الغاشية

Al-Ghaashiya

سورت ۸۸ · آیات: ۲۶ · مکی

ترجمہ: Mufti Taqi Usmani · سورت کھولیں

بِسۡمِ ٱللَّهِ ٱلرَّحۡمَٰنِ ٱلرَّحِيمِ

  1. هَلۡ أَتَىٰكَ حَدِيثُ ٱلۡغَٰشِيَةِ

    آیت ⁦۸۸:۱⁩ کھولیں

    کیا تمہیں اس واقعے (یعنی قیامت) کی خبر پہنچی ہے جو سب پر چھا جائے گا ؟ [1]

    1. : یہ ”غاشیہ“ کا ترجمہ ہے، اور اسی وجہ سے اس سورت کا نام غاشیہ ہے۔
  2. وُجُوهٞ يَوۡمَئِذٍ خَٰشِعَةٌ

    آیت ⁦۸۸:۲⁩ کھولیں

    بہت سے چہرے اس دن اترے ہوئے ہوں گے۔

  3. عَامِلَةٞ نَّاصِبَةٞ

    آیت ⁦۸۸:۳⁩ کھولیں

    مصیبت جھیلتے ہوئے، تھکن سے چور۔

  4. تَصۡلَىٰ نَارًا حَامِيَةٗ

    آیت ⁦۸۸:۴⁩ کھولیں

    وہ دہکتی ہوئی آگ میں داخل ہوں گے۔

  5. تُسۡقَىٰ مِنۡ عَيۡنٍ ءَانِيَةٖ

    آیت ⁦۸۸:۵⁩ کھولیں

    انہیں کھولتے ہوئے چشمے سے پانی پلایا جائے گا۔

  6. لَّيۡسَ لَهُمۡ طَعَامٌ إِلَّا مِن ضَرِيعٖ

    آیت ⁦۸۸:۶⁩ کھولیں

    ان کے لیئے ایک کانٹے دار جھاڑ کے سوا کوئی کھانا نہیں ہوگا۔

  7. لَّا يُسۡمِنُ وَلَا يُغۡنِي مِن جُوعٖ

    آیت ⁦۸۸:۷⁩ کھولیں

    جو نہ جسم کا وزن بڑھائے گا اور نہ بھوک مٹائے گا۔

  8. وُجُوهٞ يَوۡمَئِذٖ نَّاعِمَةٞ

    آیت ⁦۸۸:۸⁩ کھولیں

    بہت سے چہرے اس دن تروتازہ ہوں گے۔

  9. لِّسَعۡيِهَا رَاضِيَةٞ

    آیت ⁦۸۸:۹⁩ کھولیں

    (دنیا میں) اپنی کی ہوئی محنت کی وجہ سے پوری طرح مطمئن۔

  10. فِي جَنَّةٍ عَالِيَةٖ 

    آیت ⁦۸۸:۱۰⁩ کھولیں

    عالیشان جنت میں ہوں گے

  11. لَّا تَسۡمَعُ فِيهَا لَٰغِيَةٗ

    آیت ⁦۸۸:۱۱⁩ کھولیں

    جس میں وہ کوئی لغو بات نہیں سنیں گے۔

  12. فِيهَا عَيۡنٞ جَارِيَةٞ

    آیت ⁦۸۸:۱۲⁩ کھولیں

    اس جنت میں بہتے ہوئے چشمے ہوں گے۔

  13. فِيهَا سُرُرٞ مَّرۡفُوعَةٞ

    آیت ⁦۸۸:۱۳⁩ کھولیں

    اس میں اونچی اونچی نشستیں ہوں گی۔

  14. وَأَكۡوَابٞ مَّوۡضُوعَةٞ

    آیت ⁦۸۸:۱۴⁩ کھولیں

    اور سامنے رکھے ہوئے پیالے۔

  15. وَنَمَارِقُ مَصۡفُوفَةٞ

    آیت ⁦۸۸:۱۵⁩ کھولیں

    اور قطار میں لگائے ہوئے گداز تکیے۔

  16. وَزَرَابِيُّ مَبۡثُوثَةٌ

    آیت ⁦۸۸:۱۶⁩ کھولیں

    اور بچھے ہوئے قالین۔

  17. أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

    آیت ⁦۸۸:۱۷⁩ کھولیں

    تو کیا یہ لوگ اونٹوں کو نہیں دیکھتے کہ انہیں کیسے پیدا کیا گیا ؟ [1]

    1. : عرب کے لوگ عام طور سے صحراؤں میں اونٹوں پر سفر کرتے تھے، اور اونٹ کی تخلیق میں جو عجیب خصوصیات ہیں، ان سے واقف تھے، نیز اونٹوں پر سفر کرتے وقت انہیں آسمان، زمین اور پہاڑ نظر آتے تھے۔ اللہ تعالیٰ فرما رہے ہیں کہ یہ لوگ اگر اپنے آس پاس کی چیزوں پر ہی غور کرلیں تو انہیں پتہ چل جائے کہ جس ذات نے کائنات کی یہ حیرت انگیز چیزیں پیدا فرمائی ہیں، اسے اپنی خدائی میں کسی شریک کی ضرورت نہیں ہوسکتی، نیز یہ کہ جو اللہ تعالیٰ کائنات کی ان چیزوں کو پیدا کرنے پر قادر ہے، وہ یقیناً اس بات پر بھی قادر ہے کہ وہ انسانوں کو مرنے کے بعد دوسری زندگی عطا کر دے، اور ان سے ان کے اعمال کا حساب لے۔ کائنات کا یہ عظیم کارخانہ اللہ تعالیٰ نے یونہی بےمقصد پیدا نہیں فرمایا ہے، بلکہ اس کا مقصد یہی ہے کہ نیک لوگوں کو ان کی نیکی کا انعام دیا جائے، اور بدکاروں کو ان کی بدکاری کی سزا دی جائے۔
  18. وَإِلَى ٱلسَّمَآءِ كَيۡفَ رُفِعَتۡ

    آیت ⁦۸۸:۱۸⁩ کھولیں

    اور آسمان کو کہ اسے کس طرح بلند کیا گیا ؟

  19. وَإِلَى ٱلۡجِبَالِ كَيۡفَ نُصِبَتۡ

    آیت ⁦۸۸:۱۹⁩ کھولیں

    اور پہاڑوں کو کہ انہیں کس طرح گاڑا گیا ؟

  20. وَإِلَى ٱلۡأَرۡضِ كَيۡفَ سُطِحَتۡ 

    آیت ⁦۸۸:۲۰⁩ کھولیں

    اور زمین کو کہ اسے کیسے بچھایا گیا ؟

  21. فَذَكِّرۡ إِنَّمَآ أَنتَ مُذَكِّرٞ

    آیت ⁦۸۸:۲۱⁩ کھولیں

    اب (اے پیغمبر) تم نصیحت کیے جاؤ۔ تم تو بس نصیحت کرنے والے ہو۔

  22. لَّسۡتَ عَلَيۡهِم بِمُصَيۡطِرٍ

    آیت ⁦۸۸:۲۲⁩ کھولیں

    آپ کو ان پر زبردستی کرنے کے لیے مسلط نہیں کیا گیا۔ [1]

    1. : آنحضرت ﷺ کو کافروں کی ہٹ دھرمی سے جو تکلیف ہوتی تھی، اس پر آپ کو یہ تسلی دی گئی ہے کہ آپ کا فریضہ صرف تبلیغ کر کے پورا ہوجاتا ہے، آپ پر یہ ذمہ داری نہیں ہے کہ انہیں زبردستی مسلمان بنائیں۔ اس میں ہر مبلغ اور حق کے داعی کے لیے بھی یہ اصول بیان فرمایا گیا ہے کہ اسے اپنا تبلیغ کا فریضہ ادا کرتے رہنا چاہیے اور یہ نہ سمجھنا چاہیے کہ وہ ان سے زبردستی اپنی بات منوانے کا ذمہ دار ہے۔
  23. إِلَّا مَن تَوَلَّىٰ وَكَفَرَ

    آیت ⁦۸۸:۲۳⁩ کھولیں

    ہاں مگر جو کوئی منہ موڑے گا، اور کفر اختیار کرے گا۔

  24. فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

    آیت ⁦۸۸:۲۴⁩ کھولیں

    تو اللہ اس کو بڑا زبردست عذاب دے گا۔

  25. إِنَّ إِلَيۡنَآ إِيَابَهُمۡ

    آیت ⁦۸۸:۲۵⁩ کھولیں

    یقین جانو ان سب کو ہمارے پاس ہی لوٹ کر آنا ہے۔

  26. ثُمَّ إِنَّ عَلَيۡنَا حِسَابَهُم

    آیت ⁦۸۸:۲۶⁩ کھولیں

    پھر یقینا ان کا حساب لینا ہمارے ذمے ہے۔