الواقعة
Al-Waaqia
Translation: Maranao - So Quran al karim · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
إِذَا وَقَعَتِ ٱلۡوَاقِعَةُ
Open ayah 56:1Amay ka makatana so phakatana (a so alongan a qiyamah), -
لَيۡسَ لِوَقۡعَتِهَا كَاذِبَةٌ
Open ayah 56:2Da ko kapakatana iyan i maka ongkir on, -
خَافِضَةٞ رَّافِعَةٌ
Open ayah 56:3Phakarondann Iyan (so sabaad), phakaombawn Iyan (so sabaad);
إِذَا رُجَّتِ ٱلۡأَرۡضُ رَجّٗا
Open ayah 56:4Amay ka linogn so lopa sa linog a samporna,
وَبُسَّتِ ٱلۡجِبَالُ بَسّٗا
Open ayah 56:5Go mazaropt so manga palaw sa samporna a kazaropt,
فَكَانَتۡ هَبَآءٗ مُّنۢبَثّٗا
Open ayah 56:6Na mbaloy a lopapk, a mikakayambr,
وَكُنتُمۡ أَزۡوَٰجٗا ثَلَٰثَةٗ
Open ayah 56:7Go mbaloy kano a tlo ka dinis:
فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ
Open ayah 56:8Na so manga taw sa kawanan; - na antonaa i manga taw sa kawanan?
وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ
Open ayah 56:9Go so manga taw sa diwang, - na antonaa i manga taw sa diwang?
وَٱلسَّٰبِقُونَ ٱلسَّٰبِقُونَ
Open ayah 56:10Go so miyangaoona (ko paratiyaya) na phangaoona (ko sorga):
أُوْلَٰٓئِكَ ٱلۡمُقَرَّبُونَ
Open ayah 56:11Na siran man i manga rarani (ko Allah),
فِي جَنَّٰتِ ٱلنَّعِيمِ
Open ayah 56:12A khatago ko manga sorga, a pakalma:
ثُلَّةٞ مِّنَ ٱلۡأَوَّلِينَ
Open ayah 56:13Madakl a pd on ko miyangaoona,
وَقَلِيلٞ مِّنَ ٱلۡأٓخِرِينَ
Open ayah 56:14Na mayto a pd on ko miyanga oori;
عَلَىٰ سُرُرٖ مَّوۡضُونَةٖ
Open ayah 56:15Khidadarpa ko manga kantir, a piyamarabowatan,
مُّتَّكِـِٔينَ عَلَيۡهَا مُتَقَٰبِلِينَ
Open ayah 56:16Gii siran roo zasandasandang, a khipagaadapadapa.
يَطُوفُ عَلَيۡهِمۡ وِلۡدَٰنٞ مُّخَلَّدُونَ
Open ayah 56:17Ipphagilid kiran o manga wata a tatap a manga kangodaan,
بِأَكۡوَابٖ وَأَبَارِيقَ وَكَأۡسٖ مِّن مَّعِينٖ
Open ayah 56:18So manga baso, go manga kndi, go so khitatagoan sa inomn a phoon ko bowalan,
لَّا يُصَدَّعُونَ عَنۡهَا وَلَا يُنزِفُونَ
Open ayah 56:19Di ron zakit a olo iran, go di siran on khabrg,
وَفَٰكِهَةٖ مِّمَّا يَتَخَيَّرُونَ
Open ayah 56:20Go manga onga, a pd ko matotomo iran,
وَلَحۡمِ طَيۡرٖ مِّمَّا يَشۡتَهُونَ
Open ayah 56:21Go sapo a manga papanok a pd ko pkhababayaan iran;
وَحُورٌ عِينٞ
Open ayah 56:22Go so (manga bai a) manga tataid, a manga pipiya i kapmata,
كَأَمۡثَٰلِ ٱللُّؤۡلُوِٕ ٱلۡمَكۡنُونِ
Open ayah 56:23Manga izan o manga montiya, a totongkopn;
جَزَآءَۢ بِمَا كَانُواْ يَعۡمَلُونَ
Open ayah 56:24Balas ko pinggolawla iran (a mapiya).
لَا يَسۡمَعُونَ فِيهَا لَغۡوٗا وَلَا تَأۡثِيمًا
Open ayah 56:25Daa khan´g iran roo a ilang, go da a kambaradosa,
إِلَّا قِيلٗا سَلَٰمٗا سَلَٰمٗا
Open ayah 56:26Inonta so katharo a "salaam, kalilintad."
وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ
Open ayah 56:27Na so manga taw sa kawanan; - antonaa i manga taw sa kawanan?
فِي سِدۡرٖ مَّخۡضُودٖ
Open ayah 56:28Khatago siran ko kayo a Sidr a disorokn,
وَطَلۡحٖ مَّنضُودٖ
Open ayah 56:29Go manga saging, a manga titiyolig,
وَظِلّٖ مَّمۡدُودٖ
Open ayah 56:30Go kasisirongan a tatap,
وَمَآءٖ مَّسۡكُوبٖ
Open ayah 56:31Go ig a mabobobos,
وَفَٰكِهَةٖ كَثِيرَةٖ
Open ayah 56:32Go manga onga a madakl,
لَّا مَقۡطُوعَةٖ وَلَا مَمۡنُوعَةٖ
Open ayah 56:33Dikharintas go da a rn iyan,
وَفُرُشٖ مَّرۡفُوعَةٍ
Open ayah 56:34Go manga igaan a manga poporo.
إِنَّآ أَنشَأۡنَٰهُنَّ إِنشَآءٗ
Open ayah 56:35Mataan! a Skami na pagadnn Ami siran (a manga bai ko sorga) sa bago a kapangadn,
فَجَعَلۡنَٰهُنَّ أَبۡكَارًا
Open ayah 56:36Na mbalowin Ami siran a manga raga,
عُرُبًا أَتۡرَابٗا
Open ayah 56:37A manga sasalinggagaw, a mrzarza,
لِّأَصۡحَٰبِ ٱلۡيَمِينِ
Open ayah 56:38A bagian o manga taw sa kawanan.
ثُلَّةٞ مِّنَ ٱلۡأَوَّلِينَ
Open ayah 56:39Madakl a pd on ko miyangaoona,
وَثُلَّةٞ مِّنَ ٱلۡأٓخِرِينَ
Open ayah 56:40Go madakl a pd on ko miyangaoori.
وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ
Open ayah 56:41Na so manga taw sa diwang; - antonaa i manga taw sa diwang?
فِي سَمُومٖ وَحَمِيمٖ
Open ayah 56:42Khatago ko mayaw, go phlikabo a ig,
وَظِلّٖ مِّن يَحۡمُومٖ
Open ayah 56:43Go along, a bl a maytm,
لَّا بَارِدٖ وَلَا كَرِيمٍ
Open ayah 56:44Di pakarnggay, go di mapiya,
إِنَّهُمۡ كَانُواْ قَبۡلَ ذَٰلِكَ مُتۡرَفِينَ
Open ayah 56:45Mataan a siran na aya btad iran ko onaan oto na khikasosonor,
وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ
Open ayah 56:46Go aya btad iran na lalalayonn iran so dosa a mala,
وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ
Open ayah 56:47Go aya btad iran na gi iran tharoon: "Ino amay ka matay kami, go mbaloy kami a botha, go manga tolan, ba mataan! a khawyag kami dn (zaroman)?"
أَوَءَابَآؤُنَا ٱلۡأَوَّلُونَ
Open ayah 56:48"Go so manga loks ami a miyangaoona?"
قُلۡ إِنَّ ٱلۡأَوَّلِينَ وَٱلۡأٓخِرِينَ
Open ayah 56:49Tharoang ka: "Mataan! a so miyangaoona, go so miyangaoori,"
لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ
Open ayah 56:50"Na plimodn siran dn ko kapthatalabokaan ko alongan a mappnto;"
ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ
Open ayah 56:51"Oriyan iyan na mataan! a skano hay mithataridadag! - a miyamanaplis, -
لَأٓكِلُونَ مِن شَجَرٖ مِّن زَقُّومٖ
Open ayah 56:52"Na phakakan kano dn ko kayo a Zaqqom,"
فَمَالِـُٔونَ مِنۡهَا ٱلۡبُطُونَ
Open ayah 56:53"Na mapnopno iyo ron so manga tiyan iyo;"
فَشَٰرِبُونَ عَلَيۡهِ مِنَ ٱلۡحَمِيمِ
Open ayah 56:54"Na misondok iyo ron so phlikabo a ig."
فَشَٰرِبُونَ شُرۡبَ ٱلۡهِيمِ
Open ayah 56:55"Na makainom kano sa kainom a manga onta a pkhawaw!"
هَٰذَا نُزُلُهُمۡ يَوۡمَ ٱلدِّينِ
Open ayah 56:56Giyaya i talagad kiran ko gawii a kapamalas!
نَحۡنُ خَلَقۡنَٰكُمۡ فَلَوۡلَا تُصَدِّقُونَ
Open ayah 56:57Skami i miyadn rkano; na ba kano di phangimbnar?
أَفَرَءَيۡتُم مَّا تُمۡنُونَ
Open ayah 56:58Ay gda iyo ko pkhawdod iyo (ko manga rahim o manga babay)?
ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ
Open ayah 56:59Ba skano i phagadn on, antawaa Skami i Pphangadn?
نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ
Open ayah 56:60Skami i dominiyangka rkano ko kapatay, na di Kami niyo khapalagoyan,
عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ
Open ayah 56:61Ko kazambi Ami sa manga lagid iyo, go so kaphagadna Mi rkano ko nganin a di niyo katawan.
وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ
Open ayah 56:62Na sabnsabnar a kiyatokawan iyo so kiyapangadn a paganay; na ba niyo di khatadmi?
أَفَرَءَيۡتُم مَّا تَحۡرُثُونَ
Open ayah 56:63Ay gda iyo ko ipzawd iyo?
ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ
Open ayah 56:64Ba skano i pphamakalonaw ron, antawaa Skami i pphamakalonaw ron?
لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ
Open ayah 56:65O kabaya Ami na mataan a khabaloy Ami skaniyan a pols, na mabaloy kano a pphammsa kano,
إِنَّا لَمُغۡرَمُونَ
Open ayah 56:66(Gii niyo matharo:) "Mataan! a skami na ba kami dn miyakambayadan!"
بَلۡ نَحۡنُ مَحۡرُومُونَ
Open ayah 56:67"Kna, ka skami na piyapas rkami (so riskhi)."
أَفَرَءَيۡتُمُ ٱلۡمَآءَ ٱلَّذِي تَشۡرَبُونَ
Open ayah 56:68Ay gda iyo ko ig a so phaginomn iyo?
ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ
Open ayah 56:69Ba skano i pphamakatoron on a phoon ko manga gabon, antawaa Skami i pphamakatoron on?
لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ
Open ayah 56:70O kabaya Ami, na khabaloy Ami skaniyan a mapld; na ino kano di phanalamat?
أَفَرَءَيۡتُمُ ٱلنَّارَ ٱلَّتِي تُورُونَ
Open ayah 56:71Ay gda iyo ko apoy a so mapphakagmaw niyo?
ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ
Open ayah 56:72Ba skano i miyakatho ko kayo niyan, antawaa Skami i miyamakatho on?
نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ
Open ayah 56:73Skami na biyaloy Ami skaniyan a pananadm, go kapnggonaan khitatanaw.
فَسَبِّحۡ بِٱسۡمِ رَبِّكَ ٱلۡعَظِيمِ
Open ayah 56:74Na phoroporo on ka so ngaran o Kadnan ka a Mala!
۞فَلَآ أُقۡسِمُ بِمَوَٰقِعِ ٱلنُّجُومِ
Open ayah 56:75Na pzapa Ako dn sa ibt ko manga darpa o manga bitoon,
وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ
Open ayah 56:76Na mataan aya a titho a kazapa o katawi niyo a lbi a mala,
إِنَّهُۥ لَقُرۡءَانٞ كَرِيمٞ
Open ayah 56:77Mataan! a skaniyan na titho a Qor´an, a pagaadatan,
فِي كِتَٰبٖ مَّكۡنُونٖ
Open ayah 56:78Zisii ko daptar a pagoongowan (a so Lawkh Mahfod).
لَّا يَمَسُّهُۥٓ إِلَّا ٱلۡمُطَهَّرُونَ
Open ayah 56:79Daa phakaskho on inonta so miyanga sosoti;
تَنزِيلٞ مِّن رَّبِّ ٱلۡعَٰلَمِينَ
Open ayah 56:80Initoron a phoon ko Kadnan o manga kaadn.
أَفَبِهَٰذَا ٱلۡحَدِيثِ أَنتُم مُّدۡهِنُونَ
Open ayah 56:81Antonaa i sabap a giya ungkai a tothol na skano na pakaiitoon iyo,
وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ
Open ayah 56:82Go pmbalowin iyo so pagpr rkano a mataan! a skano na phagongkirn niyo?
فَلَوۡلَآ إِذَا بَلَغَتِ ٱلۡحُلۡقُومَ
Open ayah 56:83Na ino igira a miyakasampay (so niyawa) ko bakrng,
وَأَنتُمۡ حِينَئِذٖ تَنظُرُونَ
Open ayah 56:84A skano sa masa oto na pkhailay niyo,
وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ
Open ayah 56:85Go Skami i lbi a marani ron a di skano, - na ogaid na di niyo khaylay,
فَلَوۡلَآ إِن كُنتُمۡ غَيۡرَ مَدِينِينَ
Open ayah 56:86Na o skano na di kano khabalasan,
تَرۡجِعُونَهَآ إِن كُنتُمۡ صَٰدِقِينَ
Open ayah 56:87Na ino niyo to di maphakakasoy, o skano i manga bnar?
فَأَمَّآ إِن كَانَ مِنَ ٱلۡمُقَرَّبِينَ
Open ayah 56:88Na amay ka aya btad iyan na pd ko phamakaranin (ko sorga),
فَرَوۡحٞ وَرَيۡحَانٞ وَجَنَّتُ نَعِيمٖ
Open ayah 56:89Na (rk iyan) so kapakadkha, go pagpr, go sorga, a pakalma.
وَأَمَّآ إِن كَانَ مِنۡ أَصۡحَٰبِ ٱلۡيَمِينِ
Open ayah 56:90Na amay ka aya btad iyan na pd ko manga taw sa kawanan,
فَسَلَٰمٞ لَّكَ مِنۡ أَصۡحَٰبِ ٱلۡيَمِينِ
Open ayah 56:91Na (tharoon on:) "Salaam a bagian ka a pd ko manga taw sa kawanan."
وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ
Open ayah 56:92Na amay ka aya btad iyan na sii pd ko miyamanaplis, a mithataridadag,
فَنُزُلٞ مِّنۡ حَمِيمٖ
Open ayah 56:93Na talagad on so phlikabo a ig,
وَتَصۡلِيَةُ جَحِيمٍ
Open ayah 56:94Go phagbong ko naraka Jahim.
إِنَّ هَٰذَا لَهُوَ حَقُّ ٱلۡيَقِينِ
Open ayah 56:95Mataan! a giyaya na titho a skaniyan so bnar a matatangkd.
فَسَبِّحۡ بِٱسۡمِ رَبِّكَ ٱلۡعَظِيمِ
Open ayah 56:96Na phoroporo on ka so ngaran o Kadnan ka, a Lbi-a-mala.