الفجر
Al-Fajr
Translation: Tagalog - The Quran Translation (Salas & Taron) · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
وَٱلۡفَجۡرِ
Open ayah 89:1[Isinusumpa Ko] sa pagbubukang-liwayway.
وَلَيَالٍ عَشۡرٖ
Open ayah 89:2At [sa unang] sampung gabi,
وَٱلشَّفۡعِ وَٱلۡوَتۡرِ
Open ayah 89:3At [sa] magkapares [na bilang] at gansal,
وَٱلَّيۡلِ إِذَا يَسۡرِ
Open ayah 89:4At [sa] gabi kapag ito ay lumilipas.
هَلۡ فِي ذَٰلِكَ قَسَمٞ لِّذِي حِجۡرٍ
Open ayah 89:5Wala ba sa [lahat ng] mga iyan ang isang panunumpa [bilang sapat na katibayan] para sa isang nakauunawa?
أَلَمۡ تَرَ كَيۡفَ فَعَلَ رَبُّكَ بِعَادٍ
Open ayah 89:6Hindi mo ba isinaalang-alang kung paano pinakitunguhan ng iyong Panginoon ang [mga mamamayan ng] ‘Aad?
إِرَمَ ذَاتِ ٱلۡعِمَادِ
Open ayah 89:7[Sila ay nagmula sa angkan ni] Iram - na mayroong mga [nagtataasang] haligi,
ٱلَّتِي لَمۡ يُخۡلَقۡ مِثۡلُهَا فِي ٱلۡبِلَٰدِ
Open ayah 89:8Na ang kanilang katulad ay hindi pa nalikha sa [alinmang] bayan [o lupain].
وَثَمُودَ ٱلَّذِينَ جَابُواْ ٱلصَّخۡرَ بِٱلۡوَادِ
Open ayah 89:9At ang [mga Tribu ng] Thamud na tumapyas ng mga bato sa lambak?
وَفِرۡعَوۡنَ ذِي ٱلۡأَوۡتَادِ
Open ayah 89:10At [kay] Paraon, nagmamay-ari ng mga talasok [na kanyang ginagamit sa pagpagpataw ng parusa],
ٱلَّذِينَ طَغَوۡاْ فِي ٱلۡبِلَٰدِ
Open ayah 89:11[Sila] yaong mga nang-api sa mga lupain,
فَأَكۡثَرُواْ فِيهَا ٱلۡفَسَادَ
Open ayah 89:12At [sila ay labis na] nagparami roon ng mga katiwalian,
فَصَبَّ عَلَيۡهِمۡ رَبُّكَ سَوۡطَ عَذَابٍ
Open ayah 89:13Kaya ipinataw sa kanila ng iyong Panginoon ang isang [masidhing] hagupit ng parusa.
إِنَّ رَبَّكَ لَبِٱلۡمِرۡصَادِ
Open ayah 89:14Katotohanan, ang iyong Panginoon ay nagmamasid [sa kanila].
فَأَمَّا ٱلۡإِنسَٰنُ إِذَا مَا ٱبۡتَلَىٰهُ رَبُّهُۥ فَأَكۡرَمَهُۥ وَنَعَّمَهُۥ فَيَقُولُ رَبِّيٓ أَكۡرَمَنِ
Open ayah 89:15Kaya ang tao, kapag siya ay sinusubukan ng kanyang Panginoon at [naging] mapagbigay sa kanya at siya ay biniyayaan, siya ay nagsasabi: “Ako ay pinarangalan ng aking Panginoon!”
وَأَمَّآ إِذَا مَا ٱبۡتَلَىٰهُ فَقَدَرَ عَلَيۡهِ رِزۡقَهُۥ فَيَقُولُ رَبِّيٓ أَهَٰنَنِ
Open ayah 89:16At kapag siya ay sinusubukan ng kanyang Panginoon at hinihigpitan ang kanyang panustos, siya ay nagsasabi [nang may paghihimutok]: “Ako ay hinamak ng aking Panginoon!”
كَلَّاۖ بَل لَّا تُكۡرِمُونَ ٱلۡيَتِيمَ
Open ayah 89:17Hindi, nguni’t kayo ay walang malasakit sa mga ulila,
وَلَا تَحَٰٓضُّونَ عَلَىٰ طَعَامِ ٱلۡمِسۡكِينِ
Open ayah 89:18At kayo ay hindi naghihikayat sa isa’t isa upang magpakain sa mga dukha,
وَتَأۡكُلُونَ ٱلتُّرَاثَ أَكۡلٗا لَّمّٗا
Open ayah 89:19At inyong kinamkam ang pamana, nilustay nang walang pakundangan,
وَتُحِبُّونَ ٱلۡمَالَ حُبّٗا جَمّٗا
Open ayah 89:20At inyong minamahal ang yaman nang may masidhing pagmamahal.
كَلَّآۖ إِذَا دُكَّتِ ٱلۡأَرۡضُ دَكّٗا دَكّٗا
Open ayah 89:21Nguni’t, kapag ang kalupaan ay patagin – [durugin at ligisin],
وَجَآءَ رَبُّكَ وَٱلۡمَلَكُ صَفّٗا صَفّٗا
Open ayah 89:22At ang [Kautusan ng] iyong Panginoon ay dumating na kasama ang mga anghel na magkakahanay,
وَجِاْيٓءَ يَوۡمَئِذِۭ بِجَهَنَّمَۚ يَوۡمَئِذٖ يَتَذَكَّرُ ٱلۡإِنسَٰنُ وَأَنَّىٰ لَهُ ٱلذِّكۡرَىٰ
Open ayah 89:23At dalhing malapit [abot-tanaw] ang Impiyerno sa Araw na iyon. Sa Araw na iyon, ang tao ay makaaalala, nguni’t paano [o ano pa ang halaga] sa kanya nang gayong pag-alaala?
يَقُولُ يَٰلَيۡتَنِي قَدَّمۡتُ لِحَيَاتِي
Open ayah 89:24Siya ay magsasabi [nang may hinayang]: “Ahh, sana’y nakapaglaan ako noon [ng mga kabutihan] para sa aking buhay [na ito]!”
فَيَوۡمَئِذٖ لَّا يُعَذِّبُ عَذَابَهُۥٓ أَحَدٞ
Open ayah 89:25Kaya, sa Araw na iyon walang parurusahan [na kasingtindi] ng Kanyang pagpaparusa,
وَلَا يُوثِقُ وَثَاقَهُۥٓ أَحَدٞ
Open ayah 89:26At walang igagapos [na kasinghigpit] ng Kanyang paggapos.
يَٰٓأَيَّتُهَا ٱلنَّفۡسُ ٱلۡمُطۡمَئِنَّةُ
Open ayah 89:27[At sa mabuting tao ito ay sasabihin]: “O kaluluwang matiwasay!
ٱرۡجِعِيٓ إِلَىٰ رَبِّكِ رَاضِيَةٗ مَّرۡضِيَّةٗ
Open ayah 89:28Magbalik ka sa iyong Panginoon nang nasisiyahan at nakasisiya [sa Kanya].
فَٱدۡخُلِي فِي عِبَٰدِي
Open ayah 89:29Kaya ikaw ay pumasok bilang isa sa Aking [pinarangalang] alipin,
وَٱدۡخُلِي جَنَّتِي
Open ayah 89:30At ikaw ay pumasok sa Aking Paraiso!”