الإنشقاق
Al-Inshiqaaq
Translation: Kyrgyz - Shams al-Din Hakimov Abd al-Khaleq · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
إِذَا ٱلسَّمَآءُ ٱنشَقَّتۡ
Open ayah 84:1Күтүүсүздөн асман жарылды! [1]
- Меккеде түшкөн. 25 аяттан турат. “Иншикатын” мааниси “Жарылуу”.
وَأَذِنَتۡ لِرَبِّهَا وَحُقَّتۡ
Open ayah 84:2Ал Раббисине моюн сунган эле жана (моюн сунушу) акыйкат болчу!
وَإِذَا ٱلۡأَرۡضُ مُدَّتۡ
Open ayah 84:3Жана жер (дагы) күтүүсүздөн (силкине-силкине) созулуп,
وَأَلۡقَتۡ مَا فِيهَا وَتَخَلَّتۡ
Open ayah 84:4ичиндеги нерселерин (төрөгөн сыяктуу) чыгарып, бошонуп калды!
وَأَذِنَتۡ لِرَبِّهَا وَحُقَّتۡ
Open ayah 84:5Ал дагы Раббисине моюн сунган эле жана (ушундай болушу) акыйкат болчу! [1]
- Жер мүрзөдөгү өлүктөр менен кен-байлыктарын чыгарып, созулган сыяктуу тегиздикке айланат. Тоо-таштар күкүм болуп, тегизделип калат. Мүрзөлөрдөн тирилип, суурулуп чыккан инсандар Раббисине жолугуу үчүн сот-сурак майданына айдалат.
يَٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحٗا فَمُلَٰقِيهِ
Open ayah 84:6О, инсан! Сен Раббиңе (жолуканча) түйшөлүп, акырында Ага жолугасың. [1]
- Эми алар сообу көп болсо Раббисинен пазилет-сыйлык алышат, күнөөсү көп болсо, азап-жаза алышат. Ал жерде аларга амал китептери таратылып берилет.
فَأَمَّا مَنۡ أُوتِيَ كِتَٰبَهُۥ بِيَمِينِهِۦ
Open ayah 84:7Кимдин (амал) китеби оң тарабынан берилсе,
فَسَوۡفَ يُحَاسَبُ حِسَابٗا يَسِيرٗا
Open ayah 84:8өтө жеңил суралат.
وَيَنقَلِبُ إِلَىٰٓ أَهۡلِهِۦ مَسۡرُورٗا
Open ayah 84:9жана (бейиштеги) үй-бүлөсүнө сүйүнгөн бойдон кайтып келет.
وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ
Open ayah 84:10Ал эми, кимдин (амал) китеби арка тарабынан берилсе,
فَسَوۡفَ يَدۡعُواْ ثُبُورٗا
Open ayah 84:11(өзүнө) өлүм чакырат.
وَيَصۡلَىٰ سَعِيرًا
Open ayah 84:12Жана тозокко ташталат!
إِنَّهُۥ كَانَ فِيٓ أَهۡلِهِۦ مَسۡرُورًا
Open ayah 84:13Чынында, ал (дүйнө жашоосунда) үй-бүлөсүнүн ичинде шат-курсант болчу.
إِنَّهُۥ ظَنَّ أَن لَّن يَحُورَ
Open ayah 84:14Чынында, ал өзүн эч качан (Раббисине) кайтпачудай сезчү.
بَلَىٰٓۚ إِنَّ رَبَّهُۥ كَانَ بِهِۦ بَصِيرٗا
Open ayah 84:15Жок! Андай эмес! (Ал Раббисине кайтып барат!) Акыйкатта, Раббиси аны көрүп турган!
فَلَآ أُقۡسِمُ بِٱلشَّفَقِ
Open ayah 84:16Мен (күн батып бараткандагы) күүгүмгө ант ичип,
وَٱلَّيۡلِ وَمَا وَسَقَ
Open ayah 84:17түнгө, жана да түн өз койнуна алган (бардык) нерсеге ант ичип...
وَٱلۡقَمَرِ إِذَا ٱتَّسَقَ
Open ayah 84:18Жана толгон кездеги (толук) айга ант ичип (айтамын):
لَتَرۡكَبُنَّ طَبَقًا عَن طَبَقٖ
Open ayah 84:19(Оо, инсандар!) силер аныгында, баскычтан баскычка минесиңер! [1]
- Бардык инсан ата-энесинин бел сууларынын аралашмасы - нутфа баскычынан коюу кан, бир тиштем эт, сөөк, ымыркай баскычын "минип-өтүп" төрөлгөн. Анан бөбөктүк, балалык, өспүрүмдүк, жигиттик, кишилик, картаңдык баскычтарын басып өтүп мүрзөгө келип кайра топуракка айланат. (Садий)
فَمَا لَهُمۡ لَا يُؤۡمِنُونَ
Open ayah 84:20Аларга эмне болду, ыйман келтирбей жатышат?!
وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ۩
Open ayah 84:21Жана эгер аларга Куран окуп берилчү болсо, (моюн сунуу менен) сажда кылышпайт?! [1]
- Бул аят сажда аяты болуп, аны окугандарга жана уккандарга отурган эле жеринде бир жолу сажда кылуу ваажып болот.
بَلِ ٱلَّذِينَ كَفَرُواْ يُكَذِّبُونَ
Open ayah 84:22Тескерисинче, каапыр болгон пенделер (кайра тирилүүнү) «жалган» дешет!
وَٱللَّهُ أَعۡلَمُ بِمَا يُوعُونَ
Open ayah 84:23Бирок, алар ичине эмне жашырганын Аллах эң жакшы билет.
فَبَشِّرۡهُم بِعَذَابٍ أَلِيمٍ
Open ayah 84:24(Оо, Мухаммад!) Сен аларга жан ооруткан азаптын кабарын бер!
إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونِۭ
Open ayah 84:25А бирок, ыйман келтирип, жакшы (сооп) иштерди жасагандар(га бейишти сүйүнчүлө). Алар үчүн түгөнгүс сыйлыктар бар!