الإنشقاق
Al-Inshiqaaq
Translation: Maranao - So Quran al karim · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
إِذَا ٱلسَّمَآءُ ٱنشَقَّتۡ
Open ayah 84:1Amay ka so langit na manga bbnsad,
وَأَذِنَتۡ لِرَبِّهَا وَحُقَّتۡ
Open ayah 84:2Go mangonot ko Kadnan iyan, ka miyapatot on,
وَإِذَا ٱلۡأَرۡضُ مُدَّتۡ
Open ayah 84:3Go amay ka so lopa na pakawladn,
وَأَلۡقَتۡ مَا فِيهَا وَتَخَلَّتۡ
Open ayah 84:4Go iyawa iyan so nganin a madadalm on, na kadaan sa tago,
وَأَذِنَتۡ لِرَبِّهَا وَحُقَّتۡ
Open ayah 84:5Go mangonot ko Kadnan iyan, ka miyapatot on!
يَٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحٗا فَمُلَٰقِيهِ
Open ayah 84:6Hay manosiya, mataan! a ska na pananagontaman sa taman sa kitmo ko Kadnan ka sa samporna a panagontaman, ka mipmbaratmowa aka Skaniyan.
فَأَمَّا مَنۡ أُوتِيَ كِتَٰبَهُۥ بِيَمِينِهِۦ
Open ayah 84:7Na sadn sa mibgay ron so daptar iyan sii ko kawanan iyan,
فَسَوۡفَ يُحَاسَبُ حِسَابٗا يَسِيرٗا
Open ayah 84:8Na mapamagitong dn sa itongan a malbod,
وَيَنقَلِبُ إِلَىٰٓ أَهۡلِهِۦ مَسۡرُورٗا
Open ayah 84:9Go makandod ko manga tonganay niyan a mabababaya!
وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ
Open ayah 84:10Na so pman so midawag on so daptar iyan sii ko tampar ko likod iyan.
فَسَوۡفَ يَدۡعُواْ ثُبُورٗا
Open ayah 84:11Na migoraok iyan dn so kabinasa,
وَيَصۡلَىٰ سَعِيرًا
Open ayah 84:12Go makasold ko kadg.
إِنَّهُۥ كَانَ فِيٓ أَهۡلِهِۦ مَسۡرُورًا
Open ayah 84:13Mataan! a skaniyan na so katatago iyan (sa doniya) ko manga tonganay niyan na mabababaya.
إِنَّهُۥ ظَنَّ أَن لَّن يَحُورَ
Open ayah 84:14Mataan aya! a aya tangkap iyan on na di dn phakandod (ko Kadnan iyan).
بَلَىٰٓۚ إِنَّ رَبَّهُۥ كَانَ بِهِۦ بَصِيرٗا
Open ayah 84:15Oway na, mataan! a so Kadnan iyan; na tatap a phagilayn Iyan!
فَلَآ أُقۡسِمُ بِٱلشَّفَقِ
Open ayah 84:16Na pzapa Ako sa ibt ko pamorawag a mariga,
وَٱلَّيۡلِ وَمَا وَسَقَ
Open ayah 84:17Ago so gagawii, go so nganin a miyatigans iyan,
وَٱلۡقَمَرِ إِذَا ٱتَّسَقَ
Open ayah 84:18Go so olan igira a mimbiring,
لَتَرۡكَبُنَّ طَبَقًا عَن طَبَقٖ
Open ayah 84:19Ka pphakasakat kano dn ko sapangkat phoon ko sapangkat.
فَمَا لَهُمۡ لَا يُؤۡمِنُونَ
Open ayah 84:20Na antonaa i makaarn kiran sa di iran kapharatiyaya,
وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ۩
Open ayah 84:21Go igira a biyatiya kiran so Qor´an na di siran phangalimbabaan?
بَلِ ٱلَّذِينَ كَفَرُواْ يُكَذِّبُونَ
Open ayah 84:22Kna, ka siran a da pamaratiyaya, na gi iran pakambokhagn (so Qor´an).
وَٱللَّهُ أَعۡلَمُ بِمَا يُوعُونَ
Open ayah 84:23Na so Allah i lbi a Matao ko pag-unsn iran.
فَبَشِّرۡهُم بِعَذَابٍ أَلِيمٍ
Open ayah 84:24Na pamanotholang ka kiran so siksa a malipds,
إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونِۭ
Open ayah 84:25Ogaid na so siran a miyamaratiyaya, go pinggalbk iran so manga pipiya: Na adn a bagian iran a balas a di khaompas.