البروج
Al-Burooj
Translation: Kinyarwanda - Rwanda Muslims Association · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
وَٱلسَّمَآءِ ذَاتِ ٱلۡبُرُوجِ
Open ayah 85:1Ndahiye ikirere gifite inyenyeri nini nyinshi (zimurika nijoro),
وَٱلۡيَوۡمِ ٱلۡمَوۡعُودِ
Open ayah 85:2N’umunsi w’isezerano (umunsi w’imperuka),
وَشَاهِدٖ وَمَشۡهُودٖ
Open ayah 85:3N’umunsi w’ubuhamya (umunsi wa Idjuma) ndetse n’umunsi w’ikoraniro (umunsi wa Arafat).
قُتِلَ أَصۡحَٰبُ ٱلۡأُخۡدُودِ
Open ayah 85:4Abantu bacukuriye abemeramana imyobo (yo kubatwikiramo) baravumwe[1],
- Muri uyu murongo wa Qur’an haravugwamo amateka y’umwami witwa Dhu Nuwasi w’ahitwa Najirani, wategekaga abantu guhakana Imana, maze abanze akabacukurira imyobo ayicanamo umuriro akajya abajugunyamo ari bazima.
ٱلنَّارِ ذَاتِ ٱلۡوَقُودِ
Open ayah 85:5Ubwo bacanaga umuriro ugurumana cyane,
إِذۡ هُمۡ عَلَيۡهَا قُعُودٞ
Open ayah 85:6Ubwo babaga bawicaye impande,
وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ
Open ayah 85:7Kandi babaga bashungereye ibyo bakoreraga abemeramana (babatwika).
وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ
Open ayah 85:8Kandi nta kindi babahoraga usibye kuba baremeye Allah, Umunyacyubahiro uhebuje, Ushimwa cyane,
ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٖ شَهِيدٌ
Open ayah 85:9Ufite ubwami bw’ibirere n’isi! Kandi Allah ni Umuhamya wa buri kintu.
إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ
Open ayah 85:10Mu by’ukuri abatoteje abemeramana n’abemeramanakazi (babakorera iyicarubozo), nyuma ntibicuze (kuri Allah), bazahanishwa ibihano by’umuriro wa Jahanamu, banahanishwe ibihano bitwika.
إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتٞ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ
Open ayah 85:11Mu by’ukuri abemeye bakanakora ibikorwa byiza, bazagororerwa ubusitani butembamo imigezi (Ijuru). Iyo ni yo ntsinzi ihebuje.
إِنَّ بَطۡشَ رَبِّكَ لَشَدِيدٌ
Open ayah 85:12Mu by’ukuri ibihano bya Nyagasani wawe (yewe Muhamadi) birakaze.
إِنَّهُۥ هُوَ يُبۡدِئُ وَيُعِيدُ
Open ayah 85:13Mu by’ukuri ni We waremye (ibiremwa bitari biriho) kandi ni na We uzabigarura (ku munsi w’imperuka).
وَهُوَ ٱلۡغَفُورُ ٱلۡوَدُودُ
Open ayah 85:14Kandi ni We Ubabarira ibyaha, Umukunzi (w’abemeramana),
ذُو ٱلۡعَرۡشِ ٱلۡمَجِيدُ
Open ayah 85:15Nyiri Ar’shi[1], Nyirikuzo,
- Reba uko twasobanuye iri jambo muri Surat ul A’araf, Aya ya 54.
فَعَّالٞ لِّمَا يُرِيدُ
Open ayah 85:16Ukora ibyo ashaka akanabinoza.
هَلۡ أَتَىٰكَ حَدِيثُ ٱلۡجُنُودِ
Open ayah 85:17Ese wamenye inkuru z’ingabo?
فِرۡعَوۡنَ وَثَمُودَ
Open ayah 85:18Za Farawo n’iz’aba Thamudu?
بَلِ ٱلَّذِينَ كَفَرُواْ فِي تَكۡذِيبٖ
Open ayah 85:19Ahubwo abahakanye (bakomeje) guhinyura (ukuri).
وَٱللَّهُ مِن وَرَآئِهِم مُّحِيطُۢ
Open ayah 85:20Kandi Allah azi neza ibikorwa byabo byose (kandi azabibahanira).
بَلۡ هُوَ قُرۡءَانٞ مَّجِيدٞ
Open ayah 85:21Ahubwo iyi ni Qur’an yubahitse,
فِي لَوۡحٖ مَّحۡفُوظِۭ
Open ayah 85:22(Yanditse) ku rubaho rurinzwe (Lawuhul Mahfudh).