الإنفطار
Al-Infitaar
Translation: Chewa - Khaled Ibrahim Betala · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
إِذَا ٱلسَّمَآءُ ٱنفَطَرَتۡ
Open ayah 82:1Pamene thambo lidzasweke,[1]
- Kuyambira pa Ayah 1 mpaka 4, Allah akutisonyeza zododometsa zina za tsiku lachimaliziro.
وَإِذَا ٱلۡكَوَاكِبُ ٱنتَثَرَتۡ
Open ayah 82:2Ndi pamene nyenyezi zidzayoyoke (ndi kumwazikana),
وَإِذَا ٱلۡبِحَارُ فُجِّرَتۡ
Open ayah 82:3Pamenenso nyanja zikuluzikulu zidzaphwasulidwe.
وَإِذَا ٱلۡقُبُورُ بُعۡثِرَتۡ
Open ayah 82:4Ndiponso pamene manda adzafukulidwe (ndikutuluka akufa omwe adali mmenemo),
عَلِمَتۡ نَفۡسٞ مَّا قَدَّمَتۡ وَأَخَّرَتۡ
Open ayah 82:5(Panthawiyo) mzimu uliwonse udzadziwa zimene udatsogoza (zabwino ndi zoipa) ndi zimene udasiya m’mbuyo.[1]
- Munthu aliyense pa tsiku limenelo adzadziwa zimene adachita, zabwino ndi zoipa.
يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ
Open ayah 82:6E iwe munthu! Nchiani chakunyenga kumsiya Mbuye wako wa ufulu (kufikira pomnyoza)?
ٱلَّذِي خَلَقَكَ فَسَوَّىٰكَ فَعَدَلَكَ
Open ayah 82:7Amene adalenga iwe nakulinganiza (ziwalo zako) ndi kukulongosola (moyenera);
فِيٓ أَيِّ صُورَةٖ مَّا شَآءَ رَكَّبَكَ
Open ayah 82:8Ndipo maonekedwe amtundu uliwonse omwe adawafuna adakuveka (popanda chifuniro chako).
كَلَّا بَلۡ تُكَذِّبُونَ بِٱلدِّينِ
Open ayah 82:9Ayi, sichoncho! Koma inu mukutsutsa za (tsiku) lamalipiro.
وَإِنَّ عَلَيۡكُمۡ لَحَٰفِظِينَ
Open ayah 82:10Ndithu pa inu alipo okuyang’ anirani,[1]
- Munthu aliyense ali nawo angelo awiri, Rakibu ndi Atidu. Ntchito zawo ndi kulemba ntchito za munthu, zabwino ndi zoipa zomwe.
كِرَامٗا كَٰتِبِينَ
Open ayah 82:11Olemekezeka, olemba (zochita zanu.)
يَعۡلَمُونَ مَا تَفۡعَلُونَ
Open ayah 82:12Akudziwa (zonse) zimene mukuchita (zabwino ndi zoipa).
إِنَّ ٱلۡأَبۡرَارَ لَفِي نَعِيمٖ
Open ayah 82:13Ndithudi ochita zabwino adzakhala mu mtendere.
وَإِنَّ ٱلۡفُجَّارَ لَفِي جَحِيمٖ
Open ayah 82:14Ndipo ndithu amene ali olakwira malamulo a Allah adzakhala ku Moto wopsereza.
يَصۡلَوۡنَهَا يَوۡمَ ٱلدِّينِ
Open ayah 82:15Adzaulowa tsiku la malipiro.
وَمَا هُمۡ عَنۡهَا بِغَآئِبِينَ
Open ayah 82:16Ndipo iwo kumeneko sadzachokako.
وَمَآ أَدۡرَىٰكَ مَا يَوۡمُ ٱلدِّينِ
Open ayah 82:17Kodi nchiyani chingakudziwitse za tsiku la malipiro?
ثُمَّ مَآ أَدۡرَىٰكَ مَا يَوۡمُ ٱلدِّينِ
Open ayah 82:18Ndipo nchiyani chingakudziwitse za tsiku lamalipiro?
يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ
Open ayah 82:19Limeneli ndi tsiku limene mzimu uliwonse sudzakhala ndi mphamvu (yodzetsa mtendere kapena yochotsa chovuta) pa mzimu wina. Ndipo lamulo pa tsiku limeneli ndi la Allah yekha.[1]
- Tanthauzo lake ndikuti tsiku limenelo sipadzakhala munthu wotha kumthandiza mnzake pa chilichonse ndiponso palibe adzakhale ndi mphamvu zolamula kupatula Allah yekha.