التكوير
At-Takwir
ترجمہ: Mufti Taqi Usmani · سورت کھولیں
بِسۡمِ ٱللَّهِ ٱلرَّحۡمَٰنِ ٱلرَّحِيمِ
إِذَا ٱلشَّمۡسُ كُوِّرَتۡ
آیت ۸۱:۱ کھولیںجب سورج لپیٹ دیا جائے گا۔ [1]
- : یہاں سے آیت نمبر 14 تک قیامت اور آخرت کے حالات بیان فرمائے گئے ہیں۔ سورج کو لپیٹنے کی کیا کیفیت ہوگی ؟ اس کی حقیقت تو اللہ تعالیٰ ہی کو معلوم ہے۔ البتہ یہ بات ظاہر ہے کہ اس کے نتیجے میں سورج بےنور ہوجائے گا۔ چونکہ لپیٹنے کو عربی میں تکویر کہا جاتا ہے۔ اس لیے اس سورت کا نام سورة تکویر ہے
وَإِذَا ٱلنُّجُومُ ٱنكَدَرَتۡ
آیت ۸۱:۲ کھولیںاور جب ستارے ٹوٹ ٹوٹ کر گریں گے۔
وَإِذَا ٱلۡجِبَالُ سُيِّرَتۡ
آیت ۸۱:۳ کھولیںاور جب پہاڑوں کو چلایا جائے گا۔
وَإِذَا ٱلۡعِشَارُ عُطِّلَتۡ
آیت ۸۱:۴ کھولیںاور جب دس مہینے کی گابھن اونٹنیوں کو بھی بیکار چھوڑ دیا جائے گا۔ [1]
- اونٹنی اس وقت عرب کے لوگوں کے لئے سب سے بڑی دولت سمجھی جاتی تھی، اور اگر اونٹنی گابھن یعنی حاملہ ہو تو اس کی قیمت اور بڑھ جاتی تھی، اور دس مہینے کی گابھن ہو تو اسے سب سے زیادہ قیمتی سمجھا جاتا تھا، اس آیت میں یہ فرمایا گیا ہے کہ قیامت کے وقت ہر شخص پر ایسی حالت طاری ہوگی کہ اسے اتنی بڑی دولت کو بھی سنبھالنے کا ہوش نہیں رہے گا، اس لئے ایسی اونٹنیاں بھی بیکار چھٹی پھریں گی۔
وَإِذَا ٱلۡوُحُوشُ حُشِرَتۡ
آیت ۸۱:۵ کھولیںاور جب وحشی جانور اکٹھے کردیے جائیں گے۔ [1]
- : حُشِرَتْ : قیامت کے ہولناک منظر کو دیکھ کر سارے وحشی جانور بھی گھبراہٹ کے عالم میں اکھٹے ہوجائیں گے، جیسے کہ کسی عام مصیبت کے موقع پر تنہا رہنے کے بجائے دوسروں کے ساتھ رہنے کو پسند کیا جاتا ہے۔
وَإِذَا ٱلۡبِحَارُ سُجِّرَتۡ
آیت ۸۱:۶ کھولیںاور جب سمندروں کو بھڑکایا جائے گا۔ [1]
- : سمندروں کے بھڑکانے کا مطلب یہ بھی ہوسکتا ہے کہ ان میں طغیانی آجائے گی اور دریا سمندر آپس میں مل کر ایک ہوجائیں گے اور یہ مطلب بھی ممکن ہے کہ ان کا پانی خشک ہوجائے گا اور ان میں آگ لگادی جائے گی۔
وَإِذَا ٱلنُّفُوسُ زُوِّجَتۡ
آیت ۸۱:۷ کھولیںاور جب لوگوں کے جوڑے جو ٹے بنا دئے جائیں گے۔ [1]
- : یعنی ایک قسم کے لوگ ایک جگہ جمع کردئیے جائیں گے، کافر ایک جگہ اور مومن ایک جگہ، نیز نیک لوگ ایک جگہ اور بدکار ایک جگہ۔
وَإِذَا ٱلۡمَوۡءُۥدَةُ سُئِلَتۡ
آیت ۸۱:۸ کھولیںاور جس بچی کو زندہ قبر میں گاڑ دیا گیا تھا، اس سے پوچھا جائے گا۔
بِأَيِّ ذَنۢبٖ قُتِلَتۡ
آیت ۸۱:۹ کھولیںکہ اسے کس جرم میں قتل کیا گیا ؟ [1]
- : جاہلیت کے زمانے میں ایک انتہائی وحشیانہ رسم یہ تھی کہ لوگ عورتوں کو منحوس سمجھتے تھے، اور بعض قبیلے ایسے تھے کہ اگر ان میں سے کسی کے یہاں بچی پیدا ہوجاتی تو وہ شرم کے مارے اس بچی کو زندہ زمین میں دفن کردیتا تھا۔ قیامت میں اس بچی کو لاکر پوچھا جائے گا کہ تمہیں کس جرم میں موت کے گھاٹ اتارا گیا تھا ؟ اس سے ان ظالموں کو سزا دینا مقصود ہوگا جنہوں نے اس بچی کے ساتھ ایسی درندگی کا معاملہ کیا۔
وَإِذَا ٱلصُّحُفُ نُشِرَتۡ
آیت ۸۱:۱۰ کھولیںاور جب اعمال نامے کھول دئے جائیں گے۔
وَإِذَا ٱلسَّمَآءُ كُشِطَتۡ
آیت ۸۱:۱۱ کھولیںاور جب آسمان کا چھلکا اتار دیا جائے گا۔
وَإِذَا ٱلۡجَحِيمُ سُعِّرَتۡ
آیت ۸۱:۱۲ کھولیںاور جب دوزخ بھڑکائی جائے گی۔
وَإِذَا ٱلۡجَنَّةُ أُزۡلِفَتۡ
آیت ۸۱:۱۳ کھولیںاور جب جنت قریب کردی جائے گی۔
عَلِمَتۡ نَفۡسٞ مَّآ أَحۡضَرَتۡ
آیت ۸۱:۱۴ کھولیںتو اس وقت ہر شخص کو اپنا سارا کیا دھرا معلوم ہوجائے گا۔
فَلَآ أُقۡسِمُ بِٱلۡخُنَّسِ
آیت ۸۱:۱۵ کھولیںاب میں قسم کھاتا ہوں ان ستاروں کی جو پیچھے کی طرف چلنے لگتے ہیں۔
ٱلۡجَوَارِ ٱلۡكُنَّسِ
آیت ۸۱:۱۶ کھولیںجو چلتے چلتے دبک جاتے ہیں۔ [1]
- : بعض ستارے ایسے ہوتے ہیں کہ وہ کبھی مشرق سے مغرب کی طرف چلتے نظر آتے ہیں، اور کبھی مغرب سے مشرق کی طرف۔ گویا وہ ایک سمت میں چلتے چلتے واپس پلٹ رہے ہیں، پھر چلتے چلتے نگاہوں سے غائب ہوجاتے ہیں، گویا ہوجاتے ہیں، گویا وہ کہیں دبک کر چھپ گئے ہیں۔ ان ستاروں کی یہ گردش اللہ تعالیٰ کی قدرت کاملہ کا عجیب مظہر ہے۔ اس لیے ان کی قسم کھائی گئی ہے۔
وَٱلَّيۡلِ إِذَا عَسۡعَسَ
آیت ۸۱:۱۷ کھولیںاور قسم کھاتا ہوں رات کی جب وہ رخصت ہو۔
وَٱلصُّبۡحِ إِذَا تَنَفَّسَ
آیت ۸۱:۱۸ کھولیںاور صبح کی جب وہ سانس لے۔ [1]
- : صبح کے وقت عموماً ہلکی ہلکی ہوا چلتی ہے جسے باد نسیم کہا جاتا ہے۔ اس ہوا کے چلنے کو بڑی بلاغت کے ساتھ صبح کے سانس لینے سے تعبیر فرمایا گیا ہے۔
إِنَّهُۥ لَقَوۡلُ رَسُولٖ كَرِيمٖ
آیت ۸۱:۱۹ کھولیںکہ یہ (قرآن) یقینی طور پر ایک معزز فرشتے کا لایا ہوا کلام ہے۔ [1]
- : اس سے مراد حضرت جبرئیل ؑ ہیں جو آنحضرت ﷺ کے پاس وحی کے ذریعے قرآن کریم لایا کرتے تھے۔
ذِي قُوَّةٍ عِندَ ذِي ٱلۡعَرۡشِ مَكِينٖ
آیت ۸۱:۲۰ کھولیںجو قوت والا ہے، جس کا عرش والے کے پاس بڑا رتبہ ہے۔
مُّطَاعٖ ثَمَّ أَمِينٖ
آیت ۸۱:۲۱ کھولیںوہاں اس کی بات مانی جاتی ہے۔ [1] وہ امانت دار ہے۔
- : یعنی دوسرے فرشتے ان کی بات مانتے ہیں۔
وَمَا صَاحِبُكُم بِمَجۡنُونٖ
آیت ۸۱:۲۲ کھولیںاور (اے مکہ والو) تمہارے ساتھ رہنے والے یہ صاحب (یعنی حضرت محمد ﷺ کوئی دیوانے نہیں ہیں۔
وَلَقَدۡ رَءَاهُ بِٱلۡأُفُقِ ٱلۡمُبِينِ
آیت ۸۱:۲۳ کھولیںاور یہ بالکل سچی بات ہے کہ انہوں نے اس فرشتے کو کھلے ہوئے افق پر دیکھا ہے۔ [1]
- : حضرت جبرئیل ؑ عام طور پر تو آنحضرت ﷺ کے پاس کسی انسان کی صورت میں آیا کرتے تھے، لیکن حضور اقدس ﷺ نے ایک مرتبہ انہیں اپنی اصلی صورت میں دیکھنے کی فرمائش کی تھی، اس موقع پر وہ افق پر اپنی اصل صورت میں بھی آپ کے سامنے ظاہر ہوئے، اس آیت میں اس کی طرف اشارہ فرمایا گیا ہے، اس کی کچھ تفصیل سورة نجم میں پیچھے گزرچکی ہے، اس موقع پر اس سورت کے حواشی نمبر : 2، 3، 4 ضرور دیکھ لئے جائیں۔
وَمَا هُوَ عَلَى ٱلۡغَيۡبِ بِضَنِينٖ
آیت ۸۱:۲۴ کھولیںاور وہ غیب کی باتوں کے بارے میں بخیل بھی نہیں ہیں۔ 012)
- : یعنی حضور اقدس ﷺ کو وحی کے ذریعے غیب کی جو باتیں معلوم ہوتی ہیں، وہ انہیں لوگوں سے چھپاتے نہیں ہیں، بلکہ سب کے سامنے ظاہر فرما دیتے ہیں، جاہلیت کے زمانے میں جو لوگ کاہن کہلاتے تھے، وہ بھی غیب کی باتیں بتانے کا دعوی کرتے تھے، اور شیطانوں سے دوستی کرکے ان سے کچھ جھوٹی سچی باتیں سن لیا کرتے تھے، لیکن جب لوگ ان سے پوچھتے تو وہ انہیں فیس لئے بغیر کچھ بتانے سے انکار کرتے تھے، اللہ تعالیٰ کافروں سے فرما رہے ہیں کہ تم آنخضرت ﷺ کو کاہن کہتے ہو، حالانکہ کاہن تو تمہیں جھوٹی باتیں بتانے میں بھی بڑے بخل سے کام لیتے ہیں، اور پیسے لئے بغیر کچھ نہیں بتاتے، لیکن آنحضرت ﷺ کو غیب کی جو سچی باتیں معلوم ہوتی ہیں وہ بتانے میں بھی نہ بخل سے کام لیتے ہیں، اور نہ اس پر کوئی معاوضہ مانگتے ہیں۔
وَمَا هُوَ بِقَوۡلِ شَيۡطَٰنٖ رَّجِيمٖ
آیت ۸۱:۲۵ کھولیںاور نہ یہ (قرآن) کسی مردود شیطان کی (بنائی ہوئی) کوئی بات ہے۔
فَأَيۡنَ تَذۡهَبُونَ
آیت ۸۱:۲۶ کھولیںپھر بھی تم لوگ کدھر چلے جارہے ہو ؟
إِنۡ هُوَ إِلَّا ذِكۡرٞ لِّلۡعَٰلَمِينَ
آیت ۸۱:۲۷ کھولیںیہ تو دنیا جہان کے لوگوں کے لیے ایک نصیحت ہے۔
لِمَن شَآءَ مِنكُمۡ أَن يَسۡتَقِيمَ
آیت ۸۱:۲۸ کھولیںتم میں سے ہر اس شخص کے لیے جو سیدھا سیدھا رہنا چاہے۔
وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ
آیت ۸۱:۲۹ کھولیںاور تم چاہو گے نہیں، الا یہ کہ خود اللہ چاہے جو سارے جہانوں کا پروردگار ہے۔