الغاشية
Al-Ghaashiya
Translation: Yoruba - Abu Rahima Mikhail Aikweiny · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
هَلۡ أَتَىٰكَ حَدِيثُ ٱلۡغَٰشِيَةِ
Open ayah 88:1Ṣebí ọ̀rọ̀ nípa ohun tó máa bo ẹ̀dá mọ́lẹ̀ ti dé ọ̀dọ̀ rẹ?
وُجُوهٞ يَوۡمَئِذٍ خَٰشِعَةٌ
Open ayah 88:2Àwọn ojú kan yóò wálẹ̀ (ní ti ìyẹpẹrẹ) ní ọjọ́ yẹn.
عَامِلَةٞ نَّاصِبَةٞ
Open ayah 88:3Wọ́n ṣe iṣẹ́ àṣekúdórógbó (ni nílé ayé).
تَصۡلَىٰ نَارًا حَامِيَةٗ
Open ayah 88:4Wọ́n sì máa wọ inú Iná tó gbóná janjan (ní ọ̀run).
تُسۡقَىٰ مِنۡ عَيۡنٍ ءَانِيَةٖ
Open ayah 88:5Wọ́n sì máa fún (wọn) ní omi ìṣẹ́lẹ̀rú gbígbóná mu.
لَّيۡسَ لَهُمۡ طَعَامٌ إِلَّا مِن ضَرِيعٖ
Open ayah 88:6Kò sí oúnjẹ kan fún wọn àyàfi igi ẹlẹ́gùn-ún gbígbẹ.
لَّا يُسۡمِنُ وَلَا يُغۡنِي مِن جُوعٖ
Open ayah 88:7Kò níí mú wọn sanra. Kò sì níí rọ̀ wọ́n lọ́rọ̀ nínú ebi.
وُجُوهٞ يَوۡمَئِذٖ نَّاعِمَةٞ
Open ayah 88:8Àwọn ojú kan yó sì kún fún ìgbádùn ní ọjọ́ yẹn
لِّسَعۡيِهَا رَاضِيَةٞ
Open ayah 88:9nítorí pé (ó) yọ́nú sí (ẹ̀san) iṣẹ́ rẹ̀.
فِي جَنَّةٍ عَالِيَةٖ
Open ayah 88:10(Ó máa) wà nínú Ọgbà Ìdẹ̀ra gíga.
لَّا تَسۡمَعُ فِيهَا لَٰغِيَةٗ
Open ayah 88:11Wọn kò níí gbọ́ ìsọkúsọ nínú rẹ̀.
فِيهَا عَيۡنٞ جَارِيَةٞ
Open ayah 88:12Omi ìṣẹ́lẹ̀rú tó ń ṣàn wà nínú rẹ̀.
فِيهَا سُرُرٞ مَّرۡفُوعَةٞ
Open ayah 88:13Àwọn ibùsùn tí wọ́n gbé sókè wà nínú rẹ̀,
وَأَكۡوَابٞ مَّوۡضُوعَةٞ
Open ayah 88:14àti àwọn ife ìmumi tí wọ́n gbé kalẹ̀ (sí àrọ́wọ́tó wọn),
وَنَمَارِقُ مَصۡفُوفَةٞ
Open ayah 88:15àti àwọn ìrọ̀rí tí wọ́n tò sí ẹ̀gbẹ́ ara wọn,
وَزَرَابِيُّ مَبۡثُوثَةٌ
Open ayah 88:16àti àwọn ìtẹ́ àtẹ́ẹ̀ká.
أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ
Open ayah 88:17Nítorí náà, ṣé wọn kò wòye sí ràkúnmí, bí A ti ṣẹ̀dá rẹ̀ ni;
وَإِلَى ٱلسَّمَآءِ كَيۡفَ رُفِعَتۡ
Open ayah 88:18àti sánmọ̀, bí A ti ṣe gbé e sókè;
وَإِلَى ٱلۡجِبَالِ كَيۡفَ نُصِبَتۡ
Open ayah 88:19àti àpáta, bí A ti ṣe gbé e nàró (sínú ilẹ̀);
وَإِلَى ٱلۡأَرۡضِ كَيۡفَ سُطِحَتۡ
Open ayah 88:20àti ilẹ̀, bí A ti ṣe tẹ́ ẹ sílẹ̀ pẹrẹsẹ?
فَذَكِّرۡ إِنَّمَآ أَنتَ مُذَكِّرٞ
Open ayah 88:21Nítorí náà, ṣèrántí. Ìwọ kúkú ni olùṣèràntí.
لَّسۡتَ عَلَيۡهِم بِمُصَيۡطِرٍ
Open ayah 88:22Ìwọ kì í ṣe ajẹni-nípá lórí wọn
إِلَّا مَن تَوَلَّىٰ وَكَفَرَ
Open ayah 88:23àfi ẹni tí ó bá pẹ̀yìndà (sí òdodo), tí ó sì ṣàì gbàgbọ́.
فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ
Open ayah 88:24Allāhu sì máa jẹ ẹ́ níyà tó tóbi jùlọ.
إِنَّ إِلَيۡنَآ إِيَابَهُمۡ
Open ayah 88:25Dájúdájú ọ̀dọ̀ Wa ni àbọ̀ wọn wà.
ثُمَّ إِنَّ عَلَيۡنَا حِسَابَهُم
Open ayah 88:26Lẹ́yìn náà, dájúdájú Àwa l’A máa ṣe ìṣírò-iṣẹ́ wọn.