الفجر
Al-Fajr
Translation: Kinyarwanda - Rwanda Muslims Association · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
وَٱلۡفَجۡرِ
Open ayah 89:1Ndahiye umuseke,
وَلَيَالٍ عَشۡرٖ
Open ayah 89:2N’amajoro cumi (ya mbere y’ukwezi gutagatifu kwa Dhul-Hijja),
وَٱلشَّفۡعِ وَٱلۡوَتۡرِ
Open ayah 89:3N’ikitari igiharwe ndetse n’igiharwe (mu biremwa byose bya Allah),
وَٱلَّيۡلِ إِذَا يَسۡرِ
Open ayah 89:4N’ijoro iyo rihita,
هَلۡ فِي ذَٰلِكَ قَسَمٞ لِّذِي حِجۡرٍ
Open ayah 89:5Ese muri izo (ndahiro) ntiharimo ibimenyetso bifatika ku muntu ufite ubwenge (bituma areka ibyaha n’ubuhakanyi)?
أَلَمۡ تَرَ كَيۡفَ فَعَلَ رَبُّكَ بِعَادٍ
Open ayah 89:6Ese (yewe Muhamadi) ntiwamenye uko Nyagasani wawe yagenje aba Adi?
إِرَمَ ذَاتِ ٱلۡعِمَادِ
Open ayah 89:7(Abantu b’) Irama (bari barebare cyane), bafite n’inyubako ndende (zifite inkingi ndende),
ٱلَّتِي لَمۡ يُخۡلَقۡ مِثۡلُهَا فِي ٱلۡبِلَٰدِ
Open ayah 89:8Bo (abo ba Irama) ntihigeze haremwa abandi bameze nka bo mu yindi mijyi.
وَثَمُودَ ٱلَّذِينَ جَابُواْ ٱلصَّخۡرَ بِٱلۡوَادِ
Open ayah 89:9N’aba Thamudu bacongaga urutare mu bibaya (bakarukoramo inyubako)?
وَفِرۡعَوۡنَ ذِي ٱلۡأَوۡتَادِ
Open ayah 89:10Na Farawo wari ufite imambo (yazirikagaho abantu abakorera iyicarubozo)?
ٱلَّذِينَ طَغَوۡاْ فِي ٱلۡبِلَٰدِ
Open ayah 89:11Ba bandi bakoze ubugizi bwa nabi mu mijyi,
فَأَكۡثَرُواْ فِيهَا ٱلۡفَسَادَ
Open ayah 89:12Maze bayikwizamo ubwangizi bukabije,
فَصَبَّ عَلَيۡهِمۡ رَبُّكَ سَوۡطَ عَذَابٍ
Open ayah 89:13Nuko Nyagasani wawe abasukaho ibihano bibabaza,
إِنَّ رَبَّكَ لَبِٱلۡمِرۡصَادِ
Open ayah 89:14Mu by’ukuri Nyagasani wawe yiteguye guhana (inkozi z’ibibi).
فَأَمَّا ٱلۡإِنسَٰنُ إِذَا مَا ٱبۡتَلَىٰهُ رَبُّهُۥ فَأَكۡرَمَهُۥ وَنَعَّمَهُۥ فَيَقُولُ رَبِّيٓ أَكۡرَمَنِ
Open ayah 89:15Iyo Nyagasani agerageje umuntu, akamwubahisha akanamuhundagazaho ingabire, aravuga ati “Nyagasani wanjye yanyubahishije.”
وَأَمَّآ إِذَا مَا ٱبۡتَلَىٰهُ فَقَدَرَ عَلَيۡهِ رِزۡقَهُۥ فَيَقُولُ رَبِّيٓ أَهَٰنَنِ
Open ayah 89:16Nyamara yamugerageza akamugabanyiriza amafunguro, akavuga ati “Nyagasani wanjye yaransuzuguje!”
كَلَّاۖ بَل لَّا تُكۡرِمُونَ ٱلۡيَتِيمَ
Open ayah 89:17Oya! Ahubwo ntimugirira neza imfubyi,
وَلَا تَحَٰٓضُّونَ عَلَىٰ طَعَامِ ٱلۡمِسۡكِينِ
Open ayah 89:18Ndetse nta n’ubwo mubwirizanya kugaburira abakene!
وَتَأۡكُلُونَ ٱلتُّرَاثَ أَكۡلٗا لَّمّٗا
Open ayah 89:19Kandi murya imirage (y’abandi) mukayimara,
وَتُحِبُّونَ ٱلۡمَالَ حُبّٗا جَمّٗا
Open ayah 89:20Ndetse mugakunda imitungo bikabije.
كَلَّآۖ إِذَا دُكَّتِ ٱلۡأَرۡضُ دَكّٗا دَكّٗا
Open ayah 89:21Oya! Umunsi isi izasandazwa (igacikamo ibice),
وَجَآءَ رَبُّكَ وَٱلۡمَلَكُ صَفّٗا صَفّٗا
Open ayah 89:22Nuko Nyagasani wawe akaza (guca imanza) ndetse n’abamalayika bari ku mirongo ikurikiranye,
وَجِاْيٓءَ يَوۡمَئِذِۭ بِجَهَنَّمَۚ يَوۡمَئِذٖ يَتَذَكَّرُ ٱلۡإِنسَٰنُ وَأَنَّىٰ لَهُ ٱلذِّكۡرَىٰ
Open ayah 89:23Kandi uwo munsi umuriro wa Jahanamu uzazanwa. Kuri uwo munsi, umuntu azibuka, ariko se uko kwibuka kuzamumarira iki?
يَقُولُ يَٰلَيۡتَنِي قَدَّمۡتُ لِحَيَاتِي
Open ayah 89:24Azicuza avuga ati “Iyaba nari narateganyirije ubuzima bwanjye (nkora ibikorwa byiza)!
فَيَوۡمَئِذٖ لَّا يُعَذِّبُ عَذَابَهُۥٓ أَحَدٞ
Open ayah 89:25Kuri uwo munsi ibihano (Allah) azahanisha nta wundi ushobora kubihanisha.
وَلَا يُوثِقُ وَثَاقَهُۥٓ أَحَدٞ
Open ayah 89:26Kandi azanaboha (abahakanyi) ukuboha kutashoborwa n’undi uwo ari we wese.
يَٰٓأَيَّتُهَا ٱلنَّفۡسُ ٱلۡمُطۡمَئِنَّةُ
Open ayah 89:27(Umwemeramana azabwirwa ati) “Yewe roho ituje!”
ٱرۡجِعِيٓ إِلَىٰ رَبِّكِ رَاضِيَةٗ مَّرۡضِيَّةٗ
Open ayah 89:28“Garuka kwa Nyagasani wawe umwishimiye na We akwishimiye!”
فَٱدۡخُلِي فِي عِبَٰدِي
Open ayah 89:29“Maze winjire mu bagaragu banjye (b’intungane)”,
وَٱدۡخُلِي جَنَّتِي
Open ayah 89:30“Uninjire mu Ijuru ryanjye!”