القيامة
Al-Qiyaama
Translation: Kazakh - Khalifah Altai Charity Foundation · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
لَآ أُقۡسِمُ بِيَوۡمِ ٱلۡقِيَٰمَةِ
Open ayah 75:1Жоқ! Қайта тірілу күнімен ант етемін!
وَلَآ أُقۡسِمُ بِٱلنَّفۡسِ ٱللَّوَّامَةِ
Open ayah 75:22Әрі жазғырушы жанмен ант етемін!
أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ
Open ayah 75:3Адам баласы, Біз сүйектерін жинай алмайды деп есептей ме?
بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ
Open ayah 75:4Күмәнсіз, оның саусақтарының ұштарын да қалпына келтіруге күшіміз жетеді.
بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ
Open ayah 75:5Алайда, адам алдағы уақытта да бұзық іс істеуді қалайды.
يَسۡـَٔلُ أَيَّانَ يَوۡمُ ٱلۡقِيَٰمَةِ
Open ayah 75:6Ол: «Қайта тірілу күні қашан?» - деп сұрайды.
فَإِذَا بَرِقَ ٱلۡبَصَرُ
Open ayah 75:7Қашан көз қатты үрейленіп көруден қалғанда,
وَخَسَفَ ٱلۡقَمَرُ
Open ayah 75:8және ай тұтылған / сәулесі өшкен / ,
وَجُمِعَ ٱلشَّمۡسُ وَٱلۡقَمَرُ
Open ayah 75:9әрі күн мен ай біріктірілген кезде,
يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ
Open ayah 75:10сол күні адам: «Қашатын жер қайда?»- дейді.
كَلَّا لَا وَزَرَ
Open ayah 75:11Жоқ! Паналайтын ешқандай орын жоқ!
إِلَىٰ رَبِّكَ يَوۡمَئِذٍ ٱلۡمُسۡتَقَرُّ
Open ayah 75:12Ол күні тұрақтар орын - сенің Раббыңда.
يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ
Open ayah 75:13Сол күні адам баласына ілгері жібергендері және кейінге қалдырғандары туралы хабар етіледі.
بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ
Open ayah 75:14Күмәнсіз, адам өз-өзіне қарсы куәлік береді,
وَلَوۡ أَلۡقَىٰ مَعَاذِيرَهُۥ
Open ayah 75:15тіпті ол, өз уәж-сылтауларын ортаға салса да.
لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ
Open ayah 75:16/ Ей, Мұхаммед! / Оған / уахиды жаттауға / асығып, тіліңді қимылдатпа.
إِنَّ عَلَيۡنَا جَمۡعَهُۥ وَقُرۡءَانَهُۥ
Open ayah 75:17Анығында, оны жинау және оқып беру Біздің міндетімізде.
فَإِذَا قَرَأۡنَٰهُ فَٱتَّبِعۡ قُرۡءَانَهُۥ
Open ayah 75:18Ал, Біз оны оқығанда, оның оқылуына ілес,
ثُمَّ إِنَّ عَلَيۡنَا بَيَانَهُۥ
Open ayah 75:19содан кейін оны түсіндіру - Біздің міндетімізде.
كَلَّا بَلۡ تُحِبُّونَ ٱلۡعَاجِلَةَ
Open ayah 75:20Жоқ! Негізінде, сендер осы өмірді ұнатасыңдар,
وَتَذَرُونَ ٱلۡأٓخِرَةَ
Open ayah 75:21ал, соңғы, мәңгілік өмірді / ақиретті / тастап, қалдырып қоясыңдар.
وُجُوهٞ يَوۡمَئِذٖ نَّاضِرَةٌ
Open ayah 75:22Ол күні кейбір жүздер жайнап,
إِلَىٰ رَبِّهَا نَاظِرَةٞ
Open ayah 75:23Раббысына қарайды.
وَوُجُوهٞ يَوۡمَئِذِۭ بَاسِرَةٞ
Open ayah 75:24Әрі ол күні кейбір жүздер түнеріп,
تَظُنُّ أَن يُفۡعَلَ بِهَا فَاقِرَةٞ
Open ayah 75:25Омыртқа үзілетіндей іс / азап / болатынына көздері жетеді.
كَلَّآ إِذَا بَلَغَتِ ٱلتَّرَاقِيَ
Open ayah 75:26Жоқ, олай емес! Қашан ол / жан / алқымға жеткен кезде,
وَقِيلَ مَنۡۜ رَاقٖ
Open ayah 75:27әрі «Кім шара көреді», - делінгенде,
وَظَنَّ أَنَّهُ ٱلۡفِرَاقُ
Open ayah 75:28және ол, шын мәнінде, бұл - айрылу екенін сезгенде, -
وَٱلۡتَفَّتِ ٱلسَّاقُ بِٱلسَّاقِ
Open ayah 75:29балтыр - балтырға қосылған кезде,
إِلَىٰ رَبِّكَ يَوۡمَئِذٍ ٱلۡمَسَاقُ
Open ayah 75:30сол күні сенің Раббыңа айдалады.
فَلَا صَدَّقَ وَلَا صَلَّىٰ
Open ayah 75:31Өйткені ол шын деп білмеді / сенбеді / және намаз оқымады.
وَلَٰكِن كَذَّبَ وَتَوَلَّىٰ
Open ayah 75:32Керісінше, оны өтірік санап, теріс бұрылды,
ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ
Open ayah 75:33кейін ол кердеңдей басып, өзінің үй-ішіне кетті.
أَوۡلَىٰ لَكَ فَأَوۡلَىٰ
Open ayah 75:34Сорың құрсын, сенің, сорың құрғыр!
ثُمَّ أَوۡلَىٰ لَكَ فَأَوۡلَىٰٓ
Open ayah 75:35Сосын тағы сорың құрсын, соры қайнағыр!
أَيَحۡسَبُ ٱلۡإِنسَٰنُ أَن يُتۡرَكَ سُدًى
Open ayah 75:36Адам баласы өз бетімен қараусыз, бос қалдырыламын деп ойлай ма?!
أَلَمۡ يَكُ نُطۡفَةٗ مِّن مَّنِيّٖ يُمۡنَىٰ
Open ayah 75:37Ол төгілген мәниден / ұрық сұйығынан / бір тамшы емес пе еді?!
ثُمَّ كَانَ عَلَقَةٗ فَخَلَقَ فَسَوَّىٰ
Open ayah 75:38Кейін, ол ұйыған қан болды. Сөйтіп ол оны жаратып / тұла бойын үйлестіріп / теңестірді.
فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ
Open ayah 75:39Әрі одан екі жыныс: ер және әйел жасады.
أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ
Open ayah 75:40Сонда, Оның өліктерді тірілтуге күші жетпей ме?!