النبإ
An-Naba
Translation: Maranao - So Quran al karim · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
عَمَّ يَتَسَآءَلُونَ
Open ayah 78:1Antonaa so gi iran pamagizai yan?
عَنِ ٱلنَّبَإِ ٱلۡعَظِيمِ
Open ayah 78:2A tothol a mala,
ٱلَّذِي هُمۡ فِيهِ مُخۡتَلِفُونَ
Open ayah 78:3A so siran na di siran on phagayonayon?
كَلَّا سَيَعۡلَمُونَ
Open ayah 78:4Na gnki ran, ka khatokawan iran bo!
ثُمَّ كَلَّا سَيَعۡلَمُونَ
Open ayah 78:5Oriyan iyan, na sabnar a katokawan iran bo!
أَلَمۡ نَجۡعَلِ ٱلۡأَرۡضَ مِهَٰدٗا
Open ayah 78:6Ba Ami da baloya so lopa a miyadmpas?
وَٱلۡجِبَالَ أَوۡتَادٗا
Open ayah 78:7Go so manga palaw a manga pask?
وَخَلَقۡنَٰكُمۡ أَزۡوَٰجٗا
Open ayah 78:8Go inadn Ami skano a nggaganapa,
وَجَعَلۡنَا نَوۡمَكُمۡ سُبَاتٗا
Open ayah 78:9Go biyaloy Ami so torog iyo a kadkha,
وَجَعَلۡنَا ٱلَّيۡلَ لِبَاسٗا
Open ayah 78:10Go biyaloy Ami so gagawii a nditarn,
وَجَعَلۡنَا ٱلنَّهَارَ مَعَاشٗا
Open ayah 78:11Go biyaloy Ami so dawndaw a ipphaningkawyagn;.
وَبَنَيۡنَا فَوۡقَكُمۡ سَبۡعٗا شِدَادٗا
Open ayah 78:12Go pimbalayan Ami so kaporoan iyo sa pito a manga babagr (a manga langit),
وَجَعَلۡنَا سِرَاجٗا وَهَّاجٗا
Open ayah 78:13Go miyadn Kami sa palitaan a masindaw (a alongan),
وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا
Open ayah 78:14Go piyakatoron Ami a phoon ko manga gabon so ig a madakl,
لِّنُخۡرِجَ بِهِۦ حَبّٗا وَنَبَاتٗا
Open ayah 78:15Ka an Ami mapakagmaw sa sabap rkaniyan so prpran ago mangngto,
وَجَنَّٰتٍ أَلۡفَافًا
Open ayah 78:16A go manga pamomolan a milapilapis.
إِنَّ يَوۡمَ ٱلۡفَصۡلِ كَانَ مِيقَٰتٗا
Open ayah 78:17Mataan! a so alongan a kokoman na miyabaloy a wakto a kapthatalabokan,
يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا
Open ayah 78:18Sii ko alongan a kaiyopa ko sanggakala, na makatalingoma kano a pizagorompong,
وَفُتِحَتِ ٱلسَّمَآءُ فَكَانَتۡ أَبۡوَٰبٗا
Open ayah 78:19Go kalkaan so langit na mabaloy a manga paytaw,
وَسُيِّرَتِ ٱلۡجِبَالُ فَكَانَتۡ سَرَابًا
Open ayah 78:20Go mikayontong so manga palaw na mabaloy a lopapk.
إِنَّ جَهَنَّمَ كَانَتۡ مِرۡصَادٗا
Open ayah 78:21Mataan! a so naraka Jahannam na aya btad iyan na mibbkn a ayan,
لِّلطَّٰغِينَ مَـَٔابٗا
Open ayah 78:22A khandodan o miyamangakowala,
لَّٰبِثِينَ فِيهَآ أَحۡقَابٗا
Open ayah 78:23Matatap siran on sa tanitiyasa;
لَّا يَذُوقُونَ فِيهَا بَرۡدٗا وَلَا شَرَابًا
Open ayah 78:24Daa khataam iran on a pakadnggaw, go da a khaynom on,
إِلَّا حَمِيمٗا وَغَسَّاقٗا
Open ayah 78:25A rowar ko phlikabo a ig go dana,
جَزَآءٗ وِفَاقًا
Open ayah 78:26Balas a pindait (ko galbk iran a marata).
إِنَّهُمۡ كَانُواْ لَا يَرۡجُونَ حِسَابٗا
Open ayah 78:27Mataan! a siran na aya btad iran na di iran ikhalk so itongan,
وَكَذَّبُواْ بِـَٔايَٰتِنَا كِذَّابٗا
Open ayah 78:28Go piyakambokhag iran so manga ayat Ami sa tanto a kapakambokhag.
وَكُلَّ شَيۡءٍ أَحۡصَيۡنَٰهُ كِتَٰبٗا
Open ayah 78:29Na langowan taman na inisorat Ami skaniyan ko daptar;
فَذُوقُواْ فَلَن نَّزِيدَكُمۡ إِلَّا عَذَابًا
Open ayah 78:30"Na taami niyo, ka da dn a ipagoman Ami rkano a rowar ko siksa."
إِنَّ لِلۡمُتَّقِينَ مَفَازًا
Open ayah 78:31Mataan! a adn a bagian o miyamananggila a darpa a kapakadaya,
حَدَآئِقَ وَأَعۡنَٰبٗا
Open ayah 78:32A manga pamomolan, ago manga anggor,
وَكَوَاعِبَ أَتۡرَابٗا
Open ayah 78:33Go manga raga a mrzarza,
وَكَأۡسٗا دِهَاقٗا
Open ayah 78:34Go tagoay sa inomn a tthbira.
لَّا يَسۡمَعُونَ فِيهَا لَغۡوٗا وَلَا كِذَّٰبٗا
Open ayah 78:35Daa khan´g iran on a ilang go da a kabokhag;
جَزَآءٗ مِّن رَّبِّكَ عَطَآءً حِسَابٗا
Open ayah 78:36Balas a phoon ko Kadnan ka, a pammgayan a tarotop, -
رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابٗا
Open ayah 78:37Kadnan o manga langit, ago so lopa, ago so nganin a pagltan a dowa nan, a Masalinggagaw; da a phakagaga kiran on mbitiyarai.
يَوۡمَ يَقُومُ ٱلرُّوحُ وَٱلۡمَلَٰٓئِكَةُ صَفّٗاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابٗا
Open ayah 78:38Sii ko alongan a tomindg so Roh ago so manga malaikat a zasaasaap, da a makaptharo kiran, a rowar sa idinan (o Allah a) Masalinggagaw, ago ptharo sa ontol.
ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا
Open ayah 78:39Giyoto man so alongan a bnar; na sadn sa khabaya na mbaal sa darpa a khandodan sii ko Kadnan iyan.
إِنَّآ أَنذَرۡنَٰكُمۡ عَذَابٗا قَرِيبٗا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا
Open ayah 78:40Mataan! a Skami na piyakiiktiyaran Ami rkano so siksa a marani, sii ko alongan a kasandngan o taw so miyanggalbk o mbala a lima niyan, na matharo o miyongkir: "Hay oba ako bo mimbaloy a botha."