الأعلى
Al-A'laa
ترجمہ: Mufti Taqi Usmani · سورت کھولیں
بِسۡمِ ٱللَّهِ ٱلرَّحۡمَٰنِ ٱلرَّحِيمِ
سَبِّحِ ٱسۡمَ رَبِّكَ ٱلۡأَعۡلَى
آیت ۸۷:۱ کھولیںاپنے پروردگار کے نام کی تسبیح کرو جس کی شان سب سے اونچی ہے۔
ٱلَّذِي خَلَقَ فَسَوَّىٰ
آیت ۸۷:۲ کھولیںجس نے سب کچھ پیدا کیا اور ٹھیک ٹھیک بنایا۔
وَٱلَّذِي قَدَّرَ فَهَدَىٰ
آیت ۸۷:۳ کھولیںاور جس نے ہر چیز کو ایک خاص انداز دیا، پھر راستہ بتایا۔ [1]
- : اللہ تعالیٰ نے کائنات میں ہر چیز ایک خاص انداز سے بنائی ہے پھر ہر ایک کو اس کے مناسب دنیا میں رہنے کا طریقہ بھی بتادیا ہے۔
وَٱلَّذِيٓ أَخۡرَجَ ٱلۡمَرۡعَىٰ
آیت ۸۷:۴ کھولیںاور جس نے سبز چارہ (زمین سے) نکالا۔
فَجَعَلَهُۥ غُثَآءً أَحۡوَىٰ
آیت ۸۷:۵ کھولیںپھر اسے کالے رنگ کا کوڑا بنادیا۔ [1]
- : اشارہ اس طرف ہے کہ اس دنیا میں ہر چیز اللہ تعالیٰ نے ایسی بنائی ہے کہ کچھ عرصے اپنی بہار دکھانے کے بعد وہ بد شکل اور پھر فنا ہوجاتی ہے۔
سَنُقۡرِئُكَ فَلَا تَنسَىٰٓ
آیت ۸۷:۶ کھولیں(اے پیغمبر) ہم تمہیں پڑھائیں گے پھر تم بھولو گے نہیں۔
إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ
آیت ۸۷:۷ کھولیںسوائے اس کے جسے اللہ چاہے۔ [1] یقین رکھو وہ کھلی ہوئی چیزوں کو بھی جانتا ہے اور ان چیزوں کو بھی جو چھپی ہوئی ہیں۔
- : آنحضرت ﷺ کو فکر رہتی تھی کہ کہیں آپ قرآن کریم کا کچھ حصہ بھول نہ جائیں، اللہ تعالیٰ نے اس آیت میں اطمینان کرادیا کہ ہم آپ کو بھولنے نہیں دیں گے، البتہ اللہ تعالیٰ جن احکام کو منسوح کرنا چاہے گا انہیں آپ بھول سکتے ہیں۔ جیسا کہ سورة بقرہ : 106 میں گذرا ہے۔
وَنُيَسِّرُكَ لِلۡيُسۡرَىٰ
آیت ۸۷:۸ کھولیںاور ہم تمہیں آسان شریعت (پر چلنے کے لیے) سہولت دیں گے۔ [1]
- : اللہ تعالیٰ نے آنحضرت ﷺ کو جو شریعت عطا فرمائی ہے، وہ بذات خود آسان ہے، پھر مزید تسلی دی گئی ہے کہ ہم اس پر چلنے کو بھی آپ کے لیے آسان کردیں گے۔
فَذَكِّرۡ إِن نَّفَعَتِ ٱلذِّكۡرَىٰ
آیت ۸۷:۹ کھولیںلہذا تم نصیحت کیے جاؤ، اگر نصیحت کا فائدہ ہو۔
سَيَذَّكَّرُ مَن يَخۡشَىٰ
آیت ۸۷:۱۰ کھولیںجس کے دل میں اللہ کا خوف ہوگا، وہ نصیحت مانے گا۔
وَيَتَجَنَّبُهَا ٱلۡأَشۡقَى
آیت ۸۷:۱۱ کھولیںاور اس سے دور وہ رہے گا جو بڑا بدبخت ہوگا۔
ٱلَّذِي يَصۡلَى ٱلنَّارَ ٱلۡكُبۡرَىٰ
آیت ۸۷:۱۲ کھولیںجو سب سے بڑی آگ میں داخل ہوگا۔
ثُمَّ لَا يَمُوتُ فِيهَا وَلَا يَحۡيَىٰ
آیت ۸۷:۱۳ کھولیںپھر اس آگ میں نہ مرے گا اور نہ جیے گا۔ [1]
- : یعنی زندہ رہنے کا کوئی آرام اسے حاصل نہیں ہوگا۔
قَدۡ أَفۡلَحَ مَن تَزَكَّىٰ
آیت ۸۷:۱۴ کھولیںفلاح اس نے پائی ہے جس نے پاکیزگی اختیار کی۔
وَذَكَرَ ٱسۡمَ رَبِّهِۦ فَصَلَّىٰ
آیت ۸۷:۱۵ کھولیںاور اپنے پروردگار کا نام لیا، اور نماز پڑھی۔
بَلۡ تُؤۡثِرُونَ ٱلۡحَيَوٰةَ ٱلدُّنۡيَا
آیت ۸۷:۱۶ کھولیںلیکن تم لوگ دنیوی زندگی کو مقدم رکھتے ہو۔
وَٱلۡأٓخِرَةُ خَيۡرٞ وَأَبۡقَىٰٓ
آیت ۸۷:۱۷ کھولیںحالانکہ آخرت کہیں زیادہ بہتر اور کہیں زیادہ پائیدار ہے۔
إِنَّ هَٰذَا لَفِي ٱلصُّحُفِ ٱلۡأُولَىٰ
آیت ۸۷:۱۸ کھولیںیہ بات یقینا پچھلے (آسمانی) صحیفوں میں بھی درج ہے۔
صُحُفِ إِبۡرَٰهِيمَ وَمُوسَىٰ
آیت ۸۷:۱۹ کھولیںابراہیم اور موسیٰ کے صحیفوں میں۔