الواقعة
Al-Waaqia
Translation: Azerbaijani - Alikhan Musayev · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
إِذَا وَقَعَتِ ٱلۡوَاقِعَةُ
Open ayah 56:1Qiyamət vaqe olacağı zaman.
لَيۡسَ لِوَقۡعَتِهَا كَاذِبَةٌ
Open ayah 56:2Onun vaqe olacağına heç bir şübhə yoxdur.
خَافِضَةٞ رَّافِعَةٌ
Open ayah 56:3O, (kafirləri) alçaldacaq, (möminləri) ucaldacaq.
إِذَا رُجَّتِ ٱلۡأَرۡضُ رَجّٗا
Open ayah 56:4Yer şiddətlə titrədiyi zaman,
وَبُسَّتِ ٱلۡجِبَالُ بَسّٗا
Open ayah 56:5Dağlar parça-parça olub ovxalandığı
فَكَانَتۡ هَبَآءٗ مُّنۢبَثّٗا
Open ayah 56:6(Ətrafa) səpələnmiş toz-torpağa döndüyü zaman,
وَكُنتُمۡ أَزۡوَٰجٗا ثَلَٰثَةٗ
Open ayah 56:7siz üç dəstəyə ayrılacaqsınız.
فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ
Open ayah 56:8Sağ tərəf sahibləri. Nə xoşbəxtdir sağ tərəf sahibləri!
وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ
Open ayah 56:9Sol tərəf sahibləri. Nə bədbəxtdir sol tərəf sahibləri!
وَٱلسَّٰبِقُونَ ٱلسَّٰبِقُونَ
Open ayah 56:10(Dünyada xeyirxah işlərdə) öndə gedənlər, (axirətdə də) öndədirlər!
أُوْلَٰٓئِكَ ٱلۡمُقَرَّبُونَ
Open ayah 56:11Onlar (Allaha) yaxınlaşdırılmış kimsələrdir.
فِي جَنَّٰتِ ٱلنَّعِيمِ
Open ayah 56:12Onlar Nəim cənnətlərində olacaqlar.
ثُلَّةٞ مِّنَ ٱلۡأَوَّلِينَ
Open ayah 56:13Onların bir qismi əvvəlki ümmətlərlərdən.
وَقَلِيلٞ مِّنَ ٱلۡأٓخِرِينَ
Open ayah 56:14ِAz bir qismi də axırıncılardandır.
عَلَىٰ سُرُرٖ مَّوۡضُونَةٖ
Open ayah 56:15(Onlar qızıl-gümüşlə) bəzənmiş taxtlar üstündə
مُّتَّكِـِٔينَ عَلَيۡهَا مُتَقَٰبِلِينَ
Open ayah 56:16qarşı-qarşıya əyləşib dirsəklənəcəklər.
يَطُوفُ عَلَيۡهِمۡ وِلۡدَٰنٞ مُّخَلَّدُونَ
Open ayah 56:17Onların ətrafında həmişəcavan (xidmətçi) oğlanlar dolanacaqlar –
بِأَكۡوَابٖ وَأَبَارِيقَ وَكَأۡسٖ مِّن مَّعِينٖ
Open ayah 56:18çeşmə şərabı ilə dolu badələr, bardaqlar və qədəhlərlə –
لَّا يُصَدَّعُونَ عَنۡهَا وَلَا يُنزِفُونَ
Open ayah 56:19ondan başları ağrımaz və məst olmazlar,
وَفَٰكِهَةٖ مِّمَّا يَتَخَيَّرُونَ
Open ayah 56:20bəyənib seçdikləri meyvələr
وَلَحۡمِ طَيۡرٖ مِّمَّا يَشۡتَهُونَ
Open ayah 56:21və istədikləri quş əti ilə (onların ətrafında hərlənəcəklər).
وَحُورٌ عِينٞ
Open ayah 56:22(Onlar üçün orada) iri qara gözlü hurilər vardır –
كَأَمۡثَٰلِ ٱللُّؤۡلُوِٕ ٱلۡمَكۡنُونِ
Open ayah 56:23Sanki (sədəf içində) qorunub-saxlanmış mirvariyə bənzər (hurilər).
جَزَآءَۢ بِمَا كَانُواْ يَعۡمَلُونَ
Open ayah 56:24(Bu, onlara) etdikləri əməllərin mükafatı olaraq (veriləcəkdir).
لَا يَسۡمَعُونَ فِيهَا لَغۡوٗا وَلَا تَأۡثِيمًا
Open ayah 56:25Onlar orada nə boş söz, nə də günaha səbəb olan söhbət eşidəcəklər.
إِلَّا قِيلٗا سَلَٰمٗا سَلَٰمٗا
Open ayah 56:26Yalnız: “Salam! Salam!”– sözləri (eşidəcəklər).
وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ
Open ayah 56:27Sağ tərəf sahibləri. Nə xoşbəxtdir sağ tərəf sahibləri!
فِي سِدۡرٖ مَّخۡضُودٖ
Open ayah 56:28(Onlar) tikansız sidr ağacları,
وَطَلۡحٖ مَّنضُودٖ
Open ayah 56:29meyvələri salxım-salxım asılmış banan ağacları altında,
وَظِلّٖ مَّمۡدُودٖ
Open ayah 56:30daimi kölgədə,
وَمَآءٖ مَّسۡكُوبٖ
Open ayah 56:31daim axan su (kənarında),
وَفَٰكِهَةٖ كَثِيرَةٖ
Open ayah 56:32çoxlu meyvələr –
لَّا مَقۡطُوعَةٖ وَلَا مَمۡنُوعَةٖ
Open ayah 56:33tükənməyən və qadağan edilməyən (meyvələr içində)
وَفُرُشٖ مَّرۡفُوعَةٍ
Open ayah 56:34və hündür döşəklər üstündə (olacaqlar).
إِنَّآ أَنشَأۡنَٰهُنَّ إِنشَآءٗ
Open ayah 56:35Biz onları (huriləri) yeni bir biçimdə yaratdıq.
فَجَعَلۡنَٰهُنَّ أَبۡكَارًا
Open ayah 56:36Biz onları bakirə qızlar etdik –
عُرُبًا أَتۡرَابٗا
Open ayah 56:37ərlərini sevən, həmyaşıdlar.
لِّأَصۡحَٰبِ ٱلۡيَمِينِ
Open ayah 56:38(Bunlar) sağ tərəf sahibləri üçündür.
ثُلَّةٞ مِّنَ ٱلۡأَوَّلِينَ
Open ayah 56:39Onların bir qismi əvvəlkilərdən,
وَثُلَّةٞ مِّنَ ٱلۡأٓخِرِينَ
Open ayah 56:40bir qismi də axırıncılardandır.
وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ
Open ayah 56:41Sol tərəf sahibləri. Nə bədbəxtdir sol tərəf sahibləri!
فِي سَمُومٖ وَحَمِيمٖ
Open ayah 56:42Onlar qızmar yel və qaynar su içində,
وَظِلّٖ مِّن يَحۡمُومٖ
Open ayah 56:43qapqara duman kölgəsində olacaqlar.
لَّا بَارِدٖ وَلَا كَرِيمٍ
Open ayah 56:44(Bu duman) nə sərin, nə də xoşagələndir.
إِنَّهُمۡ كَانُواْ قَبۡلَ ذَٰلِكَ مُتۡرَفِينَ
Open ayah 56:45Onlar bundan əvvəl (dünyada) cah-calal içində idilər,
وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ
Open ayah 56:46böyük günah işləməkdə (Allaha şərik qoşmaqda) israr edirdilər
وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ
Open ayah 56:47və deyirdilər: “Məgər biz ölüb torpaq və sür-sümük olduqdan sonra yenidən dirildiləcəyik?
أَوَءَابَآؤُنَا ٱلۡأَوَّلُونَ
Open ayah 56:48Yaxud əvvəlki atalarımızda (dirildiləcəklərmi)?!”
قُلۡ إِنَّ ٱلۡأَوَّلِينَ وَٱلۡأٓخِرِينَ
Open ayah 56:49(Ey Peyğəmbər!) De: “Şübhəsiz ki, əvvəlkilər də, sonrakılar da,
لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ
Open ayah 56:50bəlli bir günün (Qiyamət gününün) müəyyən vaxtında mütləq cəm ediləcəklər.
ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ
Open ayah 56:51Sonra, siz ey (doğru yoldan) azanlar, (haqqı) yalan sayanlar!
لَأٓكِلُونَ مِن شَجَرٖ مِّن زَقُّومٖ
Open ayah 56:52Siz mütləq zəqqum ağacından yeyəcəksiniz,
فَمَالِـُٔونَ مِنۡهَا ٱلۡبُطُونَ
Open ayah 56:53qarınlarınızı onunla dolduracaqsınız,
فَشَٰرِبُونَ عَلَيۡهِ مِنَ ٱلۡحَمِيمِ
Open ayah 56:54üstündən də qaynar su içəcəksiniz.
فَشَٰرِبُونَ شُرۡبَ ٱلۡهِيمِ
Open ayah 56:55Siz (onu) susuzluq xəstəliyinə tutulmuş dəvə kimi içəcəksiniz”.
هَٰذَا نُزُلُهُمۡ يَوۡمَ ٱلدِّينِ
Open ayah 56:56Bu, onların Din günündəki ziyafətidir.
نَحۡنُ خَلَقۡنَٰكُمۡ فَلَوۡلَا تُصَدِّقُونَ
Open ayah 56:57Sizi Biz yaratdıq. Kaş ki (dirildiləcəyinizi) təsdiq etsəniz!
أَفَرَءَيۡتُم مَّا تُمۡنُونَ
Open ayah 56:58Axıtdığınız nütfəni gördünüzmü?!
ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ
Open ayah 56:59Onu siz yaradırsınız, yoxsa Bizik yaradan?!
نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ
Open ayah 56:60Sizin aranızda ölümü Biz müəyyən etdik və heç nə Bizim qarşımızı ala bilməz.
عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ
Open ayah 56:61Sizin yerinizə bənzərlərinizi gətirmək və sizi özünüz bilmədiyiniz başqa bir şəkildə yenidən yaratmağa (Bizə mane olan tapılmaz).
وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ
Open ayah 56:62Siz ilk yaradılışı bilirsiniz. Kaş ki (dirildiləcəyiniz barədə) düşünsəniz!
أَفَرَءَيۡتُم مَّا تَحۡرُثُونَ
Open ayah 56:63Əkdiyinizi gördünüzmü?!
ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ
Open ayah 56:64Onu siz bitirirsiniz, yoxsa Bizik bitirən?!
لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ
Open ayah 56:65Əgər Biz istəsəydik, onu bir saman çöpünə döndərər, siz də təəccüb edərdiniz,
إِنَّا لَمُغۡرَمُونَ
Open ayah 56:66(və deyərdiniz:) “Biz ziyana uğradıq.
بَلۡ نَحۡنُ مَحۡرُومُونَ
Open ayah 56:67Xeyr, biz (ruzidən) məhrum olanlardanıq!”
أَفَرَءَيۡتُمُ ٱلۡمَآءَ ٱلَّذِي تَشۡرَبُونَ
Open ayah 56:68İçdiyiniz suyu gördünüzmü?!
ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ
Open ayah 56:69Onu buluddan siz endirirsiniz, yoxsa Bizik endirən!
لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ
Open ayah 56:70Əgər istəsəydik, onu acı edərdik. Kaş ki şükür etsəniz!
أَفَرَءَيۡتُمُ ٱلنَّارَ ٱلَّتِي تُورُونَ
Open ayah 56:71Yandırdığınız odu gördünüzmü?!
ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ
Open ayah 56:72Onun ağacını siz yaradırsınız, yoxsa Bizik yaradan!
نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ
Open ayah 56:73Biz onu (Cəhənnəmi) xatırlamaq və müsafirlərin faydalanması üçün yaratdıq.
فَسَبِّحۡ بِٱسۡمِ رَبِّكَ ٱلۡعَظِيمِ
Open ayah 56:74(Ey Peyğəmbər!) Elə isə əzəmətli Rəbbinin adı ilə təsbih et!
۞فَلَآ أُقۡسِمُ بِمَوَٰقِعِ ٱلنُّجُومِ
Open ayah 56:75Ulduzların batdığı yerlərə and olsun!
وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ
Open ayah 56:76Şübhəsiz ki, bu, böyük bir anddır. Kaş ki biləydiniz.
إِنَّهُۥ لَقُرۡءَانٞ كَرِيمٞ
Open ayah 56:77Həqiqətən, o, çox dəyərli Qurandır,
فِي كِتَٰبٖ مَّكۡنُونٖ
Open ayah 56:78qorunub saxlanılan kitabdadır (lövhi-məhfuzdadır).
لَّا يَمَسُّهُۥٓ إِلَّا ٱلۡمُطَهَّرُونَ
Open ayah 56:79Ona yalnız pak olanlar toxunar.
تَنزِيلٞ مِّن رَّبِّ ٱلۡعَٰلَمِينَ
Open ayah 56:80O, aləmlərin Rəbbi tərəfindən nazil edilmişdir.
أَفَبِهَٰذَا ٱلۡحَدِيثِ أَنتُم مُّدۡهِنُونَ
Open ayah 56:81(Ey müşriklər!) Siz bu kəlamı yalanmı sayırsınız?!
وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ
Open ayah 56:82Sizə verilən ruziyə şükür etməyi, onu yalan saymaqlamı edirsiniz?!
فَلَوۡلَآ إِذَا بَلَغَتِ ٱلۡحُلۡقُومَ
Open ayah 56:83(Can) boğaza yetişdiyi zaman –
وَأَنتُمۡ حِينَئِذٖ تَنظُرُونَ
Open ayah 56:84həmin an siz (qarşınızda can verən kimsəyə) baxırsınız.
وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ
Open ayah 56:85Biz ona (elmimiz və ya mələklərimizlə) sizdən daha yaxınıq, lakin siz isə (bunu) görmürsünüz.
فَلَوۡلَآ إِن كُنتُمۡ غَيۡرَ مَدِينِينَ
Open ayah 56:86Madam ki, siz (iddianıza görə) haqq-hesab olunmayacaqsınız
تَرۡجِعُونَهَآ إِن كُنتُمۡ صَٰدِقِينَ
Open ayah 56:87əgər doğru danışanlarsınızsa, onda, o canı geri qaytarın.
فَأَمَّآ إِن كَانَ مِنَ ٱلۡمُقَرَّبِينَ
Open ayah 56:88Amma əgər o, (ölən kimsə Allaha) yaxın olanlardandırsa,
فَرَوۡحٞ وَرَيۡحَانٞ وَجَنَّتُ نَعِيمٖ
Open ayah 56:89onda rahatlıq, gözəl ruzi və Nəim Cənnəti vardır.
وَأَمَّآ إِن كَانَ مِنۡ أَصۡحَٰبِ ٱلۡيَمِينِ
Open ayah 56:90Əgər o, sağ tərəf sahiblərindəndirsə,
فَسَلَٰمٞ لَّكَ مِنۡ أَصۡحَٰبِ ٱلۡيَمِينِ
Open ayah 56:91(ona:) “Sağ tərəf sahiblərindən sənə salam olsun!”– (deyiləcəkdir).
وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ
Open ayah 56:92Yox əgər o, (haqqı) yalan sayanlardan və (doğru yoldan) azanlardandırsa,
فَنُزُلٞ مِّنۡ حَمِيمٖ
Open ayah 56:93(onun) ziyafəti qaynar su olacaq,
وَتَصۡلِيَةُ جَحِيمٍ
Open ayah 56:94özü də Cəhənnəmdə yanacaqdır.
إِنَّ هَٰذَا لَهُوَ حَقُّ ٱلۡيَقِينِ
Open ayah 56:95Həqiqətən, bu (qullara əməllərinin əvəzi verilməsi), açıq-aydın bir haqqdır.
فَسَبِّحۡ بِٱسۡمِ رَبِّكَ ٱلۡعَظِيمِ
Open ayah 56:96(Ey Peyğəmbər!) Elə isə əzəmətli Rəbbinin adı ilə təsbih et!