النبإ
An-Naba
Translation: Kinyarwanda - Rwanda Muslims Association · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
عَمَّ يَتَسَآءَلُونَ
Open ayah 78:1Ni iki (abahakanyi b’abakurayishi) babazanyaho?
عَنِ ٱلنَّبَإِ ٱلۡعَظِيمِ
Open ayah 78:2Ku nkuru ihambaye (Qur’an n’umunsi w’imperuka),
ٱلَّذِي هُمۡ فِيهِ مُخۡتَلِفُونَ
Open ayah 78:3(Iyo nkuru) batavugaho rumwe (hagati y’abayemera n’abayihakana).
كَلَّا سَيَعۡلَمُونَ
Open ayah 78:4Oya! Rwose bidatinze bazamenya!
ثُمَّ كَلَّا سَيَعۡلَمُونَ
Open ayah 78:5Oya nanone! Bidatinze bazamenya!
أَلَمۡ نَجۡعَلِ ٱلۡأَرۡضَ مِهَٰدٗا
Open ayah 78:6Ese isi ntitwayigize nk’isaso?
وَٱلۡجِبَالَ أَوۡتَادٗا
Open ayah 78:7N’imisozi tukayigira nk’imambo?
وَخَلَقۡنَٰكُمۡ أَزۡوَٰجٗا
Open ayah 78:8Tukanabarema muri ibitsina byombi (gabo na gore)?
وَجَعَلۡنَا نَوۡمَكُمۡ سُبَاتٗا
Open ayah 78:9Kandi ibitotsi byanyu twabigize uburyo bw’ikiruhuko.
وَجَعَلۡنَا ٱلَّيۡلَ لِبَاسٗا
Open ayah 78:10N’ijoro turigira nk’umwambaro (binyuze mu mwijima waryo).
وَجَعَلۡنَا ٱلنَّهَارَ مَعَاشٗا
Open ayah 78:11N’amanywa tuyagira ayo gushakiramo imibereho.
وَبَنَيۡنَا فَوۡقَكُمۡ سَبۡعٗا شِدَادٗا
Open ayah 78:12Tunubaka hejuru yanyu (ibirere) birindwi bikomeye.
وَجَعَلۡنَا سِرَاجٗا وَهَّاجٗا
Open ayah 78:13Ndetse (n’izuba) turigira itara rimurika cyane.
وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا
Open ayah 78:14Tunamanura mu bicu amazi menshi yisuka,
لِّنُخۡرِجَ بِهِۦ حَبّٗا وَنَبَاتٗا
Open ayah 78:15Kugira ngo tuyamereshe impeke n’ibimera,
وَجَنَّٰتٍ أَلۡفَافًا
Open ayah 78:16N’imirima y’ibiti by’inzitane.
إِنَّ يَوۡمَ ٱلۡفَصۡلِ كَانَ مِيقَٰتٗا
Open ayah 78:17Mu by’ukuri umunsi w’urubanza ufite igihe ntarengwa,
يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا
Open ayah 78:18Umunsi impanda izavuzwa, maze mukaza muri amatsinda.
وَفُتِحَتِ ٱلسَّمَآءُ فَكَانَتۡ أَبۡوَٰبٗا
Open ayah 78:19N’ikirere kizakingurwa maze gihinduke nk’amarembo,
وَسُيِّرَتِ ٱلۡجِبَالُ فَكَانَتۡ سَرَابًا
Open ayah 78:20N’imisozi izakurwa mu myanya yayo, imere nk’ibirorirori.
إِنَّ جَهَنَّمَ كَانَتۡ مِرۡصَادٗا
Open ayah 78:21Mu by’ukuri umuriro wa Jahanamu urarekereje,
لِّلطَّٰغِينَ مَـَٔابٗا
Open ayah 78:22Ni wo garukiro ry’ibyigomeke,
لَّٰبِثِينَ فِيهَآ أَحۡقَابٗا
Open ayah 78:23Bizawubamo imyaka n’imyaniko.
لَّا يَذُوقُونَ فِيهَا بَرۡدٗا وَلَا شَرَابًا
Open ayah 78:24(Ibyo byigomeke) ntibizawumvamo amafu cyangwa ikinyobwa,
إِلَّا حَمِيمٗا وَغَسَّاقٗا
Open ayah 78:25Uretse amazi yatuye n’amashyira,
جَزَآءٗ وِفَاقًا
Open ayah 78:26(Ibyo bikazaba) ari igihembo gikwiye (ibikorwa bibi bakoraga).
إِنَّهُمۡ كَانُواْ لَا يَرۡجُونَ حِسَابٗا
Open ayah 78:27Kuko mu by’ukuri batajyaga bizera ibarura,
وَكَذَّبُواْ بِـَٔايَٰتِنَا كِذَّابٗا
Open ayah 78:28Ndetse banahinyuraga amagambo yacu cyane.
وَكُلَّ شَيۡءٍ أَحۡصَيۡنَٰهُ كِتَٰبٗا
Open ayah 78:29Kandi byose twarabibaruye mu nyandiko.
فَذُوقُواْ فَلَن نَّزِيدَكُمۡ إِلَّا عَذَابًا
Open ayah 78:30Ngaho nimusogongere (ingaruka z’ibikorwa byanyu bibi), kandi nta kindi tubongerera usibye ibihano.
إِنَّ لِلۡمُتَّقِينَ مَفَازًا
Open ayah 78:31Mu by’ukuri abagandukira Allah bazabona intsinzi (Ijuru);
حَدَآئِقَ وَأَعۡنَٰبٗا
Open ayah 78:32Ubusitani n’imizabibu,
وَكَوَاعِبَ أَتۡرَابٗا
Open ayah 78:33N’inkumi z’urungano (Huur-ul Ayn),
وَكَأۡسٗا دِهَاقٗا
Open ayah 78:34Ndetse n’ibirahuri byuzuye (ibinyobwa bidasindisha).
لَّا يَسۡمَعُونَ فِيهَا لَغۡوٗا وَلَا كِذَّٰبٗا
Open ayah 78:35Nta magambo adafite umumaro cyangwa ikinyoma bazumviramo.
جَزَآءٗ مِّن رَّبِّكَ عَطَآءً حِسَابٗا
Open ayah 78:36(Ibyo bizaba) ari ibihembo biturutse kwa Nyagasani wawe; impano ijyanye (n’ibikorwa byabo).
رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابٗا
Open ayah 78:37Nyagasani w’ibirere n’isi n’ibiri hagati yabyo, Nyirimpuhwe. (Ku munsi w’imperuka), nta bushobozi bwo kugira icyo bamuvugisha bazaba bafite (keretse abishatse).
يَوۡمَ يَقُومُ ٱلرُّوحُ وَٱلۡمَلَٰٓئِكَةُ صَفّٗاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابٗا
Open ayah 78:38Umunsi Roho (Malayika Jiburilu) n’abandi bamalayika bazahagarara ku mirongo, ntibazavuga keretse uwo (Allah) Nyirimpuhwe azabihera uburenganzira, kandi akavuga ibiri ukuri.
ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا
Open ayah 78:39Uwo munsi ni ukuri (uzaza nta gushidikanya). Bityo, ubishaka yakwiteganyiriza kwa Nyagasani we aho azashyikira.
إِنَّآ أَنذَرۡنَٰكُمۡ عَذَابٗا قَرِيبٗا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا
Open ayah 78:40Mu by’ukuri twababuriye ibihano byegereje; umunsi umuntu azabona ibyo yakoze, naho umuhakanyi akazavuga ati “Iyaba nari mbaye igitaka.”