القيامة
Al-Qiyaama
Translation: Maranao - So Quran al karim · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
لَآ أُقۡسِمُ بِيَوۡمِ ٱلۡقِيَٰمَةِ
Open ayah 75:1Pzapa Ako sa ibt ko alongan a qiyamah;
وَلَآ أُقۡسِمُ بِٱلنَّفۡسِ ٱللَّوَّامَةِ
Open ayah 75:2Go pzapa Ako sa ibt ko niyawa a pphanginsoya (ka pagoyagn kano dn).
أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ
Open ayah 75:3Ba aya tarima on o manosiya na di Ami dn khatimo so manga tolan iyan?
بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ
Open ayah 75:4Oway, khagaga Mi a kathaong Ami pharoman ko manga kmr iyan!
بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ
Open ayah 75:5Kna, ka kabaya o manosiya a kapmbaradosa niyan ko kasasangoran iyan;
يَسۡـَٔلُ أَيَّانَ يَوۡمُ ٱلۡقِيَٰمَةِ
Open ayah 75:6Iphagiza iyan o: "Anda i kaphakatalingoma o alongan a qiyamah?"
فَإِذَا بَرِقَ ٱلۡبَصَرُ
Open ayah 75:7Na amay ka mabrg so kaylay,
وَخَسَفَ ٱلۡقَمَرُ
Open ayah 75:8Go nggarahana so olan,
وَجُمِعَ ٱلشَّمۡسُ وَٱلۡقَمَرُ
Open ayah 75:9Go matimo so alongan ago so olan,
يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ
Open ayah 75:10Matharo o manosiya sa alongan oto a: "Anda i khapalagoyan?"
كَلَّا لَا وَزَرَ
Open ayah 75:11Da dn oto! ka da a khalindongan!
إِلَىٰ رَبِّكَ يَوۡمَئِذٍ ٱلۡمُسۡتَقَرُّ
Open ayah 75:12Sobo so Kadnan ka sa alongan oto i kapthaknaan.
يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ
Open ayah 75:13Panotholn ko manosiya sa alongan oto so miniona niyan ago so minipakawri niyan.
بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ
Open ayah 75:14Kna, ka so manosiya i zaksi ko ginawa niyan,
وَلَوۡ أَلۡقَىٰ مَعَاذِيرَهُۥ
Open ayah 75:15Na apiya i inibgay niyan a manga dalina iyan.
لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ
Open ayah 75:16Ding ka pkhaoga sa sabap rkaniyan (a Qor´an) so dila aka makapantag sa kaphagalokaloking ka on.
إِنَّ عَلَيۡنَا جَمۡعَهُۥ وَقُرۡءَانَهُۥ
Open ayah 75:17Mataan! a sii Rkami so katimo iyan, ago so kapphangadi iron:
فَإِذَا قَرَأۡنَٰهُ فَٱتَّبِعۡ قُرۡءَانَهُۥ
Open ayah 75:18Na igira a piyangadian Ami skaniyan, na kdgang ka so kiyapangadi iron;
ثُمَّ إِنَّ عَلَيۡنَا بَيَانَهُۥ
Open ayah 75:19Oriyan iyan na mataan! a sii Rkami so kapakarayaga on.
كَلَّا بَلۡ تُحِبُّونَ ٱلۡعَاجِلَةَ
Open ayah 75:20Sabnar a kna, ka pkhababayaan iyo so (doniya a) matag sagad,
وَتَذَرُونَ ٱلۡأٓخِرَةَ
Open ayah 75:21Go ipmbagak iyo so akhirat.
وُجُوهٞ يَوۡمَئِذٖ نَّاضِرَةٌ
Open ayah 75:22Adn a manga paras sa alongan oto a mamakataid, -
إِلَىٰ رَبِّهَا نَاظِرَةٞ
Open ayah 75:23A maylay ran so Kadnan iran;
وَوُجُوهٞ يَوۡمَئِذِۭ بَاسِرَةٞ
Open ayah 75:24Go adn a manga paras sa alongan oto a khipakaiibi,
تَظُنُّ أَن يُفۡعَلَ بِهَا فَاقِرَةٞ
Open ayah 75:25Maggda iran a adn a pnggolawlaan kiran a margn.
كَلَّآ إِذَا بَلَغَتِ ٱلتَّرَاقِيَ
Open ayah 75:26Sabnar a amay ka isampay (so niyawa) ko manga tolan ko bakrng;
وَقِيلَ مَنۡۜ رَاقٖ
Open ayah 75:27Na matharo a: "Antawaa i pamomotar?"
وَظَنَّ أَنَّهُ ٱلۡفِرَاقُ
Open ayah 75:28Na miyatangkd iyan a mataan! a skaniyan so kapakapngganata (o niyawa ago so badan);
وَٱلۡتَفَّتِ ٱلسَّاقُ بِٱلسَّاقِ
Open ayah 75:29Na milapis so margn ko isa a margn:
إِلَىٰ رَبِّكَ يَوۡمَئِذٍ ٱلۡمَسَاقُ
Open ayah 75:30Sii bo ko Kadnan ka sa alongan oto so khandodan!
فَلَا صَدَّقَ وَلَا صَلَّىٰ
Open ayah 75:31(Skaniyan) Na da pangimbnar, go da zambayang!
وَلَٰكِن كَذَّبَ وَتَوَلَّىٰ
Open ayah 75:32Na ogaid na tomiyaplis, go tomiyalikhod!
ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ
Open ayah 75:33Oriyan iyan na somiyong ko pagtaw niyan a zasagola!
أَوۡلَىٰ لَكَ فَأَوۡلَىٰ
Open ayah 75:34So kabinasa a rk ka; na miyakarani (hay miyongkir)!
ثُمَّ أَوۡلَىٰ لَكَ فَأَوۡلَىٰٓ
Open ayah 75:35Oriyan iyan na so kabinasa a rk ka, na miyakarani!
أَيَحۡسَبُ ٱلۡإِنسَٰنُ أَن يُتۡرَكَ سُدًى
Open ayah 75:36Ba aya tarima on o manosiya na imbagak sa kandaraynon?
أَلَمۡ يَكُ نُطۡفَةٗ مِّن مَّنِيّٖ يُمۡنَىٰ
Open ayah 75:37Ba da mabaloy skaniyan a malmk a mani a pkhipantos?
ثُمَّ كَانَ عَلَقَةٗ فَخَلَقَ فَسَوَّىٰ
Open ayah 75:38Oriyan iyan na mimbaloy a rogo a mimbathik, na inadn o Allah go pithaong Iyan sa tarotop;
فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ
Open ayah 75:39Na biyaloy Niyan skaniyan a ngganapa: mama ago babay.
أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ
Open ayah 75:40Ba di giyoto i phakagaga sa kawyaga Niyan ko miyamatay?