القيامة
Al-Qiyaama
Translation: Kinyarwanda - Rwanda Muslims Association · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
لَآ أُقۡسِمُ بِيَوۡمِ ٱلۡقِيَٰمَةِ
Open ayah 75:1Ndahiye umunsi w’izuka,
وَلَآ أُقۡسِمُ بِٱلنَّفۡسِ ٱللَّوَّامَةِ
Open ayah 75:2Nanarahiye umutima (w’umwemeramana) ugaya nyirawo (kubera guteshuka ku nzira igororotse).
أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ
Open ayah 75:3Ese umuntu (w’umuhakanyi) akeka ko tutazakoranya amagufa ye (tumuzura)?
بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ
Open ayah 75:4Ni byo! Dushoboye no kuringaniza imitwe y’intoki ze (imirongo iyiriho igasubira nk’uko yari imeze mbere).
بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ
Open ayah 75:5Ahubwo umuntu (ahakana izuka) ashaka icyatuma akomeza kwibera mu bwangizi!
يَسۡـَٔلُ أَيَّانَ يَوۡمُ ٱلۡقِيَٰمَةِ
Open ayah 75:6Abaza (akerensa) ati “Uwo munsi w’izuka uzaba ryari?”
فَإِذَا بَرِقَ ٱلۡبَصَرُ
Open ayah 75:7(Uwo munsi uzaba) igihe amaso azakanaguzwa (kubera ubwoba),
وَخَسَفَ ٱلۡقَمَرُ
Open ayah 75:8N’ukwezi kukazima,
وَجُمِعَ ٱلشَّمۡسُ وَٱلۡقَمَرُ
Open ayah 75:9Ndetse izuba n’ukwezi bigahurizwa hamwe (kimwe kikinjira mu kindi).
يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ
Open ayah 75:10Icyo gihe umuntu azavuga ati “Ni he ho guhungira?”
كَلَّا لَا وَزَرَ
Open ayah 75:11(Azabwirwa ati) “Oya! Nta ho guhungira hahari!”
إِلَىٰ رَبِّكَ يَوۡمَئِذٍ ٱلۡمُسۡتَقَرُّ
Open ayah 75:12Kuri uwo munsi, igarukiro rizaba ari kwa Nyagasani wawe (wenyine).
يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ
Open ayah 75:13Kuri uwo munsi, umuntu azabwirwa ibyo yakoze mbere n’ibyo yaherutse (byaba ibyiza cyangwa ibibi).
بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ
Open ayah 75:14Ahubwo umuntu azibera umuhamya w’ibyo yakoze (kuko ingingo z’umubiri we ari zo zizamushinja ibyo yakoze).
وَلَوۡ أَلۡقَىٰ مَعَاذِيرَهُۥ
Open ayah 75:15Kabone n’ubwo yatanga impamvu ze (agamije kwiregura).
لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ
Open ayah 75:16(Yewe Muhamadi), ntukanyeganyeze ururimi rwawe kubera ubwira ngo (Qur’an) itagucika (ugira ngo uvuge ibyo uhishurirwa, ahubwo ujye utega amatwi wumve ibyo uba uhishurirwa na Malayika Jibrilu).
إِنَّ عَلَيۡنَا جَمۡعَهُۥ وَقُرۡءَانَهُۥ
Open ayah 75:17Mu by’ukuri ni twe tuzayikusanyiriza (mu gituza cyawe) kandi ni natwe tuzakwigisha kuyisoma (Qur’an),
فَإِذَا قَرَأۡنَٰهُ فَٱتَّبِعۡ قُرۡءَانَهُۥ
Open ayah 75:18Nituyigusomera (binyuze kuri Malayika wacu), ujye ukurikira isomwa ryayo.
ثُمَّ إِنَّ عَلَيۡنَا بَيَانَهُۥ
Open ayah 75:19Hanyuma ni twe (Allah) tuzayigusobanurira.
كَلَّا بَلۡ تُحِبُّونَ ٱلۡعَاجِلَةَ
Open ayah 75:20(Ibyo mukeka ko mutazazurwa mukanabazwa ibyo mwakoze) si ko biri; ahubwo mukunda ubuzima bwo ku isi butaramba,
وَتَذَرُونَ ٱلۡأٓخِرَةَ
Open ayah 75:21Mukirengagiza imperuka.
وُجُوهٞ يَوۡمَئِذٖ نَّاضِرَةٌ
Open ayah 75:22Kuri uwo munsi, uburanga (bw’abemeramana) buzaba burabagirana,
إِلَىٰ رَبِّهَا نَاظِرَةٞ
Open ayah 75:23Bureba Nyagasani wabwo.
وَوُجُوهٞ يَوۡمَئِذِۭ بَاسِرَةٞ
Open ayah 75:24Kuri uwo munsi kandi, uburanga (bw’abahakanyi) buzaba bwijimye,
تَظُنُّ أَن يُفۡعَلَ بِهَا فَاقِرَةٞ
Open ayah 75:25Bibaza ko bagiye guhura n’ishyano.
كَلَّآ إِذَا بَلَغَتِ ٱلتَّرَاقِيَ
Open ayah 75:26Uramenye (utazarutisha isi imperuka, kuko) iyo (roho) igeze mu ngoto (igihe cyo gupfa),
وَقِيلَ مَنۡۜ رَاقٖ
Open ayah 75:27Hanyuma hakavugwa ngo “Ni nde wamutabara (akamurinda urupfu)?”
وَظَنَّ أَنَّهُ ٱلۡفِرَاقُ
Open ayah 75:28Nuko (ugiye gupfa) akamenya ko igihe cyo gutandukana (gupfa) cyageze.
وَٱلۡتَفَّتِ ٱلسَّاقُ بِٱلسَّاقِ
Open ayah 75:29Maze (kubera ububabare bwo gukurwamo roho), ukuguru kwe kuzahuzwa n’ukundi.
إِلَىٰ رَبِّكَ يَوۡمَئِذٍ ٱلۡمَسَاقُ
Open ayah 75:30Kuri uwo munsi, (wowe muntu ukuwemo roho) uzerekezwa kwa Nyagasani wawe.
فَلَا صَدَّقَ وَلَا صَلَّىٰ
Open ayah 75:31Ariko (umuhakanyi) ntiyigeze yemera ndetse nta n’ubwo yigeze asali,
وَلَٰكِن كَذَّبَ وَتَوَلَّىٰ
Open ayah 75:32Ahubwo yahinyuye (Qur’an) maze ayitera umugongo,
ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ
Open ayah 75:33Hanyuma akagenda yibona yerekeza mu muryango we,
أَوۡلَىٰ لَكَ فَأَوۡلَىٰ
Open ayah 75:34Ufite akaga (yewe muntu w’umuhakanyi)! Kandi na none ufite akaga!
ثُمَّ أَوۡلَىٰ لَكَ فَأَوۡلَىٰٓ
Open ayah 75:35Nyamara ufite akaga (yewe muntu w’umuhakanyi)! Kandi ufite akaga!
أَيَحۡسَبُ ٱلۡإِنسَٰنُ أَن يُتۡرَكَ سُدًى
Open ayah 75:36Ese umuntu yibwira ko azarekwa gusa (atabajijwe ibyo yakoze ngo abihemberwe cyangwa ngo abihanirwe)?
أَلَمۡ يَكُ نُطۡفَةٗ مِّن مَّنِيّٖ يُمۡنَىٰ
Open ayah 75:37Ese ntiyari intanga mu masohoro asohowe?
ثُمَّ كَانَ عَلَقَةٗ فَخَلَقَ فَسَوَّىٰ
Open ayah 75:38Hanyuma akaba urusoro rw’amaraso, maze Allah akamurema, akanamutunganya (akaba umuntu wuzuye)?
فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ
Open ayah 75:39Maze akamuremamo ibitsina bibiri: gabo na gore,
أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ
Open ayah 75:40Ese uwo (Allah ukora ibyo) si We ushoboye kuzura abapfuye?