الرحمن
Ar-Rahmaan
Translation: Maranao - So Quran al karim · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
ٱلرَّحۡمَٰنُ
Open ayah 55:1So (Allah a) Masalinggagaw!
عَلَّمَ ٱلۡقُرۡءَانَ
Open ayah 55:2I mindao ko Qor´an.
خَلَقَ ٱلۡإِنسَٰنَ
Open ayah 55:3Inadn Iyan so manosiya,
عَلَّمَهُ ٱلۡبَيَانَ
Open ayah 55:4Na inindao Niyan on so lalag.
ٱلشَّمۡسُ وَٱلۡقَمَرُ بِحُسۡبَانٖ
Open ayah 55:5So alongan ago so olan na sii ko itongan.
وَٱلنَّجۡمُ وَٱلشَّجَرُ يَسۡجُدَانِ
Open ayah 55:6Na so mangngto a pndonapa, go so manga kayo na mangangalimbabaan siran (ko Masalinggagaw).
وَٱلسَّمَآءَ رَفَعَهَا وَوَضَعَ ٱلۡمِيزَانَ
Open ayah 55:7Na so langit na iniporo Iyan skaniyan, go inadn Iyan so timbangan,
أَلَّا تَطۡغَوۡاْ فِي ٱلۡمِيزَانِ
Open ayah 55:8Ka ang kano di khapokas ko ontol;
وَأَقِيمُواْ ٱلۡوَزۡنَ بِٱلۡقِسۡطِ وَلَا تُخۡسِرُواْ ٱلۡمِيزَانَ
Open ayah 55:9Na pakambatanga niyo so kathimbang ko kaontol, go di kano phangorang ko timbangan.
وَٱلۡأَرۡضَ وَضَعَهَا لِلۡأَنَامِ
Open ayah 55:10Na so lopa na kiyayat Iyan skaniyan sa baba a rk o manga kaadn:
فِيهَا فَٰكِهَةٞ وَٱلنَّخۡلُ ذَاتُ ٱلۡأَكۡمَامِ
Open ayah 55:11Katatagoan sa manga onga, go manga korma, a khibobongkosan,
وَٱلۡحَبُّ ذُو ٱلۡعَصۡفِ وَٱلرَّيۡحَانُ
Open ayah 55:12Go so manga onga a maroni, a adn a manga inoot iyan ago so mamot.
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:13Na anda ko manga limo o Kadnan iyo, i pagongkirn niyo?
خَلَقَ ٱلۡإِنسَٰنَ مِن صَلۡصَٰلٖ كَٱلۡفَخَّارِ
Open ayah 55:14Inadn Iyan so manosiya a phoon ko botha, a gango, a lagid o kiyomba,
وَخَلَقَ ٱلۡجَآنَّ مِن مَّارِجٖ مِّن نَّارٖ
Open ayah 55:15Go inadn Iyan so jinn a phoon ko kadg o apoy:
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:16Na anda ko manga limo o Kadnan iyo, i pagongkirn niyo?
رَبُّ ٱلۡمَشۡرِقَيۡنِ وَرَبُّ ٱلۡمَغۡرِبَيۡنِ
Open ayah 55:17Kadnan o dowa a sbangan, go Kadnan o dowa a sdpan!
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:18Na anda ko manga limo o Kadnan iyo, i pagongkirn niyo?
مَرَجَ ٱلۡبَحۡرَيۡنِ يَلۡتَقِيَانِ
Open ayah 55:19Biyotawanan Iyan so dowa a kalodan, a gii makambaratmowa:
بَيۡنَهُمَا بَرۡزَخٞ لَّا يَبۡغِيَانِ
Open ayah 55:20Kaaltan a dowa oto sa rnding; a di makapzmbor:
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:21Na anda ko manga limo o Kadnan iyo, i pagongkirn niyo?
يَخۡرُجُ مِنۡهُمَا ٱللُّؤۡلُؤُ وَٱلۡمَرۡجَانُ
Open ayah 55:22Pphakagmaw a phoon sa dowa nan so manga tipay, go so manga koralis:
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:23Na anda ko manga limo o Kadnan iyo, i pagongkirn niyo?
وَلَهُ ٱلۡجَوَارِ ٱلۡمُنشَـَٔاتُ فِي ٱلۡبَحۡرِ كَٱلۡأَعۡلَٰمِ
Open ayah 55:24Na rk Iyan so pphlalatas, a miyanga-aadn ko kalodan, a lagid o manga palaw:
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:25Na anda ko manga limo o Kadnan iyo, i pagongkirn niyo?
كُلُّ مَنۡ عَلَيۡهَا فَانٖ
Open ayah 55:26Oman i matatago ko lopa na khada;
وَيَبۡقَىٰ وَجۡهُ رَبِّكَ ذُو ٱلۡجَلَٰلِ وَٱلۡإِكۡرَامِ
Open ayah 55:27Na aya bo a khalamba na so dhat o Kadnan ka, - a Khirk ko kabsaran, ago so kapangalimo: -
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:28Na anda ko manga limo o Kadnan iyo, i pagongkirn niyo?
يَسۡـَٔلُهُۥ مَن فِي ٱلسَّمَٰوَٰتِ وَٱلۡأَرۡضِۚ كُلَّ يَوۡمٍ هُوَ فِي شَأۡنٖ
Open ayah 55:29Makapphamangni Rkaniyan so zisii ko manga langit go so lopa: Oman gawii na Skaniyan na zisii ko btad Iyan!
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:30Na anda ko manga limo o Kadnan iyo, i pagongkirn niyo?
سَنَفۡرُغُ لَكُمۡ أَيُّهَ ٱلثَّقَلَانِ
Open ayah 55:31Phamagitongn Ami skano dn, hay dowa a kappndan (a manga manosiya ago manga jinn)!
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:32Na anda ko manga limo o Kadnan iyo, i pagongkirn niyo?
يَٰمَعۡشَرَ ٱلۡجِنِّ وَٱلۡإِنسِ إِنِ ٱسۡتَطَعۡتُمۡ أَن تَنفُذُواْ مِنۡ أَقۡطَارِ ٱلسَّمَٰوَٰتِ وَٱلۡأَرۡضِ فَٱنفُذُواْۚ لَا تَنفُذُونَ إِلَّا بِسُلۡطَٰنٖ
Open ayah 55:33Hay kasamasama o manga jinn, go manga manosiya! O khagaga niyo a kalambasa niyo ko piphisopisokan o manga langit, go so lopa, na lambasa niyo. Di niyo malambas odi misabap sa bagr!
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:34Na anda ko manga limo o Kadnan iyo, i pagongkirn niyo?
يُرۡسَلُ عَلَيۡكُمَا شُوَاظٞ مِّن نَّارٖ وَنُحَاسٞ فَلَا تَنتَصِرَانِ
Open ayah 55:35Mbotawanan rkano so kadg o apoy, go so bl, na di niyo dn marn:
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:36Na anda ko manga limo o Kadnan iyo, i pagongkirn niyo?
فَإِذَا ٱنشَقَّتِ ٱلسَّمَآءُ فَكَانَتۡ وَرۡدَةٗ كَٱلدِّهَانِ
Open ayah 55:37Na amay ka maopak so langit na mbaloy a paras a obarobar, a lagid o kobal a mariga:
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:38Na anda ko manga limo o Kadnan iyo, i pagongkirn niyo?
فَيَوۡمَئِذٖ لَّا يُسۡـَٔلُ عَن ذَنۢبِهِۦٓ إِنسٞ وَلَا جَآنّٞ
Open ayah 55:39Na sa alongan oto na di ipagiza ko manosiya so dosa niyan, go di ipagiza ko jinn:
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:40Na anda ko manga limo o Kadnan iyo, i pagongkirn niyo?
يُعۡرَفُ ٱلۡمُجۡرِمُونَ بِسِيمَٰهُمۡ فَيُؤۡخَذُ بِٱلنَّوَٰصِي وَٱلۡأَقۡدَامِ
Open ayah 55:41Makikilala so manga baradosa sabap ko manga tanda iran: Na gii nggagandrn sii ko manga ombonombonan, go so manga parapara!
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:42Na anda ko manga limo o Kadnan iyo, i pagongkirn niyo?
هَٰذِهِۦ جَهَنَّمُ ٱلَّتِي يُكَذِّبُ بِهَا ٱلۡمُجۡرِمُونَ
Open ayah 55:43Giyaya so naraka Jahannam a so phagongkirn skaniyan o manga baradosa:
يَطُوفُونَ بَيۡنَهَا وَبَيۡنَ حَمِيمٍ ءَانٖ
Open ayah 55:44Makapphagaloyan siran ko lt iyan go lt o phlikabo a ig, a sangat a mayaw!
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:45Na anda ko manga limo o Kadnan iyo, i pagongkirn niyo?
وَلِمَنۡ خَافَ مَقَامَ رَبِّهِۦ جَنَّتَانِ
Open ayah 55:46Na adn a bagian o taw a inikalk iyan so kapakatindg iyan ko hadapan o Kadnan iyan, a dowa a sorga:
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:47Na anda ko manga limo o Kadnan iyo, i pagongkirn niyo?
ذَوَاتَآ أَفۡنَانٖ
Open ayah 55:48A romarangiran.
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:49Na anda ko manga limo o Kadnan iyo, i pagongkirn niyo?
فِيهِمَا عَيۡنَانِ تَجۡرِيَانِ
Open ayah 55:50Katatagoan a dowa oto sa dowa a bowalan a pphamangondas.
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:51Na anda ko manga limo o Kadnan iyo, i pagongkirn niyo?
فِيهِمَا مِن كُلِّ فَٰكِهَةٖ زَوۡجَانِ
Open ayah 55:52Katatagoan a dowa oto sa mbarambarang a onga, a ndodowa soson.
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:53Na anda ko manga limo o Kadnan iyo, i pagongkirn niyo?
مُتَّكِـِٔينَ عَلَىٰ فُرُشِۭ بَطَآئِنُهَا مِنۡ إِسۡتَبۡرَقٖۚ وَجَنَى ٱلۡجَنَّتَيۡنِ دَانٖ
Open ayah 55:54Gii siran zasanda sandang ko manga igaan, a so manga didalm iyan na sotra a makapal: Na so kaphropoa ko onga o dowa a pamomolan na marani.
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:55Na anda ko manga limo o Kadnan iyo, i pagongkirn niyo?
فِيهِنَّ قَٰصِرَٰتُ ٱلطَّرۡفِ لَمۡ يَطۡمِثۡهُنَّ إِنسٞ قَبۡلَهُمۡ وَلَا جَآنّٞ
Open ayah 55:56Katatagoan oto sa (manga bai a) manga thatangka i kaylay, a da a miyakabatal kiran a manosiya ko onaan o manga karoma iran, antawaa jinn.
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:57Na anda ko manga limo o Kadnan iyo, i pagongkirn niyo?
كَأَنَّهُنَّ ٱلۡيَاقُوتُ وَٱلۡمَرۡجَانُ
Open ayah 55:58Lagid oba siran montiya a Yaakot, go Marjan.
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:59Na anda ko manga limo o Kadnan iyo, i pagongkirn niyo?
هَلۡ جَزَآءُ ٱلۡإِحۡسَٰنِ إِلَّا ٱلۡإِحۡسَٰنُ
Open ayah 55:60Ba adn a imbalas ko kaphiyapiya a rowar ko kaphiyapiya?
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:61Na anda ko manga limo o Kadnan iyo, i pagongkirn niyo?
وَمِن دُونِهِمَا جَنَّتَانِ
Open ayah 55:62Na adn a salakaw roo pn a dowaa sorga.
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:63Na anda ko manga limo o Kadnan iyo, i pagongkirn niyo?
مُدۡهَآمَّتَانِ
Open ayah 55:64Miyagadogadong a dowa oto.
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:65Na anda ko manga limo o Kadnan iyo, i pagongkirn niyo?
فِيهِمَا عَيۡنَانِ نَضَّاخَتَانِ
Open ayah 55:66Katatagoan a dowa oto sa dowa a bowalan, a mipapantos.
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:67Na anda ko manga limo o Kadnan iyo, i pagongkirn niyo?
فِيهِمَا فَٰكِهَةٞ وَنَخۡلٞ وَرُمَّانٞ
Open ayah 55:68Katatagoan a dowa oto sa manga onga, go korma, go dalima.
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:69Na anda ko manga limo o Kadnan iyo, i pagongkirn niyo?
فِيهِنَّ خَيۡرَٰتٌ حِسَانٞ
Open ayah 55:70Katatagoan oto sa (manga bai a) manga pipiya (i parangay), a manga tataid.
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:71Na anda ko manga limo o Kadnan iyo, i pagongkirn niyo?
حُورٞ مَّقۡصُورَٰتٞ فِي ٱلۡخِيَامِ
Open ayah 55:72A manga lalano, a khigigibonn ko manga lamin,
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:73Na anda ko manga limo o Kadnan iyo, i pagongkirn niyo?
لَمۡ يَطۡمِثۡهُنَّ إِنسٞ قَبۡلَهُمۡ وَلَا جَآنّٞ
Open ayah 55:74Daa miyakabatal kiran a manosiya, ko onaan o manga karoma iran antawaa jinn.
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:75Na anda ko manga limo o Kadnan iyo, i pagongkirn niyo?
مُتَّكِـِٔينَ عَلَىٰ رَفۡرَفٍ خُضۡرٖ وَعَبۡقَرِيٍّ حِسَانٖ
Open ayah 55:76Gii siran zasanda sandang ko manga ontoda, a gadong, go manga paramadali, a manga tatanos.
فَبِأَيِّ ءَالَآءِ رَبِّكُمَا تُكَذِّبَانِ
Open ayah 55:77Na anda ko manga limo o Kadnan iyo, i pagongkirn niyo?
تَبَٰرَكَ ٱسۡمُ رَبِّكَ ذِي ٱلۡجَلَٰلِ وَٱلۡإِكۡرَامِ
Open ayah 55:78Maporo so ngaran o Kadnan ka, a Khirk ko kabsaran, ago so kapangalimo!