٗا
Open ayah 17:18On tawɗo no faandii yaccinaneede=yaawnaneede, Men yaccinanay mo ton huunde ko Men muuyi, wonannde on mo Men yiɗi, refti Men waɗana mo Jahannama, o naatoya nge ko o ŋiñaaɗo, pottinaaɗo [yurmeende].
وَمَنۡ أَرَادَ ٱلۡأٓخِرَةَ وَسَعَىٰ لَهَا سَعۡيَهَا وَهُوَ مُؤۡمِنٞ فَأُوْلَٰٓئِكَ كَانَ سَعۡيُهُم مَّشۡكُورٗا
Open ayah 17:19On faalaaɗo laakara, o gollani ngal golle maggal, hara kanko ko o gomɗinɗo ;ɓen ɗon, golle maɓɓe ɗen wonii jaarnaaɗe.
كُلّٗا نُّمِدُّ هَٰٓؤُلَآءِ وَهَٰٓؤُلَآءِ مِنۡ عَطَآءِ رَبِّكَۚ وَمَا كَانَ عَطَآءُ رَبِّكَ مَحۡظُورًا
Open ayah 17:20Kala (maɓɓe),Meɗen ɓeydana ; ɓee ɗoo e ɓee ɗoo, immorde e dokkal Joomi maa. Dokkal Joomi maa ngal wonaali haɗaa ngal.
ٱنظُرۡ كَيۡفَ فَضَّلۡنَا بَعۡضَهُمۡ عَلَىٰ بَعۡضٖۚ وَلَلۡأٓخِرَةُ أَكۡبَرُ دَرَجَٰتٖ وَأَكۡبَرُ تَفۡضِيلٗا
Open ayah 17:21Ndaarii no Men ɓurniri yoga maɓɓe e dow yoga, ko laakara on ɓuri mawnude darjaaji,ɓuri mawnude kadi ɓural.
لَّا تَجۡعَلۡ مَعَ ٱللَّهِ إِلَٰهًا ءَاخَرَ فَتَقۡعُدَ مَذۡمُومٗا مَّخۡذُولٗا
Open ayah 17:22Wata a waɗidan Alla reweteeɗo goo ; jooɗoyoɗaa ko a ŋiñaaɗo woppaaɗo.
۞وَقَضَىٰ رَبُّكَ أَلَّا تَعۡبُدُوٓاْ إِلَّآ إِيَّاهُ وَبِٱلۡوَٰلِدَيۡنِ إِحۡسَٰنًاۚ إِمَّا يَبۡلُغَنَّ عِندَكَ ٱلۡكِبَرَ أَحَدُهُمَآ أَوۡ كِلَاهُمَا فَلَا تَقُل لَّهُمَآ أُفّٖ وَلَا تَنۡهَرۡهُمَا وَقُل لَّهُمَا قَوۡلٗا كَرِيمٗا
Open ayah 17:23Joomi maa yamirii :"Wata on rewu ko wanaa Kanko, jibimɓe ɓen,moƴƴagol [e maɓɓe]:si nayewu goɗɗo e maɓɓe yottike ma,maa ɗum ɓe ɗiɗo non;wata a wi’an ɓe "bis=uf!" wata a wikko ɓe =wota a furo,wowlan ɓe konngol teddungol.
وَٱخۡفِضۡ لَهُمَا جَنَاحَ ٱلذُّلِّ مِنَ ٱلرَّحۡمَةِ وَقُل رَّبِّ ٱرۡحَمۡهُمَا كَمَا رَبَّيَانِي صَغِيرٗا
Open ayah 17:24Yankinanoɗaa ɓe yurmeɗaa ɓe, wi’aa: « Joomi an, yurme ɓe’e, wano ɓe ne’irnoo lan non hari ko mi tosokun ».
رَّبُّكُمۡ أَعۡلَمُ بِمَا فِي نُفُوسِكُمۡۚ إِن تَكُونُواْ صَٰلِحِينَ فَإِنَّهُۥ كَانَ لِلۡأَوَّٰبِينَ غَفُورٗا
Open ayah 17:25Joomi mo'on no Anndi ko woni ka nder wonkiiji mon, si tawii on wonuno moƴƴuɓe ; pellet Kanko O wonanii ruttotooɓe ɓen Surroowo.
وَءَاتِ ذَا ٱلۡقُرۡبَىٰ حَقَّهُۥ وَٱلۡمِسۡكِينَ وَٱبۡنَ ٱلسَّبِيلِ وَلَا تُبَذِّرۡ تَبۡذِيرًا
Open ayah 17:26Jonnu jom ɓadondiral haqqee makko on, e ɓilliiɗo, e seteejo haqqee makko on ; wata a funsu funsudee.
إِنَّ ٱلۡمُبَذِّرِينَ كَانُوٓاْ إِخۡوَٰنَ ٱلشَّيَٰطِينِۖ وَكَانَ ٱلشَّيۡطَٰنُ لِرَبِّهِۦ كَفُورٗا
Open ayah 17:27Pellet funsooɓe ɓen, ko siɗɓe seytanuuji ɗin ; seytaane non wonii yedduɗo Joomi mun.
وَإِمَّا تُعۡرِضَنَّ عَنۡهُمُ ٱبۡتِغَآءَ رَحۡمَةٖ مِّن رَّبِّكَ تَرۡجُوهَا فَقُل لَّهُمۡ قَوۡلٗا مَّيۡسُورٗا
Open ayah 17:28Si a ɗurnike ɓe fii ɗaɓɓugol yurmeende immorde ka Joomi maa, nde jortiɗaa ɗum, wi'an ɓe konngol newiingol.
وَلَا تَجۡعَلۡ يَدَكَ مَغۡلُولَةً إِلَىٰ عُنُقِكَ وَلَا تَبۡسُطۡهَا كُلَّ ٱلۡبَسۡطِ فَتَقۡعُدَ مَلُومٗا مَّحۡسُورًا
Open ayah 17:29Wata a waɗu junngo maa ngon ko lmbaango, ka daande maa ; wata a fontu ngo kadi kala fontugol, haa jooɗoɗaa ko a felniiɗo, ninsuɗo.
إِنَّ رَبَّكَ يَبۡسُطُ ٱلرِّزۡقَ لِمَن يَشَآءُ وَيَقۡدِرُۚ إِنَّهُۥ كَانَ بِعِبَادِهِۦ خَبِيرَۢا بَصِيرٗا
Open ayah 17:30Pellet Joomi maa, no yanñana arsike, on Mo O muuyi. O ɓittina. Pellet Kanko O wonii Humpitiiɗo, Yi’oowo jeyaaɓe Makko.
وَلَا تَقۡتُلُوٓاْ أَوۡلَٰدَكُمۡ خَشۡيَةَ إِمۡلَٰقٖۖ نَّحۡنُ نَرۡزُقُهُمۡ وَإِيَّاكُمۡۚ إِنَّ قَتۡلَهُمۡ كَانَ خِطۡـٔٗا كَبِيرٗا
Open ayah 17:31Wota on warir ɓiɓɓe mon ɓen kulol ɓilla=baasal, ko Menen arsikata ɓe, wonndude e mon ; pellet warugol ɓe ngol, wonii goopol manngol.
وَلَا تَقۡرَبُواْ ٱلزِّنَىٰٓۖ إِنَّهُۥ كَانَ فَٰحِشَةٗ وَسَآءَ سَبِيلٗا
Open ayah 17:32Wota on ɓatto jeeno ngon=fijrde nde, pellet ɗun wonii pankare e laawol bonungol.
وَلَا تَقۡتُلُواْ ٱلنَّفۡسَ ٱلَّتِي حَرَّمَ ٱللَّهُ إِلَّا بِٱلۡحَقِّۗ وَمَن قُتِلَ مَظۡلُومٗا فَقَدۡ جَعَلۡنَا لِوَلِيِّهِۦ سُلۡطَٰنٗا فَلَا يُسۡرِف فِّي ٱلۡقَتۡلِۖ إِنَّهُۥ كَانَ مَنصُورٗا
Open ayah 17:33Wata on waru wonkii, ki Allah harmini kin [warugol], si wonaa sabu hakkee. Mo tooñaama waraama, Men waɗanii heftuɓe e makko ɓen doole wota non o fantin ka warugol. Pellet Kanko o wonii wallaaɗo.
وَلَا تَقۡرَبُواْ مَالَ ٱلۡيَتِيمِ إِلَّا بِٱلَّتِي هِيَ أَحۡسَنُ حَتَّىٰ يَبۡلُغَ أَشُدَّهُۥۚ وَأَوۡفُواْ بِٱلۡعَهۡدِۖ إِنَّ ٱلۡعَهۡدَ كَانَ مَسۡـُٔولٗا
Open ayah 17:34Wata on ɓatto jawle Alyatiim, si wonaa ɓattagol ɓurngol moƴƴude, haa sagatalaaku makko timma ; humnee aadi ndin; pellet, aadi ndin wonii lannditoytee ndi.
وَأَوۡفُواْ ٱلۡكَيۡلَ إِذَا كِلۡتُمۡ وَزِنُواْ بِٱلۡقِسۡطَاسِ ٱلۡمُسۡتَقِيمِۚ ذَٰلِكَ خَيۡرٞ وَأَحۡسَنُ تَأۡوِيلٗا
Open ayah 17:35Hunnee ɓetu ngun si on etay, manndikiron manndakke=peeson peese feewuɗe, ko ɗun moƴƴi, ko kañun ɓuri moƴƴude battane.
وَلَا تَقۡفُ مَا لَيۡسَ لَكَ بِهِۦ عِلۡمٌۚ إِنَّ ٱلسَّمۡعَ وَٱلۡبَصَرَ وَٱلۡفُؤَادَ كُلُّ أُوْلَٰٓئِكَ كَانَ عَنۡهُ مَسۡـُٔولٗا
Open ayah 17:36Wata a naatu e ko a anndaa fii mun. Pellet nanɗe ɗen, e giiɗe ɗen e ɓernde nden, ɗiiɗoo fow wonii lannditoyteeɗi ka Makko.
وَلَا تَمۡشِ فِي ٱلۡأَرۡضِ مَرَحًاۖ إِنَّكَ لَن تَخۡرِقَ ٱلۡأَرۡضَ وَلَن تَبۡلُغَ ٱلۡجِبَالَ طُولٗا
Open ayah 17:37Wata a yaaru ka leydi ñaaƴa bunnga, ko fii pellet an a yulataa leydi ndin, a yottotaako pelle ɗen junndi=njuuteendi.
كُلُّ ذَٰلِكَ كَانَ سَيِّئُهُۥ عِندَ رَبِّكَ مَكۡرُوهٗا
Open ayah 17:38ɗin fow, bone majji on wonii añaaɗun ka Joomi maa.
ذَٰلِكَ مِمَّآ أَوۡحَىٰٓ إِلَيۡكَ رَبُّكَ مِنَ ٱلۡحِكۡمَةِۗ وَلَا تَجۡعَلۡ مَعَ ٱللَّهِ إِلَٰهًا ءَاخَرَ فَتُلۡقَىٰ فِي جَهَنَّمَ مَلُومٗا مَّدۡحُورًا
Open ayah 17:39Ɗun, ko goɗɗun e ko Joomi maaɗa wahayini faade e maa, immorde e Ñeeñal wata a waɗu reweteeɗo goo wonndude e Alla, sakko werleɗaa ka nder jahannama ko a felaaɗo raɗaaɗo.
أَفَأَصۡفَىٰكُمۡ رَبُّكُم بِٱلۡبَنِينَ وَٱتَّخَذَ مِنَ ٱلۡمَلَٰٓئِكَةِ إِنَٰثًاۚ إِنَّكُمۡ لَتَقُولُونَ قَوۡلًا عَظِيمٗا
Open ayah 17:40E hara Joomi mon suɓani on ɓiɓɓe worɓe, O jogitoo immorde e malaa'ikaɓe ɓen rewɓe? Pellet, onon hiɗin wowlude konngol mawnungol!
وَلَقَدۡ صَرَّفۡنَا فِي هَٰذَا ٱلۡقُرۡءَانِ لِيَذَّكَّرُواْ وَمَا يَزِيدُهُمۡ إِلَّا نُفُورٗا
Open ayah 17:41Gomɗii Men fensitii e nder ndee Alqur'aanaare fii yo ɓe waajitor, ɗum ɓeydaali ɓe si wonaa woɗɗitagol.
قُل لَّوۡ كَانَ مَعَهُۥٓ ءَالِهَةٞ كَمَا يَقُولُونَ إِذٗا لَّٱبۡتَغَوۡاْ إِلَىٰ ذِي ٱلۡعَرۡشِ سَبِيلٗا
Open ayah 17:42" Maaku : « Si tawno no wonndi e makko, reweteeɗi wano ɓe wi’iri non awa ɗi ɗaɓɓayno laawol ummaade Jom Arsi o."
سُبۡحَٰنَهُۥ وَتَعَٰلَىٰ عَمَّا يَقُولُونَ عُلُوّٗا كَبِيرٗا
Open ayah 17:43Senayee wonanii Mo, O Toowii gaayi e ko ɓe wi'ata Toowal Mawnungal.
تُسَبِّحُ لَهُ ٱلسَّمَٰوَٰتُ ٱلسَّبۡعُ وَٱلۡأَرۡضُ وَمَن فِيهِنَّۚ وَإِن مِّن شَيۡءٍ إِلَّا يُسَبِّحُ بِحَمۡدِهِۦ وَلَٰكِن لَّا تَفۡقَهُونَ تَسۡبِيحَهُمۡۚ إِنَّهُۥ كَانَ حَلِيمًا غَفُورٗا
Open ayah 17:44No subunhinannde Mo kammuuli ɗin jeeɗiɗi e leydi ndin e ɓen wonuɓe e majji, alaa e hay e huunde si wanaa hinde Subunhinaade sabu Yettugol Mo, kono on faamataa subunhinaali maɓɓe ɗin, pellet, Kanko O wonii Munñiiɗo Surroowo.
وَإِذَا قَرَأۡتَ ٱلۡقُرۡءَانَ جَعَلۡنَا بَيۡنَكَ وَبَيۡنَ ٱلَّذِينَ لَا يُؤۡمِنُونَ بِٱلۡأٓخِرَةِ حِجَابٗا مَّسۡتُورٗا
Open ayah 17:45Si a janngii Alqur'aanaare nden Men waɗay hakkonde maa e ɓen ɓe gomɗinaa laahara on heedo suuɗiingo.
وَجَعَلۡنَا عَلَىٰ قُلُوبِهِمۡ أَكِنَّةً أَن يَفۡقَهُوهُ وَفِيٓ ءَاذَانِهِمۡ وَقۡرٗاۚ وَإِذَا ذَكَرۡتَ رَبَّكَ فِي ٱلۡقُرۡءَانِ وَحۡدَهُۥ وَلَّوۡاْ عَلَىٰٓ أَدۡبَٰرِهِمۡ نُفُورٗا
Open ayah 17:46Men waɗi e dow ɓerɗe maɓɓe ɗen cokooɗe fii wata ɓe faamu nde [Alqur'aanaare nden] e ka noppi maɓɓe kadi teddeele, si a jantike Joomi maaɗa ka nder Alqur'aanaare Kanko Tun ɓe huccinay ɓabbe maɓɓe ɗen ko ɓe dogooɓe.
نَّحۡنُ أَعۡلَمُ بِمَا يَسۡتَمِعُونَ بِهِۦٓ إِذۡ يَسۡتَمِعُونَ إِلَيۡكَ وَإِذۡ هُمۡ نَجۡوَىٰٓ إِذۡ يَقُولُ ٱلظَّٰلِمُونَ إِن تَتَّبِعُونَ إِلَّا رَجُلٗا مَّسۡحُورًا
Open ayah 17:47Ko Menen Anndi ko ɓe heɗotoo kon, tuma ɓe heɗotoo faade e maaɗa [yo Nulaaɗo], e tuma ɓe sowndondirta=ndeeydata, tuma nde tooñooɓe ɓen wi'ata: «On jokkaali si wanaa gorko mbilɗaaɗo=bilaado».
ٱنظُرۡ كَيۡفَ ضَرَبُواْ لَكَ ٱلۡأَمۡثَالَ فَضَلُّواْ فَلَا يَسۡتَطِيعُونَ سَبِيلٗا
Open ayah 17:48Ndaarii [yo Nulaaɗo] ko honno ɓe piyiranay maa mise=yeruuji, ɓe majjii ɓe hattantaake [heɓude] laawol.
وَقَالُوٓاْ أَءِذَا كُنَّا عِظَٰمٗا وَرُفَٰتًا أَءِنَّا لَمَبۡعُوثُونَ خَلۡقٗا جَدِيدٗا
Open ayah 17:49Ɓe wi'i: «E hara si men wonii ƴi'e e mbuɗu, haray ko men immintinoyteeɓe tagu hesu?»
۞قُلۡ كُونُواْ حِجَارَةً أَوۡ حَدِيدًا
Open ayah 17:50Maaku: [yo Nulaaɗo] «Wonee kaaƴe maa jamɗe»
أَوۡ خَلۡقٗا مِّمَّا يَكۡبُرُ فِي صُدُورِكُمۡۚ فَسَيَقُولُونَ مَن يُعِيدُنَاۖ قُلِ ٱلَّذِي فَطَرَكُمۡ أَوَّلَ مَرَّةٖۚ فَسَيُنۡغِضُونَ إِلَيۡكَ رُءُوسَهُمۡ وَيَقُولُونَ مَتَىٰ هُوَۖ قُلۡ عَسَىٰٓ أَن يَكُونَ قَرِيبٗا
Open ayah 17:51Maaɗun tagu tawayngu no mawni ka ɓerɗe mon, aray ɓe wi'a: 'Ko hommbo ruttata men?" Maaku: "Ko On Taguɗo on ka laawol aranol". Aray ɓe dimmba ko'e maɓɓe ɗen faande e maa, ɓe wi'a: "Ɗun ko honnde tuma", Maaku: 'No tijjaa nde tawata ɓadike".
يَوۡمَ يَدۡعُوكُمۡ فَتَسۡتَجِيبُونَ بِحَمۡدِهِۦ وَتَظُنُّونَ إِن لَّبِثۡتُمۡ إِلَّا قَلِيلٗا
Open ayah 17:52Ñannde O noddata on nootoɗon yetton Mo sikkon on ñiiɓaano [ka leydi] si wanaa seeɗa.
وَقُل لِّعِبَادِي يَقُولُواْ ٱلَّتِي هِيَ أَحۡسَنُۚ إِنَّ ٱلشَّيۡطَٰنَ يَنزَغُ بَيۡنَهُمۡۚ إِنَّ ٱلشَّيۡطَٰنَ كَانَ لِلۡإِنسَٰنِ عَدُوّٗا مُّبِينٗا
Open ayah 17:53Maakan jeyaaɓe an ɓen: "Yo ɓe wowlu nden huunde ɓurnde moƴƴude, pellet, Seytaane o bonnay hakkunde maɓɓe, pellet, Seytaane wonanii neɗɗanke gaño ɓannguɗo".
رَّبُّكُمۡ أَعۡلَمُ بِكُمۡۖ إِن يَشَأۡ يَرۡحَمۡكُمۡ أَوۡ إِن يَشَأۡ يُعَذِّبۡكُمۡۚ وَمَآ أَرۡسَلۡنَٰكَ عَلَيۡهِمۡ وَكِيلٗا
Open ayah 17:54Joomi mon ko O Annduɗo fii mon, si O yiɗii O hinnoo on, maaɗun si O yiɗii O lepta on. Men nulaali ma e dow maɓɓe fawtiiɗo.
وَرَبُّكَ أَعۡلَمُ بِمَن فِي ٱلسَّمَٰوَٰتِ وَٱلۡأَرۡضِۗ وَلَقَدۡ فَضَّلۡنَا بَعۡضَ ٱلنَّبِيِّـۧنَ عَلَىٰ بَعۡضٖۖ وَءَاتَيۡنَا دَاوُۥدَ زَبُورٗا
Open ayah 17:55Ko Joomi maa Annde fii ɓen womɓe ka kammuuli e ka leydi, pellet, Men ɓurnii woɓɓe e Annabaaɓe ɓen e dow woɓɓe, Men Jonni Daawuuda Jabuura.
قُلِ ٱدۡعُواْ ٱلَّذِينَ زَعَمۡتُم مِّن دُونِهِۦ فَلَا يَمۡلِكُونَ كَشۡفَ ٱلضُّرِّ عَنكُمۡ وَلَا تَحۡوِيلًا
Open ayah 17:56Maaku: "Noddee ɓen ɓe aaƴiɗon [ko reweteeɓe] gaanin Makko, ɓe maraa huncugol lorra kan gaayi mo'on wonaa waylugol kadi".
أُوْلَٰٓئِكَ ٱلَّذِينَ يَدۡعُونَ يَبۡتَغُونَ إِلَىٰ رَبِّهِمُ ٱلۡوَسِيلَةَ أَيُّهُمۡ أَقۡرَبُ وَيَرۡجُونَ رَحۡمَتَهُۥ وَيَخَافُونَ عَذَابَهُۥٓۚ إِنَّ عَذَابَ رَبِّكَ كَانَ مَحۡذُورٗا
Open ayah 17:57Ɓen, ɓe ɓe woni noddude, hiɓe ɗaɓɓude ɗoworgal faade e Joomi maɓɓe, ko hommbo e maɓɓe ɓuri ɓadaade, hiɓe jortii Hinnayee Makko on hiɓe huli lepte Makko ɗen, pellet, lepte Joomi maa ɗen ɗe laatike ko rentaaɗe.
وَإِن مِّن قَرۡيَةٍ إِلَّا نَحۡنُ مُهۡلِكُوهَا قَبۡلَ يَوۡمِ ٱلۡقِيَٰمَةِ أَوۡ مُعَذِّبُوهَا عَذَابٗا شَدِيدٗاۚ كَانَ ذَٰلِكَ فِي ٱلۡكِتَٰبِ مَسۡطُورٗا
Open ayah 17:58Alaa e saare si wanaa Menen ko Men halkayɓe nde ko adii ñalde darngal, maa ko Men leptayɓe nde lepte sattuɗe, ɗun ɗon wonii ko winndaa ɗun ka Deftere.
وَمَا مَنَعَنَآ أَن نُّرۡسِلَ بِٱلۡأٓيَٰتِ إِلَّآ أَن كَذَّبَ بِهَا ٱلۡأَوَّلُونَۚ وَءَاتَيۡنَا ثَمُودَ ٱلنَّاقَةَ مُبۡصِرَةٗ فَظَلَمُواْ بِهَاۚ وَمَا نُرۡسِلُ بِٱلۡأٓيَٰتِ إِلَّا تَخۡوِيفٗا
Open ayah 17:59Haɗaali Men nde Men nula Aayeeje ɗen, si wanaa sabu fenniino ɗe adiiɓe ɓen, Men okki Samuuda Naaqaawa mban yi'teemba ɓe tooñi mba, Men nuliraali Aayeeje ɗen si wonaa hulɓinirɗe.
وَإِذۡ قُلۡنَا لَكَ إِنَّ رَبَّكَ أَحَاطَ بِٱلنَّاسِۚ وَمَا جَعَلۡنَا ٱلرُّءۡيَا ٱلَّتِيٓ أَرَيۡنَٰكَ إِلَّا فِتۡنَةٗ لِّلنَّاسِ وَٱلشَّجَرَةَ ٱلۡمَلۡعُونَةَ فِي ٱلۡقُرۡءَانِۚ وَنُخَوِّفُهُمۡ فَمَا يَزِيدُهُمۡ إِلَّا طُغۡيَٰنٗا كَبِيرٗا
Open ayah 17:60[Janto] Tuma nde Men wi'anno maa: "Pellet, Joomi maa O huɓindike yimɓe ɓen, Men waɗiraali nden yi'annde nde Men hollumaa si wanaa fitina wonannde yimɓe ɓen e lekki huɗaaki ki ka Alqur'aana, Meɗen hulɓina ɓe kono ɓeydataa ɓe si wanaa bewre mawnde.
وَإِذۡ قُلۡنَا لِلۡمَلَٰٓئِكَةِ ٱسۡجُدُواْ لِأٓدَمَ فَسَجَدُوٓاْ إِلَّآ إِبۡلِيسَ قَالَ ءَأَسۡجُدُ لِمَنۡ خَلَقۡتَ طِينٗا
Open ayah 17:61Nde Men Daalannoo Malaa'ikaaɓe ɓen sujjanee Aadama, ɓe sujji si wanaa Ibliisa o wi'i: "Hara mi sujjanay on mo taguƊaa e loopal?".
قَالَ أَرَءَيۡتَكَ هَٰذَا ٱلَّذِي كَرَّمۡتَ عَلَيَّ لَئِنۡ أَخَّرۡتَنِ إِلَىٰ يَوۡمِ ٱلۡقِيَٰمَةِ لَأَحۡتَنِكَنَّ ذُرِّيَّتَهُۥٓ إِلَّا قَلِيلٗا
Open ayah 17:62O wi'i: "A yi'ii oo mo teddinƊaa e dow an, pellet, si A nennanii lan haa ñalde darngal mi bonnay ɓiɓɓe makko ɓen si wanaa seeɗaaɓe.
قَالَ ٱذۡهَبۡ فَمَن تَبِعَكَ مِنۡهُمۡ فَإِنَّ جَهَنَّمَ جَزَآؤُكُمۡ جَزَآءٗ مَّوۡفُورٗا
Open ayah 17:63[Alla] Daali: "Yahu, kala jokkuɗo ma e maɓɓe pellet, ko jahannama woni njoddi mon, njoddi yonoori".
وَٱسۡتَفۡزِزۡ مَنِ ٱسۡتَطَعۡتَ مِنۡهُم بِصَوۡتِكَ وَأَجۡلِبۡ عَلَيۡهِم بِخَيۡلِكَ وَرَجِلِكَ وَشَارِكۡهُمۡ فِي ٱلۡأَمۡوَٰلِ وَٱلۡأَوۡلَٰدِ وَعِدۡهُمۡۚ وَمَا يَعِدُهُمُ ٱلشَّيۡطَٰنُ إِلَّا غُرُورًا
Open ayah 17:64Dillinir on mo hattanaɗaa e maɓɓe hito maa ngon, pooɗu e dow maɓɓe pucci maa e seppooɓe maa, ka fidu e maɓɓe ka jawle e ka ɓiɓɓe foduɓe, [kono] Seytaane fodaali ɓe si wanaa hodo.
إِنَّ عِبَادِي لَيۡسَ لَكَ عَلَيۡهِمۡ سُلۡطَٰنٞۚ وَكَفَىٰ بِرَبِّكَ وَكِيلٗا
Open ayah 17:65Pellet, Jeyaaɓe An ɓen a maraa doole e hoore maɓɓe, Joomi maa yonii Hooloraaɗo.
رَّبُّكُمُ ٱلَّذِي يُزۡجِي لَكُمُ ٱلۡفُلۡكَ فِي ٱلۡبَحۡرِ لِتَبۡتَغُواْ مِن فَضۡلِهِۦٓۚ إِنَّهُۥ كَانَ بِكُمۡ رَحِيمٗا
Open ayah 17:66Ko Joomi mon woni sogganayɗo on laaɗe ɗen ka maayo, fii yo on ɗaɓɓu immorde e ɓural Makko ngal, pellet, Kanko ko O Yurmeteeɗo on.
وَإِذَا مَسَّكُمُ ٱلضُّرُّ فِي ٱلۡبَحۡرِ ضَلَّ مَن تَدۡعُونَ إِلَّآ إِيَّاهُۖ فَلَمَّا نَجَّىٰكُمۡ إِلَى ٱلۡبَرِّ أَعۡرَضۡتُمۡۚ وَكَانَ ٱلۡإِنسَٰنُ كَفُورًا
Open ayah 17:67Si lorra kan heɓii on ka maayo, majjay ɓen ɓe noddayno ɗon, si wonaa Kanko [Alla] nde O danndi on ka njorndi ɗurnoɗon, neɗɗanke on wonii te o seeraani wonde heewuɗo yeddugol.
أَفَأَمِنتُمۡ أَن يَخۡسِفَ بِكُمۡ جَانِبَ ٱلۡبَرِّ أَوۡ يُرۡسِلَ عَلَيۡكُمۡ حَاصِبٗا ثُمَّ لَا تَجِدُواْ لَكُمۡ وَكِيلًا
Open ayah 17:68Enee, on hooli O mutintaa on ka banŋe njorndi maaɗun O nula e mon damagariire [toɓo koccu], refti hara heɓantaake on fawtiiɗo.
أَمۡ أَمِنتُمۡ أَن يُعِيدَكُمۡ فِيهِ تَارَةً أُخۡرَىٰ فَيُرۡسِلَ عَلَيۡكُمۡ قَاصِفٗا مِّنَ ٱلرِّيحِ فَيُغۡرِقَكُم بِمَا كَفَرۡتُمۡ ثُمَّ لَا تَجِدُواْ لَكُمۡ عَلَيۡنَا بِهِۦ تَبِيعٗا
Open ayah 17:69Kaa on hooli O ruttaraa on e maggo laawol goo O accita e dow mon bippooru immorde e keneeli O yoolira on sabu ko yeddunoɗon kon, refti on heɓantaake jokkitirayɗo e dow amen cukkoowo.
۞وَلَقَدۡ كَرَّمۡنَا بَنِيٓ ءَادَمَ وَحَمَلۡنَٰهُمۡ فِي ٱلۡبَرِّ وَٱلۡبَحۡرِ وَرَزَقۡنَٰهُم مِّنَ ٱلطَّيِّبَٰتِ وَفَضَّلۡنَٰهُمۡ عَلَىٰ كَثِيرٖ مِّمَّنۡ خَلَقۡنَا تَفۡضِيلٗا
Open ayah 17:70Gomɗii, Men teddinii ɓiɗɓe Aadama ɓen, Men ronndike ɓe ka njorndi e ka maayo Men arsiki ɓe immorde e laaɓuɗi Men ɓurni ɓe e dow ko heewi e ɓen ɓe Men tagi ɓurnudee.
يَوۡمَ نَدۡعُواْ كُلَّ أُنَاسِۭ بِإِمَٰمِهِمۡۖ فَمَنۡ أُوتِيَ كِتَٰبَهُۥ بِيَمِينِهِۦ فَأُوْلَٰٓئِكَ يَقۡرَءُونَ كِتَٰبَهُمۡ وَلَا يُظۡلَمُونَ فَتِيلٗا
Open ayah 17:71Ñannde Men noddiroyta kala yimɓe yeesoojo maɓɓe on,kala on jonnitiroyaaɗo deftere makko nden ka ñaamo makko ɓen ɗon ɓe janngay deftere maɓɓe nden ɓe tooñirtaake hay yeru gaarayol hun tamaro.
وَمَن كَانَ فِي هَٰذِهِۦٓ أَعۡمَىٰ فَهُوَ فِي ٱلۡأٓخِرَةِ أَعۡمَىٰ وَأَضَلُّ سَبِيلٗا
Open ayah 17:72Kala on wonuɗo e [ngurndan aduna] ko o bunɗo, haray kanko, ko ka laahara o ɓurata wumude e majjude laawol.
وَإِن كَادُواْ لَيَفۡتِنُونَكَ عَنِ ٱلَّذِيٓ أَوۡحَيۡنَآ إِلَيۡكَ لِتَفۡتَرِيَ عَلَيۡنَا غَيۡرَهُۥۖ وَإِذٗا لَّٱتَّخَذُوكَ خَلِيلٗا
Open ayah 17:73Fii kala ɓe eɓɓii nde ɓe fitinaymaa gaayi nden huunde nde Men wahayini e maaɗa fii yo a fefindo e Amen ko wonaa ɗun [ko Men tellini e maa] ontuma ɓe jogitoto ma sehlaajo.
وَلَوۡلَآ أَن ثَبَّتۡنَٰكَ لَقَدۡ كِدتَّ تَرۡكَنُ إِلَيۡهِمۡ شَيۡـٔٗا قَلِيلًا
Open ayah 17:74Si tawiino Men tabintinaanoma, gomɗii hari a do'ii ooñaade e maɓɓe huunde seeɗaare.
إِذٗا لَّأَذَقۡنَٰكَ ضِعۡفَ ٱلۡحَيَوٰةِ وَضِعۡفَ ٱلۡمَمَاتِ ثُمَّ لَا تَجِدُ لَكَ عَلَيۡنَا نَصِيرٗا
Open ayah 17:75Ontuma Men meeɗinteno cowale [lepte] ka ngurndan e cowale [lepte] ka mayde refti heɓantaake ma ballo e hoore Amen.
وَإِن كَادُواْ لَيَسۡتَفِزُّونَكَ مِنَ ٱلۡأَرۡضِ لِيُخۡرِجُوكَ مِنۡهَاۖ وَإِذٗا لَّا يَلۡبَثُونَ خِلَٰفَكَ إِلَّا قَلِيلٗا
Open ayah 17:76Fii kala ɓe eɓɓiino dillinngol ma ka leydi fii yo ɓe yaltine e mayri, ontuma ɓe ñiiɓataano ɓatte maa si wanaa seeɗa.
سُنَّةَ مَن قَدۡ أَرۡسَلۡنَا قَبۡلَكَ مِن رُّسُلِنَاۖ وَلَا تَجِدُ لِسُنَّتِنَا تَحۡوِيلًا
Open ayah 17:77Ɗun ko Sunna ɓen ɓe Men nuli ko adimaa immorde e Nulaaɓe Amen, a heɓantaa Sunna Amen on mbattiigu.
أَقِمِ ٱلصَّلَوٰةَ لِدُلُوكِ ٱلشَّمۡسِ إِلَىٰ غَسَقِ ٱلَّيۡلِ وَقُرۡءَانَ ٱلۡفَجۡرِۖ إِنَّ قُرۡءَانَ ٱلۡفَجۡرِ كَانَ مَشۡهُودٗا
Open ayah 17:78Ñinnu julde nden ka mortagol naange ngen haa ka niwre jemma, Julde subaha nden, pellet, Julde subaha nden wonii seedeteende.
وَمِنَ ٱلَّيۡلِ فَتَهَجَّدۡ بِهِۦ نَافِلَةٗ لَّكَ عَسَىٰٓ أَن يَبۡعَثَكَ رَبُّكَ مَقَامٗا مَّحۡمُودٗا
Open ayah 17:79Ka jemma tinno e makko ko ɓeydaari maaɗa, no jortaa nde Joomi maaɗa immintinay maa e darorde yettiniinde.
وَقُل رَّبِّ أَدۡخِلۡنِي مُدۡخَلَ صِدۡقٖ وَأَخۡرِجۡنِي مُخۡرَجَ صِدۡقٖ وَٱجۡعَل لِّي مِن لَّدُنكَ سُلۡطَٰنٗا نَّصِيرٗا
Open ayah 17:80Maaku: "Jooma, naadiran naatirgal goonga yaltiniraa mi yaltirgal goonga, waɗanaa mi immorde ka Maaɗa doole ballal".
وَقُلۡ جَآءَ ٱلۡحَقُّ وَزَهَقَ ٱلۡبَٰطِلُۚ إِنَّ ٱلۡبَٰطِلَ كَانَ زَهُوقٗا
Open ayah 17:81Maaku: "goonga kan arii meere nden fuuyii, pellet, meere nden wonii fuuyoore".
وَنُنَزِّلُ مِنَ ٱلۡقُرۡءَانِ مَا هُوَ شِفَآءٞ وَرَحۡمَةٞ لِّلۡمُؤۡمِنِينَ وَلَا يَزِيدُ ٱلظَّٰلِمِينَ إِلَّا خَسَارٗا
Open ayah 17:82Meɗen tellina ka Alqur'aana huunde nde konde cellal e yurmeende wonnande gomɗinɓe ɓen, ɓeydataa tooñooɓe ɓen si wanaa hayrere.
وَإِذَآ أَنۡعَمۡنَا عَلَى ٱلۡإِنسَٰنِ أَعۡرَضَ وَنَـَٔا بِجَانِبِهِۦ وَإِذَا مَسَّهُ ٱلشَّرُّ كَانَ يَـُٔوسٗا
Open ayah 17:83Si Men neeminii e neɗɗanke on o ɗuurnoo o townaa balaaje makko, si bone heɓii mo o wona hattuɗo e taƴiiɗo.
قُلۡ كُلّٞ يَعۡمَلُ عَلَىٰ شَاكِلَتِهِۦ فَرَبُّكُمۡ أَعۡلَمُ بِمَنۡ هُوَ أَهۡدَىٰ سَبِيلٗا
Open ayah 17:84Maaku: "Mo kala yo gollu e laawol mun, ko Joomi mon woni Annduɗo on ɓurɗo feewude laawol".
وَيَسۡـَٔلُونَكَ عَنِ ٱلرُّوحِۖ قُلِ ٱلرُّوحُ مِنۡ أَمۡرِ رَبِّي وَمَآ أُوتِيتُم مِّنَ ٱلۡعِلۡمِ إِلَّا قَلِيلٗا
Open ayah 17:85Hiɓe lanndo maa fii fittaandu, maaku: "Fittaandu ndun ko e fiyaake Joomi an, on okkaaka e ganndal si wanaa seeɗaé.
وَلَئِن شِئۡنَا لَنَذۡهَبَنَّ بِٱلَّذِيٓ أَوۡحَيۡنَآ إِلَيۡكَ ثُمَّ لَا تَجِدُ لَكَ بِهِۦ عَلَيۡنَا وَكِيلًا
Open ayah 17:86Mi woondii, si Meɗen yiɗunoo Men naɓayno nden huunde nde Men wahyini faade e Maaɗa, refti heɓantaake ma fawtiiɗo ɗun e hoore Amen.
إِلَّا رَحۡمَةٗ مِّن رَّبِّكَۚ إِنَّ فَضۡلَهُۥ كَانَ عَلَيۡكَ كَبِيرٗا
Open ayah 17:87Ko woni tun, ko Hinnayee immorde ka Joomi maa, pellet, ɓural Makko ngal e dow maa wonii mawnungal.
قُل لَّئِنِ ٱجۡتَمَعَتِ ٱلۡإِنسُ وَٱلۡجِنُّ عَلَىٰٓ أَن يَأۡتُواْ بِمِثۡلِ هَٰذَا ٱلۡقُرۡءَانِ لَا يَأۡتُونَ بِمِثۡلِهِۦ وَلَوۡ كَانَ بَعۡضُهُمۡ لِبَعۡضٖ ظَهِيرٗا
Open ayah 17:88Maaku: "Mi woondii, si yimɓe ɓen e jinnaaji ɗin hawtitii fii yo ɓe addu yeru ndee Alqur'aanaare, ɓe addataa yeru mayre, hay si wonii woɓɓe maɓɓe ko wallindrayɓe e woɓɓe".
وَلَقَدۡ صَرَّفۡنَا لِلنَّاسِ فِي هَٰذَا ٱلۡقُرۡءَانِ مِن كُلِّ مَثَلٖ فَأَبَىٰٓ أَكۡثَرُ ٱلنَّاسِ إِلَّا كُفُورٗا
Open ayah 17:89Gomɗii Men ɓannginanii yimɓe ɓen e ndee Alqur'aanaare immorde e kala misal, ɓurɓe ɗuuɗude e yimɓe ɓen salii, si wanaa yeddugol.
وَقَالُواْ لَن نُّؤۡمِنَ لَكَ حَتَّىٰ تَفۡجُرَ لَنَا مِنَ ٱلۡأَرۡضِ يَنۢبُوعًا
Open ayah 17:90Ɓe wi'i: "Men gomɗintaa ma, haa ɓullitanaa men ka leydi ɓunndu".
أَوۡ تَكُونَ لَكَ جَنَّةٞ مِّن نَّخِيلٖ وَعِنَبٖ فَتُفَجِّرَ ٱلۡأَنۡهَٰرَ خِلَٰلَهَا تَفۡجِيرًا
Open ayah 17:91Maaɗun laatano maa ngesa immorde e tamorooje e inabuuje ɓullitaa canɗi ɗin hakkunde majje ɓullitugol.
أَوۡ تُسۡقِطَ ٱلسَّمَآءَ كَمَا زَعَمۡتَ عَلَيۡنَا كِسَفًا أَوۡ تَأۡتِيَ بِٱللَّهِ وَٱلۡمَلَٰٓئِكَةِ قَبِيلًا
Open ayah 17:92Maaɗun liɓaa kammu ngun e hoore amen wano aaƴorɗaa non kunte, maaɗun addaa Alla e Maalaa'ikaaɓe ɓen [men] tiindondira.
أَوۡ يَكُونَ لَكَ بَيۡتٞ مِّن زُخۡرُفٍ أَوۡ تَرۡقَىٰ فِي ٱلسَّمَآءِ وَلَن نُّؤۡمِنَ لِرُقِيِّكَ حَتَّىٰ تُنَزِّلَ عَلَيۡنَا كِتَٰبٗا نَّقۡرَؤُهُۥۗ قُلۡ سُبۡحَانَ رَبِّي هَلۡ كُنتُ إِلَّا بَشَرٗا رَّسُولٗا
Open ayah 17:93Maaɗun laatano maa suudu immorde e cuɗaaje [kanŋe], maaɗun ƴawaa ka kammu, men gomɗintaa ƴawugol maaɗa ngol haa jippinaa e amen deftere men jannga nde. Maaku: "Senaade Jom an, hara mi wonu, ko wonaa ɓanndinke Nulaaɗo?!".
وَمَا مَنَعَ ٱلنَّاسَ أَن يُؤۡمِنُوٓاْ إِذۡ جَآءَهُمُ ٱلۡهُدَىٰٓ إِلَّآ أَن قَالُوٓاْ أَبَعَثَ ٱللَّهُ بَشَرٗا رَّسُولٗا
Open ayah 17:94Haɗaali yimɓe ɓen nde ɓe gomɗinta tuma nde peewalngal arunoo ɓe, si wanaa fii ɓe wi'ii: "E hara Alla nulay ɓanndinke Nulaaɗo?!"
قُل لَّوۡ كَانَ فِي ٱلۡأَرۡضِ مَلَٰٓئِكَةٞ يَمۡشُونَ مُطۡمَئِنِّينَ لَنَزَّلۡنَا عَلَيۡهِم مِّنَ ٱلسَّمَآءِ مَلَكٗا رَّسُولٗا
Open ayah 17:95Maaku: "Si tawiino laatinoke ka leydi Malaa'ikaaɓe hiɓe yaha ko ɓe deewuɓe, Men jippinayno e maɓɓe immorde ka kammu Malaa'ikaajo Nulaaɗo".
قُلۡ كَفَىٰ بِٱللَّهِ شَهِيدَۢا بَيۡنِي وَبَيۡنَكُمۡۚ إِنَّهُۥ كَانَ بِعِبَادِهِۦ خَبِيرَۢا بَصِيرٗا
Open ayah 17:96Maaku: "Alla yonii Seediiɗo hakkunde an e mon, pellet Kanko O wonii Humpitiiɗo Reenuɗo jeyaaɓe Makko ɓen".
وَمَن يَهۡدِ ٱللَّهُ فَهُوَ ٱلۡمُهۡتَدِۖ وَمَن يُضۡلِلۡ فَلَن تَجِدَ لَهُمۡ أَوۡلِيَآءَ مِن دُونِهِۦۖ وَنَحۡشُرُهُمۡ يَوۡمَ ٱلۡقِيَٰمَةِ عَلَىٰ وُجُوهِهِمۡ عُمۡيٗا وَبُكۡمٗا وَصُمّٗاۖ مَّأۡوَىٰهُمۡ جَهَنَّمُۖ كُلَّمَا خَبَتۡ زِدۡنَٰهُمۡ سَعِيرٗا
Open ayah 17:97On mo Alla fewni ko on woni feewuɗo, ɓe O majjini ɓen a heɓantaaɓe wallooɓe ko woori Mo. Men mooɓay ɓe ñalde darngal e dow geece maɓɓe ɗen ko ɓe wumuɓe e mbobiɗu= fahdube ɓe e faaɗuɓe, werde maɓɓe nden ko jahannama tuma kala nge rocci Men ɓeydana ɓe huɓɓunge.
ذَٰلِكَ جَزَآؤُهُم بِأَنَّهُمۡ كَفَرُواْ بِـَٔايَٰتِنَا وَقَالُوٓاْ أَءِذَا كُنَّا عِظَٰمٗا وَرُفَٰتًا أَءِنَّا لَمَبۡعُوثُونَ خَلۡقٗا جَدِيدًا
Open ayah 17:98Ɗun ko njoddi maɓɓe, sabu kamɓe ɓe yeddii Aayeeje Amen ɗen, ɓe wi'i: "E hay si men wonii ƴi'e e mbuɗu e hara menen ko men immintinteeɓe tagu hesu?!"
۞أَوَلَمۡ يَرَوۡاْ أَنَّ ٱللَّهَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ قَادِرٌ عَلَىٰٓ أَن يَخۡلُقَ مِثۡلَهُمۡ وَجَعَلَ لَهُمۡ أَجَلٗا لَّا رَيۡبَ فِيهِ فَأَبَى ٱلظَّٰلِمُونَ إِلَّا كُفُورٗا
Open ayah 17:99Enee, ɓee yi'aali, wonnde Alla On Taguɗo kammuuli ɗin e leydi ndin ko O Hattanɗo nde O tagata yeru maɓɓe, O waɗani ɓe lajal [caate] sikke alaa e maggal. Tooñooɓe ɓen salii si wanaa yeddugol.
قُل لَّوۡ أَنتُمۡ تَمۡلِكُونَ خَزَآئِنَ رَحۡمَةِ رَبِّيٓ إِذٗا لَّأَمۡسَكۡتُمۡ خَشۡيَةَ ٱلۡإِنفَاقِۚ وَكَانَ ٱلۡإِنسَٰنُ قَتُورٗا
Open ayah 17:100Maaku: "Sinndo onon hiɗon marunoo ngaluuji Hinnayee Joomi an on, ontuma, on jogitotono kulol nafkugol, neɗɗanke on wonii nguddo".
وَلَقَدۡ ءَاتَيۡنَا مُوسَىٰ تِسۡعَ ءَايَٰتِۭ بَيِّنَٰتٖۖ فَسۡـَٔلۡ بَنِيٓ إِسۡرَٰٓءِيلَ إِذۡ جَآءَهُمۡ فَقَالَ لَهُۥ فِرۡعَوۡنُ إِنِّي لَأَظُنُّكَ يَٰمُوسَىٰ مَسۡحُورٗا
Open ayah 17:101Gomɗii Men okkiino Muusaa Aayeeje jeenay ɓannguɗe, lanndii ɓiɓɓe Israa'iila ɓen tuma nde o arunoo ɓe Fir'awna wi'ani mo: "Min dey miɗo sikkumaa ko an yo Muusaa ko a mbilɗaaɗo".
قَالَ لَقَدۡ عَلِمۡتَ مَآ أَنزَلَ هَٰٓؤُلَآءِ إِلَّا رَبُّ ٱلسَّمَٰوَٰتِ وَٱلۡأَرۡضِ بَصَآئِرَ وَإِنِّي لَأَظُنُّكَ يَٰفِرۡعَوۡنُ مَثۡبُورٗا
Open ayah 17:102Maaku: "Goɗii hiɗa anndi jippinaali ɗee si wanaa Jeyɗo kammuuli ɗin e leydi ndin Aayeeje [yi'eteeɗi]. Min dey miɗo sikkumaa ko an yo Fir'awna ko a halkiiɗo".
فَأَرَادَ أَن يَسۡتَفِزَّهُم مِّنَ ٱلۡأَرۡضِ فَأَغۡرَقۡنَٰهُ وَمَن مَّعَهُۥ جَمِيعٗا
Open ayah 17:103O faalaa nde o dillinta ɓe ka leydi Men yooli mo e ɓen wonnduɓe e makko ɓe denndaangal.
وَقُلۡنَا مِنۢ بَعۡدِهِۦ لِبَنِيٓ إِسۡرَٰٓءِيلَ ٱسۡكُنُواْ ٱلۡأَرۡضَ فَإِذَا جَآءَ وَعۡدُ ٱلۡأٓخِرَةِ جِئۡنَا بِكُمۡ لَفِيفٗا
Open ayah 17:104Men Daalani ɓaawo makko ɓiɓɓe Israa'iila ɓen: "Hoɗee ka leydi, si fodoore sakkitiinde nden arii, Men adday on ko on muuɓiiɓe=fiiliibe".
وَبِٱلۡحَقِّ أَنزَلۡنَٰهُ وَبِٱلۡحَقِّ نَزَلَۗ وَمَآ أَرۡسَلۡنَٰكَ إِلَّا مُبَشِّرٗا وَنَذِيرٗا
Open ayah 17:105Ko sabu Goonga Men telliniri nde, ko sabu Goonga nde tellii, Men nuliraali ma si wanaa [ko a] wewlinoowo=beltinoowo e jertinoowo.
وَقُرۡءَانٗا فَرَقۡنَٰهُ لِتَقۡرَأَهُۥ عَلَى ٱلنَّاسِ عَلَىٰ مُكۡثٖ وَنَزَّلۡنَٰهُ تَنزِيلٗا
Open ayah 17:106E Qur'aanaare Men ɓanngini nde fii yo a janngannde yimɓe ɓen e dow deeƴere, Men jippini nde jipinnde.
قُلۡ ءَامِنُواْ بِهِۦٓ أَوۡ لَا تُؤۡمِنُوٓاْۚ إِنَّ ٱلَّذِينَ أُوتُواْ ٱلۡعِلۡمَ مِن قَبۡلِهِۦٓ إِذَا يُتۡلَىٰ عَلَيۡهِمۡ يَخِرُّونَۤ لِلۡأَذۡقَانِۤ سُجَّدٗاۤ
Open ayah 17:107Maaku: "Gomɗinee nde, maaɗun wata on gomɗin, pellet, ɓen okkaaɓe ganndal ko adii nde si [nde] janngaama e taweende maɓɓe ɓe suuyiray wokkuɗe ko ɓe sujjooɓe".
وَيَقُولُونَ سُبۡحَٰنَ رَبِّنَآ إِن كَانَ وَعۡدُ رَبِّنَا لَمَفۡعُولٗا
Open ayah 17:108Ɓe wi'a:Senaade woodanii Joomi amen,nde wonnoo Fodoore Joomi amen nden ko waɗoore.
وَيَخِرُّونَ لِلۡأَذۡقَانِ يَبۡكُونَ وَيَزِيدُهُمۡ خُشُوعٗا۩
Open ayah 17:109Hiɓe suuyira wokkuɗe ɓe wulla [Alqur'aana on] ɓayda ɓe yankinaare.
قُلِ ٱدۡعُواْ ٱللَّهَ أَوِ ٱدۡعُواْ ٱلرَّحۡمَٰنَۖ أَيّٗا مَّا تَدۡعُواْ فَلَهُ ٱلۡأَسۡمَآءُ ٱلۡحُسۡنَىٰۚ وَلَا تَجۡهَرۡ بِصَلَاتِكَ وَلَا تُخَافِتۡ بِهَا وَٱبۡتَغِ بَيۡنَ ذَٰلِكَ سَبِيلٗا
Open ayah 17:110Maaku: "Noddiree Mo Alla maa noddiro Mo Hinnorante, kala no noddirɗon Mo, ko Kanko Inɗe Moƴƴe ɗen heeranii, wata a fenñin julde maaɗa nden wata a suudu nde ɗaɓɓu hakkunde ɗun laawol.
وَقُلِ ٱلۡحَمۡدُ لِلَّهِ ٱلَّذِي لَمۡ يَتَّخِذۡ وَلَدٗا وَلَمۡ يَكُن لَّهُۥ شَرِيكٞ فِي ٱلۡمُلۡكِ وَلَمۡ يَكُن لَّهُۥ وَلِيّٞ مِّنَ ٱلذُّلِّۖ وَكَبِّرۡهُ تَكۡبِيرَۢا
Open ayah 17:111Maaku: Yettoore nden woodanii Alla On Mo jogitaaki ɓiɗɗo laatanaaki Mo kafidaaɗo e Laamu laatanaaki Mo tedduɗo mo O huykinantoo, Mawnin Mo Mawninndee.