الواقعة
Al-Waaqia
Translation: Nepali - Islami Sangh Nepal · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
إِذَا وَقَعَتِ ٱلۡوَاقِعَةُ
Open ayah 56:1जब त्यो निश्चित घटना (महाप्रलय) घट्नेछ ।
لَيۡسَ لِوَقۡعَتِهَا كَاذِبَةٌ
Open ayah 56:2कसैले त्यसको आगमनलाई मिथ्या ठहर गर्न सक्ने छैन ।
خَافِضَةٞ رَّافِعَةٌ
Open ayah 56:3त्यो तल झार्ने र माथि उठाउनेवाला हुनेछ ।
إِذَا رُجَّتِ ٱلۡأَرۡضُ رَجّٗا
Open ayah 56:4जब पृथ्वी बेस्सरी हल्लाइनेछ ।
وَبُسَّتِ ٱلۡجِبَالُ بَسّٗا
Open ayah 56:5र, पहाड पूर्ण रूपमा टुक्रा टुक्रा पारिनेछ ।
فَكَانَتۡ هَبَآءٗ مُّنۢبَثّٗا
Open ayah 56:6अनि ती सबै छरिएको धुलो–माटो हुन पुग्नेछन् ।
وَكُنتُمۡ أَزۡوَٰجٗا ثَلَٰثَةٗ
Open ayah 56:7र, तिमीहरू तीन प्रकारका हुनेछौ ।
فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ
Open ayah 56:8अँ दाहिने हातवालाहरू; को हुन् दाहिने हातवालाहरू !
وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ
Open ayah 56:9र, देब्रे हातवालाहरू ! को हुन् देब्रे हातवालाहरु !
وَٱلسَّٰبِقُونَ ٱلسَّٰبِقُونَ
Open ayah 56:10र, सबैभन्दा अघि बढ्नेहरू त वास्तवमा नै सबैभन्दा अघि बढ्नेहरू हुन् ।
أُوْلَٰٓئِكَ ٱلۡمُقَرَّبُونَ
Open ayah 56:11उनीहरू नै सामिप्यता प्राप्त व्यक्तिहरू हुन् ।
فِي جَنَّٰتِ ٱلنَّعِيمِ
Open ayah 56:12वैभवपूर्ण स्वर्गमा हुनेछन् ।
ثُلَّةٞ مِّنَ ٱلۡأَوَّلِينَ
Open ayah 56:13अघिल्ला समुदायहरूमध्ये ठुलो संख्यामा हुनेछन् ।
وَقَلِيلٞ مِّنَ ٱلۡأٓخِرِينَ
Open ayah 56:14र पछिल्ला समूहहरूमध्ये थोरै संख्यामा हुनेछन् ।
عَلَىٰ سُرُرٖ مَّوۡضُونَةٖ
Open ayah 56:15उनीहरू सुनका तारबाट बनेका पलङ्गमा ।
مُّتَّكِـِٔينَ عَلَيۡهَا مُتَقَٰبِلِينَ
Open ayah 56:16त्यसमा अडेस लगाएर आमुन्ने–सामुन्ने बसेका हुनेछन् ।
يَطُوفُ عَلَيۡهِمۡ وِلۡدَٰنٞ مُّخَلَّدُونَ
Open ayah 56:17उनीहरूसमक्ष अजर किशोरहरू ओहोर दोहोर गर्नेछन् ।
بِأَكۡوَابٖ وَأَبَارِيقَ وَكَأۡسٖ مِّن مَّعِينٖ
Open ayah 56:18प्याला, सुराही र मूलबाटै भरिएका मद्यपात्र लिएर ।
لَّا يُصَدَّعُونَ عَنۡهَا وَلَا يُنزِفُونَ
Open ayah 56:19जसलाई पिएर न उनीहरूलाई रिङ्गटा लाग्नेछ र न मातने नै छन्।
وَفَٰكِهَةٖ مِّمَّا يَتَخَيَّرُونَ
Open ayah 56:20र, फलफूलबाट पनि (लिएर) जुन तिनीहरू रोज्नेछन् ।
وَلَحۡمِ طَيۡرٖ مِّمَّا يَشۡتَهُونَ
Open ayah 56:21र, पंक्षीका मासु (लिएर) जसको उनीहरू इच्छा गर्नेछन् ।
وَحُورٌ عِينٞ
Open ayah 56:22र, उनीहरूकालागि सुन्दर नयन भएका हूरहरू हुनेछन् ।
كَأَمۡثَٰلِ ٱللُّؤۡلُوِٕ ٱلۡمَكۡنُونِ
Open ayah 56:23मानौं सुरक्षित राखिएका मोतीहरू ।
جَزَآءَۢ بِمَا كَانُواْ يَعۡمَلُونَ
Open ayah 56:24उनीहरूले गर्ने गरेका कार्यहरूको प्रतिदानस्वरूप ।
لَا يَسۡمَعُونَ فِيهَا لَغۡوٗا وَلَا تَأۡثِيمًا
Open ayah 56:25त्यहाँ उनीहरूले कुनै अनावश्यक तथा पापका कुरा सुन्ने छैनन् ।
إِلَّا قِيلٗا سَلَٰمٗا سَلَٰمٗا
Open ayah 56:26अँ, उनीहरूको भनाई सलाम, सलाम हुनेछ ।
وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ
Open ayah 56:27र दाहिने हातवालाहरू; को हुन् दाहिने हातवालाहरू !
فِي سِدۡرٖ مَّخۡضُودٖ
Open ayah 56:28उनीहरू काँडाविहीन बयरका वृक्षहरू मुनि रहनेछन् ।
وَطَلۡحٖ مَّنضُودٖ
Open ayah 56:29र तहतह रहेका केराहरूमा ।
وَظِلّٖ مَّمۡدُودٖ
Open ayah 56:30र सदा रहने छहारीमुनि ।
وَمَآءٖ مَّسۡكُوبٖ
Open ayah 56:31र सदा बगिरहने पानीमा ।
وَفَٰكِهَةٖ كَثِيرَةٖ
Open ayah 56:32र प्रशस्त फलहरूमा ।
لَّا مَقۡطُوعَةٖ وَلَا مَمۡنُوعَةٖ
Open ayah 56:33जुन न समाप्त हुनेछ र न निषेधित नै ।
وَفُرُشٖ مَّرۡفُوعَةٍ
Open ayah 56:34र, अग्ला अग्ला खाटहरुमा ।
إِنَّآ أَنشَأۡنَٰهُنَّ إِنشَآءٗ
Open ayah 56:35तिनी (हूर) हरुलाई हामीले विशेष रूपमा उत्पत्ति गरेका छौँ ।
فَجَعَلۡنَٰهُنَّ أَبۡكَارًا
Open ayah 56:36अनि तिनीहरूलाई कुमारी बनायौं ।
عُرُبًا أَتۡرَابٗا
Open ayah 56:37मनमोहिनी तथा समवयस्क ।
لِّأَصۡحَٰبِ ٱلۡيَمِينِ
Open ayah 56:38(यी सबै) दाहिने हातवालाहरूकालागि हुनेछन् ।
ثُلَّةٞ مِّنَ ٱلۡأَوَّلِينَ
Open ayah 56:39अघिल्ला समूदायहरूमध्ये धेरै संख्यामा हुनेछन् ।
وَثُلَّةٞ مِّنَ ٱلۡأٓخِرِينَ
Open ayah 56:40र, धेरै पछिल्ला समूदायहरूमध्ये पनि धेरै संख्यामा ।
وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ
Open ayah 56:41अनि, बायाँ हातवाला हरू, को हुन् बायाँ हातवालाहरू !
فِي سَمُومٖ وَحَمِيمٖ
Open ayah 56:42अत्यधिक तातो हावा र तातो पानीमा हुनेहरु ।
وَظِلّٖ مِّن يَحۡمُومٖ
Open ayah 56:43र, तातो कालो धूवाँको छायाँमुनि ।
لَّا بَارِدٖ وَلَا كَرِيمٍ
Open ayah 56:44जुन न शीतल हुनेछ र न आरामदायी नै ।
إِنَّهُمۡ كَانُواْ قَبۡلَ ذَٰلِكَ مُتۡرَفِينَ
Open ayah 56:45यसअघि यिनीहररु अति सुखी सम्पन्न थिए ।
وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ
Open ayah 56:46र महापाप (शिर्क) मा दृढ रहन्थे ।
وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ
Open ayah 56:47र भन्ने गर्थे– “के जब हामी मरेर धुलो र हाडखोरमा परिणत हुन्छौं के तब हामीलाई पुनर्जीवित तुल्याउइने छ ?
أَوَءَابَآؤُنَا ٱلۡأَوَّلُونَ
Open ayah 56:48र, के हाम्रा अतीतका पुर्खाहरूलाई पनि ?
قُلۡ إِنَّ ٱلۡأَوَّلِينَ وَٱلۡأٓخِرِينَ
Open ayah 56:49हे सन्देष्टा ! भनिदेऊ– “निश्चय नै अघिल्ला र पछिल्ला ...
لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ
Open ayah 56:50(सबै) एक निश्चित दिनको निर्धारित समयमा एकत्रित गरिनेछन् ।
ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ
Open ayah 56:51फेरि हे पथभ्रष्टहरू तथा मिथ्याचारीहरू हो !
لَأٓكِلُونَ مِن شَجَرٖ مِّن زَقُّومٖ
Open ayah 56:52जक्कूमको वृक्षबाट खानेछौ ।
فَمَالِـُٔونَ مِنۡهَا ٱلۡبُطُونَ
Open ayah 56:53अनि यसैबाट आफ्नो पेट भर्नेछौ ।
فَشَٰرِبُونَ عَلَيۡهِ مِنَ ٱلۡحَمِيمِ
Open ayah 56:54अनि त्यसमाथि उम्लँदो पानी पिउनेछौ ।
فَشَٰرِبُونَ شُرۡبَ ٱلۡهِيمِ
Open ayah 56:55प्यासले आतुर भएको ऊँटलेझैं पिउनेछौ ।
هَٰذَا نُزُلُهُمۡ يَوۡمَ ٱلدِّينِ
Open ayah 56:56बदला दिइने दिन यो नै तिनीहरूको आतिथ्य हुनेछ ।
نَحۡنُ خَلَقۡنَٰكُمۡ فَلَوۡلَا تُصَدِّقُونَ
Open ayah 56:57हामीले नै तिमीहरूलाई सृष्टि गरेका छौँ, फेरि तिमीहरू किन सत्य मान्दैनौ ?
أَفَرَءَيۡتُم مَّا تُمۡنُونَ
Open ayah 56:58के तिमीहरूले विचार गर्यौ, जुन वीर्यका थोपा तिमीहरू उत्सर्जन गर्छौ ।
ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ
Open ayah 56:59तिमीहरू त्यसलाई सृष्टि गर्छौ वा हामी (त्यसको) सृष्टिकर्ता हौँ ।
نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ
Open ayah 56:60हामीले नै तिमीहरूबीच मृत्युलाई निर्धारित गरिदिएका छौं र हामी विवश छैनौं ...
عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ
Open ayah 56:61कि तिमीहरू जस्तोलाई (अरुबाट) बदलिदिऔं र तिमीहरूलाई त्यस (संसार) मा सृष्टि गरौँ जसलाई तिमीहरू जान्दैनौ ।
وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ
Open ayah 56:62तिमीहरू आफ्नो पहिलो सृष्टिलाई त जानिरहेकै छौ, फेरि किन शिक्षा ग्रहण गर्दैनौ ?
أَفَرَءَيۡتُم مَّا تَحۡرُثُونَ
Open ayah 56:63अनि, के तिमीहरूले विचार गर्यौ जुन खेती तिमीहरू लगाउंछौ ...
ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ
Open ayah 56:64त्यसलाई तिमीहरू उमार्छौ वा हामी उमार्नेवाला हौं ?
لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ
Open ayah 56:65हामीले चाहेमा यसलाई भुसमा परिणत गर्न सक्छौं अनि तिमीहरू छक्क पर्नेछौ ।
إِنَّا لَمُغۡرَمُونَ
Open ayah 56:66(हाय !) हामी त जरिवानामा पर्यौं ।
بَلۡ نَحۡنُ مَحۡرُومُونَ
Open ayah 56:67बरु हामी त वञ्चित पारियौँ ।
أَفَرَءَيۡتُمُ ٱلۡمَآءَ ٱلَّذِي تَشۡرَبُونَ
Open ayah 56:68के तिमीहरूले विचार गर्यौ, जुन पानी तिमीहरू खान्छौ ...
ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ
Open ayah 56:69के त्यसलाई बादलबाट तिमीहरू बर्साउँछौ वा त्यसलाई बर्साउने हामी हौं ?
لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ
Open ayah 56:70हामीले चाहेमा यसलाई बिलकुल नुनिलो बनाउन सक्छौं फेरि पनि तिमीहरू किन कृतज्ञ बन्दैनौ ।
أَفَرَءَيۡتُمُ ٱلنَّارَ ٱلَّتِي تُورُونَ
Open ayah 56:71अँ, के तिमीहरूले बिचार गर्यौ, जुन आगो तिमीहरू बाल्छौ ...
ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ
Open ayah 56:72के त्यसको रुख तिमीहरूले सृष्टि गरेका छौ वा त्यसको सृष्टिकर्ता हामी हौं ?
نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ
Open ayah 56:73हामीले त्यस (वृक्ष) लाई उपदेश तथा यात्रीहरूको लागि अस्थायी साधन बनाएका छौं ।
فَسَبِّحۡ بِٱسۡمِ رَبِّكَ ٱلۡعَظِيمِ
Open ayah 56:74अतः हे सन्देष्टा ! आफ्ना महान् पालनकर्ताको नामको महिमागान गर ।
۞فَلَآ أُقۡسِمُ بِمَوَٰقِعِ ٱلنُّجُومِ
Open ayah 56:75अतः होइन, म ताराहरूको स्थानहरूको कसम खान्छु !
وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ
Open ayah 56:76र, यो एउटा ठूलो कसम हो यदि तिमीहरूलाई थाहा भए ।
إِنَّهُۥ لَقُرۡءَانٞ كَرِيمٞ
Open ayah 56:77निस्सन्देह यो प्रतिष्ठित कुरआन हो ।
فِي كِتَٰبٖ مَّكۡنُونٖ
Open ayah 56:78एउटा सुरक्षित ग्रन्थमा अङ्कित ।
لَّا يَمَسُّهُۥٓ إِلَّا ٱلۡمُطَهَّرُونَ
Open ayah 56:79जसलाई पवित्र(फरिश्ता)हरूबाहेक अरू कसैले छुनसक्दैन ।
تَنزِيلٞ مِّن رَّبِّ ٱلۡعَٰلَمِينَ
Open ayah 56:80र, सम्पूर्ण जगत्का पालनकर्ताको तर्फबाट अवतरण गरिएको हो ।
أَفَبِهَٰذَا ٱلۡحَدِيثِ أَنتُم مُّدۡهِنُونَ
Open ayah 56:81अनि के तिमीहरू यस वाणीको उपेक्षा गर्दछौ ?
وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ
Open ayah 56:82र, तिमीहरूले मिथ्या ठहर गर्नु नै आफ्नो अंश बनाएका छौ ।
فَلَوۡلَآ إِذَا بَلَغَتِ ٱلۡحُلۡقُومَ
Open ayah 56:83यदि यस्तो छैन भने, जब प्राण घाँटीसम्म आइपुग्छ ...
وَأَنتُمۡ حِينَئِذٖ تَنظُرُونَ
Open ayah 56:84र त्यतिखेर तिमीहरू देखिरहेका हुन्छौ ...
وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ
Open ayah 56:85र, हामी तिमीहरूको तुलनामा त्यस व्यक्तिको बढी निकट हुन्छौं तर तिमीहरू (हामीलाई) देख्दैनौ ।
فَلَوۡلَآ إِن كُنتُمۡ غَيۡرَ مَدِينِينَ
Open ayah 56:86फेरि यस्तो किन हुँदैन, यदि तिमीहरू कसैको अधिनमा छैनौ भने ...
تَرۡجِعُونَهَآ إِن كُنتُمۡ صَٰدِقِينَ
Open ayah 56:87कि त्यस प्राणलाई फर्काऊ यदि यस कुरामा तिमीहरू सच्चा हौ भने ।
فَأَمَّآ إِن كَانَ مِنَ ٱلۡمُقَرَّبِينَ
Open ayah 56:88अनि, यदि ऊ (अल्लाहको) निकटता प्राप्त व्यक्तिहरूमध्ये छ भने ...
فَرَوۡحٞ وَرَيۡحَانٞ وَجَنَّتُ نَعِيمٖ
Open ayah 56:89(उसको लागि) आनन्द, सुगन्ध र वैभवपूर्ण स्वर्ग रहेकोछ ।
وَأَمَّآ إِن كَانَ مِنۡ أَصۡحَٰبِ ٱلۡيَمِينِ
Open ayah 56:90र, यदि ऊ दायाँ हातवालाहरूमध्ये ठहर हुन्छ भने ...
فَسَلَٰمٞ لَّكَ مِنۡ أَصۡحَٰبِ ٱلۡيَمِينِ
Open ayah 56:91(उसको स्वागत हुन्छ) “सलाम होस् तिमीमाथि, हे दायाँ हातवाला ।”
وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ
Open ayah 56:92र, यदि ऊ मिथ्यावादीहरू पथभ्रष्टहरूमध्ये ठहर भयो भने ...
فَنُزُلٞ مِّنۡ حَمِيمٖ
Open ayah 56:93उसको आतिथ्य सत्कार उम्लँदो पानी ...
وَتَصۡلِيَةُ جَحِيمٍ
Open ayah 56:94र नरकमा होमिनु हो ।
إِنَّ هَٰذَا لَهُوَ حَقُّ ٱلۡيَقِينِ
Open ayah 56:95निश्चय नै यो परम सत्य हो ।
فَسَبِّحۡ بِٱسۡمِ رَبِّكَ ٱلۡعَظِيمِ
Open ayah 56:96अतः हे सन्देष्टा ! आफ्ना महान् पालनकर्ताको नामको महिमागान गर ।