المدثر
Al-Muddaththir
Translation: Kinyarwanda - Rwanda Muslims Association · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
يَٰٓأَيُّهَا ٱلۡمُدَّثِّرُ
Open ayah 74:1Yewe uwitwikiriye (uvugwa aha ni Intumwa Muhamadi)!
قُمۡ فَأَنذِرۡ
Open ayah 74:2Haguruka uburire (ibiremwa),
وَرَبَّكَ فَكَبِّرۡ
Open ayah 74:3Unahe ikuzo Nyagasani wawe.
وَثِيَابَكَ فَطَهِّرۡ
Open ayah 74:4Unasukure imyambaro yawe.
وَٱلرُّجۡزَ فَٱهۡجُرۡ
Open ayah 74:5Unitarure ibigirwamana.
وَلَا تَمۡنُن تَسۡتَكۡثِرُ
Open ayah 74:6Ntukanatange (ikintu) ugamije indonke zitubutse.
وَلِرَبِّكَ فَٱصۡبِرۡ
Open ayah 74:7Kandi ujye wihangana kubera Nyagasani wawe.
فَإِذَا نُقِرَ فِي ٱلنَّاقُورِ
Open ayah 74:8Ubwo impanda izavuzwa.
فَذَٰلِكَ يَوۡمَئِذٖ يَوۡمٌ عَسِيرٌ
Open ayah 74:9Uwo munsi uzaba ari umunsi ukomeye,
عَلَى ٱلۡكَٰفِرِينَ غَيۡرُ يَسِيرٖ
Open ayah 74:10Uzaba utoroheye abahakanyi.
ذَرۡنِي وَمَنۡ خَلَقۡتُ وَحِيدٗا
Open ayah 74:11(Yewe Muhamadi) ndekera uwo naremye ari wenyine (uvugwa aha ni Al Walid bun al Mughirat),
وَجَعَلۡتُ لَهُۥ مَالٗا مَّمۡدُودٗا
Open ayah 74:12Nkamuha imitungo itubutse,
وَبَنِينَ شُهُودٗا
Open ayah 74:13N’urubyaro rumukikije,
وَمَهَّدتُّ لَهُۥ تَمۡهِيدٗا
Open ayah 74:14Nkanamworohereza ubuzima.
ثُمَّ يَطۡمَعُ أَنۡ أَزِيدَ
Open ayah 74:15Nyuma y’ibyo byose, akaba yifuza ko namwongera,
كَلَّآۖ إِنَّهُۥ كَانَ لِأٓيَٰتِنَا عَنِيدٗا
Open ayah 74:16Oya! Mu by’ukuri yajyaga ahinyura amagambo yacu cyane.
سَأُرۡهِقُهُۥ صَعُودًا
Open ayah 74:17Nzamunaniza muhanisha ibihano bikomeye.
إِنَّهُۥ فَكَّرَ وَقَدَّرَ
Open ayah 74:18Mu by’ukuri yaratekereje maze afata umwanzuro (wo gutuka Allah n’Intumwa ye ndetse na Qur’an),
فَقُتِلَ كَيۡفَ قَدَّرَ
Open ayah 74:19Bityo, navumwe kubera umwanzuro yafashe!
ثُمَّ قُتِلَ كَيۡفَ قَدَّرَ
Open ayah 74:20Niyongere avumwe kubera umwanzuro yafashe!
ثُمَّ نَظَرَ
Open ayah 74:21Nuko (yubura amaso) areba (abari bamukikije),
ثُمَّ عَبَسَ وَبَسَرَ
Open ayah 74:22Maze azinga umunya, akambya agahanga,
ثُمَّ أَدۡبَرَ وَٱسۡتَكۡبَرَ
Open ayah 74:23Nuko atera umugongo (ukuri), maze aribona.
فَقَالَ إِنۡ هَٰذَآ إِلَّا سِحۡرٞ يُؤۡثَرُ
Open ayah 74:24Aravuga ati “Ibi (Muhamadi yigisha) nta kindi biri cyo uretse ko ari uburozi (akomora ku barozi bo hambere bakomeye)!”
إِنۡ هَٰذَآ إِلَّا قَوۡلُ ٱلۡبَشَرِ
Open ayah 74:25“Ibi (Muhamadi yigisha) nta kindi biri cyo uretse ko ari amagambo y’umuntu!”
سَأُصۡلِيهِ سَقَرَ
Open ayah 74:26Nzamutwikira mu muriro.
وَمَآ أَدۡرَىٰكَ مَا سَقَرُ
Open ayah 74:27N’iki cyakumenyesha uwo muriro?
لَا تُبۡقِي وَلَا تَذَرُ
Open ayah 74:28Nta cyo ureka ndetse nta n’icyo usigaza,
لَوَّاحَةٞ لِّلۡبَشَرِ
Open ayah 74:29Utwika imibiri ukanayishiririza.
عَلَيۡهَا تِسۡعَةَ عَشَرَ
Open ayah 74:30Urinzwe (n’abamalayika) cumi n’icyenda.
وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ
Open ayah 74:31Kandi nta bandi twagize abarinzi b’umuriro batari abamalayika. Ndetse twanashyizeho umubare wabo (cumi n’icyenda) kugira ngo tugerageze abahakanyi, no kugira ngo abahawe ibitabo bemere badashidikanya (ko Qur’an ari ukuri kuko ihuriye kuri uwo mubare wanditse mu bitabo byabo); ndetse no kugira ngo abemeramana barusheho kwemera, no kugira ngo abahawe igitabo n’abemeramana batagira ugushidikanya (ku byo bemeye), ndetse no kugira ngo abafite uburwayi (bw’uburyarya) mu mitima n’abahakanyi bavuge bati “Allah yari agamije iki mu gutanga uru rugero?” Uko ni ko Allah arekera mu buyobe uwo ashaka akanayobora uwo ashaka. Kandi nta wamenya ingabo za Nyagasani wawe utari We. Kandi uyu (muriro) nta kindi uri cyo usibye ko ari urwibutso ku bantu.
كَلَّا وَٱلۡقَمَرِ
Open ayah 74:32Oya si ko biri! Ndahiye ukwezi.
وَٱلَّيۡلِ إِذۡ أَدۡبَرَ
Open ayah 74:33N’ijoro igihe ricyeye.
وَٱلصُّبۡحِ إِذَآ أَسۡفَرَ
Open ayah 74:34N’igitondo igihe gitangaje.
إِنَّهَا لَإِحۡدَى ٱلۡكُبَرِ
Open ayah 74:35Mu by’ukuri uwo (muriro) ni kimwe mu (byago) bihambaye,
نَذِيرٗا لِّلۡبَشَرِ
Open ayah 74:36Ukaba n’umuburo ku bantu;
لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ
Open ayah 74:37Ku wo ari we wese muri mwe ushaka kujya imbere (yiyegereza Nyagasani we) cyangwa gusubira inyuma (amwigomekaho).
كُلُّ نَفۡسِۭ بِمَا كَسَبَتۡ رَهِينَةٌ
Open ayah 74:38Buri wese azafungirwa (mu muriro) bitewe n’ibibi yakoze.
إِلَّآ أَصۡحَٰبَ ٱلۡيَمِينِ
Open ayah 74:39Uretse abantu b’iburyo (b’abemera nyakuri),
فِي جَنَّٰتٖ يَتَسَآءَلُونَ
Open ayah 74:40Bazaba bari mu busitani (Ijuru), babazanya
عَنِ ٱلۡمُجۡرِمِينَ
Open ayah 74:41Ku byerekeye inkozi z’ibibi, (maze bazibaze bati)
مَا سَلَكَكُمۡ فِي سَقَرَ
Open ayah 74:42“Ni iki cyabateye kuba muri mu muriro?”
قَالُواْ لَمۡ نَكُ مِنَ ٱلۡمُصَلِّينَ
Open ayah 74:43(Izo nkozi z’ibibi) zizavuga ziti “Ntitwari bamwe mu basenga,”
وَلَمۡ نَكُ نُطۡعِمُ ٱلۡمِسۡكِينَ
Open ayah 74:44Nta n’ubwo twajyaga tugaburira abakene,
وَكُنَّا نَخُوضُ مَعَ ٱلۡخَآئِضِينَ
Open ayah 74:45Kandi twajyaga tugirana ibiganiro n’abavuga ibidafite umumaro,
وَكُنَّا نُكَذِّبُ بِيَوۡمِ ٱلدِّينِ
Open ayah 74:46Ndetse twajyaga duhinyura umunsi w’ibihembo (imperuka).
حَتَّىٰٓ أَتَىٰنَا ٱلۡيَقِينُ
Open ayah 74:47Kugeza ubwo ukuri kudashidikanywaho (urupfu) kutugezeho.
فَمَا تَنفَعُهُمۡ شَفَٰعَةُ ٱلشَّٰفِعِينَ
Open ayah 74:48Bityo, nta buvugizi bw’abavugizi buzagira icyo bubamarira.
فَمَا لَهُمۡ عَنِ ٱلتَّذۡكِرَةِ مُعۡرِضِينَ
Open ayah 74:49None se ni iyihe mpamvu ituma (abahakanyi) batera umugongo urwibutso?
كَأَنَّهُمۡ حُمُرٞ مُّسۡتَنفِرَةٞ
Open ayah 74:50Bameze nk’indogobe z’agasozi ziruka (zifite ubwoba),
فَرَّتۡ مِن قَسۡوَرَةِۭ
Open ayah 74:51Zihunga intare!
بَلۡ يُرِيدُ كُلُّ ٱمۡرِيٕٖ مِّنۡهُمۡ أَن يُؤۡتَىٰ صُحُفٗا مُّنَشَّرَةٗ
Open ayah 74:52Ahubwo buri wese muri bo aba ashaka ko yahishurirwa ibitabo birambuye (bishimangira ko Isilamu ari idini ry’ukuri).
كَلَّاۖ بَل لَّا يَخَافُونَ ٱلۡأٓخِرَةَ
Open ayah 74:53Oya si ko biri! Ahubwo ntibatinya umunsi w’imperuka.
كَلَّآ إِنَّهُۥ تَذۡكِرَةٞ
Open ayah 74:54Oya si ko biri! Mu by’ukuri iyi (Qur’an) ni urwibutso.
فَمَن شَآءَ ذَكَرَهُۥ
Open ayah 74:55Bityo, ushaka (ko imubera urwibutso) nayibuke (ayisoma, anatekereza ku nyigisho ziyikubiyemo).
وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ
Open ayah 74:56Kandi ntibashobora kwibuka keretse Allah abishatse. Ni We ukwiriye gutinywa, ndetse ni na We utanga imbabazi.