النازعات
An-Naazi'aat
Translation: Afar - Shaikh Muhammad Adbulkader Hamza · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
وَٱلنَّٰزِعَٰتِ غَرۡقٗا
Open ayah 79:1Yalli koros roocitte gibdi siibiyyah siibta malaykal xiibite.
وَٱلنَّٰشِطَٰتِ نَشۡطٗا
Open ayah 79:2Kaadu moominiin roocitte caalih tayyaaqe malaykal xiibite.
وَٱلسَّٰبِحَٰتِ سَبۡحٗا
Open ayah 79:3Kaadu yalli giiruh giirissa malaykay Yallih amrih wacyi oobissaah tayyaaqel xiibite.
فَٱلسَّٰبِقَٰتِ سَبۡقٗا
Open ayah 79:4Kaadu yalli qalaylih qalalta malaykay Yallih amri tagdabuh qalaltal xiibite.
فَٱلۡمُدَبِّرَٰتِ أَمۡرٗا
Open ayah 79:5Kaadu Yalli isi amri bicissaah tagdube malaykal xiibite.
يَوۡمَ تَرۡجُفُ ٱلرَّاجِفَةُ
Open ayah 79:6Tangayyi (Baaxo kinnuk) tangayyeh tan ayróy gino inkih edde rabta (toh naharsi baantá fuxsunta ayró kinnuk).
تَتۡبَعُهَا ٱلرَّادِفَةُ
Open ayah 79:7Nammey haytô baantá teetil katayta (toh ummaanim edde tanuwweeh edde ugutta baantá).
قُلُوبٞ يَوۡمَئِذٖ وَاجِفَةٌ
Open ayah 79:8Woo ayró koros sorkocobbaxitte meesittah.
أَبۡصَٰرُهَا خَٰشِعَةٞ
Open ayah 79:9Ken intiita xixxibittaah taqunxeeh.
يَقُولُونَ أَءِنَّا لَمَرۡدُودُونَ فِي ٱلۡحَافِرَةِ
Open ayah 79:10diggah nee innaa gacsimelem Rabneek lakal nuwwuk addunyâ manoh iyyan?
أَءِذَا كُنَّا عِظَٰمٗا نَّخِرَةٗ
Open ayah 79:11Rumutte lafoofi tikki inneek lakalaa addunyah gacsinnam?
قَالُواْ تِلۡكَ إِذٗا كَرَّةٌ خَاسِرَةٞ
Open ayah 79:12Is toysa baxaysitteeh, kasaaritte madaara iyyen.
فَإِنَّمَا هِيَ زَجۡرَةٞ وَٰحِدَةٞ
Open ayah 79:13Cagalah is ugut baanatah inki xongoló kinni.
فَإِذَا هُم بِٱلسَّاهِرَةِ
Open ayah 79:14Tokkel usun inkih saahira deqsitta baaxol nuwwuk gaabowan (woh Qhiyaamah ayro kinnuk).
هَلۡ أَتَىٰكَ حَدِيثُ مُوسَىٰٓ
Open ayah 79:15Nabiyow Nabii Muusâ xaagi koi yemeetee?
إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى
Open ayah 79:16Kay Rabbi saytunnoowe daqaaray Tuwa deqsital kaah seece waqdi.
ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ
Open ayah 79:17Firqawnâ fanah gex, diggah usuk caddok tatrehik kaak axcuk.
فَقُلۡ هَل لَّكَ إِلَىٰٓ أَن تَزَكَّىٰ
Open ayah 79:18Kaadu kaak ixxic: dambik saytunnowtaamih sangel maay litoo?
وَأَهۡدِيَكَ إِلَىٰ رَبِّكَ فَتَخۡشَىٰ
Open ayah 79:19Kaadu ku Rabbih inkittinaanee kee kay taaqat eddc yanim koh ascassoo kaak meesita num takkemkeh?
فَأَرَىٰهُ ٱلۡأٓيَةَ ٱلۡكُبۡرَىٰ
Open ayah 79:20Edde luk Nabii Muusa kaxxa astá kaa yuybulle.
فَكَذَّبَ وَعَصَىٰ
Open ayah 79:21Edde luk firqawni kaa dirabboyseeh cineh.
ثُمَّ أَدۡبَرَ يَسۡعَىٰ
Open ayah 79:22Tohuk lakal iimaanat derre cabeeh sissikuk gexe.
فَحَشَرَ فَنَادَىٰ
Open ayah 79:23tokkel sinam kobxiseeh seeceh.
فَقَالَ أَنَا۠ رَبُّكُمُ ٱلۡأَعۡلَىٰ
Open ayah 79:24Anu sin Rabbiy inkih daga Raaqa kinniyo iyye.
فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ
Open ayah 79:25Edde luk Yalli kaa digaaleh ellecaboh iyye maxcoo kee naharsi maxcol.
إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ
Open ayah 79:26Diggah, firqawnaa kee digaalak kaa geyteemil Yallak meesita marah elle kaskassoowaanam edde tan.
ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا
Open ayah 79:27Sinaamey ginoh gibduk raqtam siini innaa? hinnak qaranaay?xisoh kaa xisek.
رَفَعَ سَمۡكَهَا فَسَوَّىٰهَا
Open ayah 79:28Kay amo fayya heeh kaa massoyseh.
وَأَغۡطَشَ لَيۡلَهَا وَأَخۡرَجَ ضُحَىٰهَا
Open ayah 79:29Kaadu kay bar dattoyseeh, kay laqó ayrô diifut yeyyeeqe.
وَٱلۡأَرۡضَ بَعۡدَ ذَٰلِكَ دَحَىٰهَآ
Open ayah 79:30Kaadu baaxó tohih lakal tet fidseh.
أَخۡرَجَ مِنۡهَا مَآءَهَا وَمَرۡعَىٰهَا
Open ayah 79:31Teetik lee kee num kee lac akummu haytam teetik yeyyeeqe.
وَٱلۡجِبَالَ أَرۡسَىٰهَا
Open ayah 79:32Kaadu qaleelá xiikooluh baaxot daabiseh.
مَتَٰعٗا لَّكُمۡ وَلِأَنۡعَٰمِكُمۡ
Open ayah 79:33Sin kee sin lacih tuxxiqih.
فَإِذَا جَآءَتِ ٱلطَّآمَّةُ ٱلۡكُبۡرَىٰ
Open ayah 79:34Tokkel qhiyaamaa kee Kaxxa gibda tamaate waqdi. (woh nammay haytó baanta kinnuk.)
يَوۡمَ يَتَذَكَّرُ ٱلۡإِنسَٰنُ مَا سَعَىٰ
Open ayah 79:35Toh Num abba heem edde kassita ayró.
وَبُرِّزَتِ ٱلۡجَحِيمُ لِمَن يَرَىٰ
Open ayah 79:36Kaadu jaciim deqsitta girá yaybulleen saaku yable marah.
فَأَمَّا مَن طَغَىٰ
Open ayah 79:37Tokkel yallih amrih cinat caddok tatre numuh tugactek.
وَءَاثَرَ ٱلۡحَيَوٰةَ ٱلدُّنۡيَا
Open ayah 79:38Kaadu akeerak addunyâ mano muxxuse num.
فَإِنَّ ٱلۡجَحِيمَ هِيَ ٱلۡمَأۡوَىٰ
Open ayah 79:39Toysa diggah Jaciim deqsitta girá is kay orbeyná.
وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ
Open ayah 79:40Kaadu I si Rabbih foocih soolok meesiteeh, isi nafsi umaanê fayxik waase numuh tugactek.
فَإِنَّ ٱلۡجَنَّةَ هِيَ ٱلۡمَأۡوَىٰ
Open ayah 79:41Toysa diggah jannat usuk kay orbeyná.
يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا
Open ayah 79:42Nabiyow Koros qhiyaamak soltima ma waqdiiy axcuk koo esserta?
فِيمَ أَنتَ مِن ذِكۡرَىٰهَآ
Open ayah 79:43Atu tet ixxigak litom mantu tet keenih warissuh.
إِلَىٰ رَبِّكَ مُنتَهَىٰهَآ
Open ayah 79:44Tet ixxigá cagalah ku Rabbit taade.
إِنَّمَآ أَنتَ مُنذِرُ مَن يَخۡشَىٰهَا
Open ayah 79:45Cagalah atu teetik meesita mara meesiise (kade) kinnito.
كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا
Open ayah 79:46Diggah usun tet yablen ayró, addunya manol carraa kee hinnay saakuk sa tu suge wee marih innah gacca iyyan.