التكوير
At-Takwir
Translation: Yoruba - Abu Rahima Mikhail Aikweiny · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
إِذَا ٱلشَّمۡسُ كُوِّرَتۡ
Open ayah 81:1Nígbà tí wọ́n bá ká òòrùn kóróbójó dànù,
وَإِذَا ٱلنُّجُومُ ٱنكَدَرَتۡ
Open ayah 81:2àti nígbà tí àwọn ìràwọ̀ bá já bọ́ káàkiri,
وَإِذَا ٱلۡجِبَالُ سُيِّرَتۡ
Open ayah 81:3àti nígbà tí wọ́n bá mú àwọn àpáta rìn (kúrò ní àyè wọn, tí wọ́n kù wọ́n dànù),
وَإِذَا ٱلۡعِشَارُ عُطِّلَتۡ
Open ayah 81:4àti nígbà tí wọ́n bá pa àwọn ràkúnmí aboyún tì,
وَإِذَا ٱلۡوُحُوشُ حُشِرَتۡ
Open ayah 81:5àti nígbà tí wọ́n bá ko àwọn ẹranko jọ,
وَإِذَا ٱلۡبِحَارُ سُجِّرَتۡ
Open ayah 81:6àti nígbà tí wọ́n bá mú àwọn agbami odò gbiná,
وَإِذَا ٱلنُّفُوسُ زُوِّجَتۡ
Open ayah 81:7àti nígbà tí wọ́n bá so àwọn ẹ̀mí pọ̀ mọ́ra wọn, (ẹni rere pẹ̀lú ẹni rere, ẹni ibi pẹ̀lú ẹni ibi)
وَإِذَا ٱلۡمَوۡءُۥدَةُ سُئِلَتۡ
Open ayah 81:8àti nígbà tí ọmọbìnrin tí wọ́n bò mọ́lẹ̀ láàyè bá bèèrè pé
بِأَيِّ ذَنۢبٖ قُتِلَتۡ
Open ayah 81:9ẹ̀ṣẹ̀ wo ni wọ́n pa òun fún,
وَإِذَا ٱلصُّحُفُ نُشِرَتۡ
Open ayah 81:10àti nígbà tí wọ́n bá ṣí àwọn tákàdá (iṣẹ́ ẹ̀dá) sílẹ̀,
وَإِذَا ٱلسَّمَآءُ كُشِطَتۡ
Open ayah 81:11àti nígbà tí wọ́n bá ká sánmọ̀ kúrò lókè,
وَإِذَا ٱلۡجَحِيمُ سُعِّرَتۡ
Open ayah 81:12àti nígbà tí wọ́n bá mú iná Jẹhīm jò fòfò,
وَإِذَا ٱلۡجَنَّةُ أُزۡلِفَتۡ
Open ayah 81:13àti nígbà tí wọ́n bá sún Ọgbà Ìdẹ̀ra mọ́ (àwọn onígbàgbọ́ òdodo),
عَلِمَتۡ نَفۡسٞ مَّآ أَحۡضَرَتۡ
Open ayah 81:14(nígbà náà ni) ẹ̀mí (kọ̀ọ̀kan) yóò mọ ohun tí ó mú wá (nínú iṣẹ́ ire àti iṣẹ́ ibi).
فَلَآ أُقۡسِمُ بِٱلۡخُنَّسِ
Open ayah 81:15Nítorí náà, Èmi (Allāhu) ń fi àwọn ìràwọ̀ tó ń yọ ní alẹ́, tó ń wọ̀ọ̀kùn ní ọ̀sán búra,
ٱلۡجَوَارِ ٱلۡكُنَّسِ
Open ayah 81:16(ìyẹn) àwọn ìràwọ̀ tó ń rìn lọ rìn bọ̀, tó ń wọ̀ọ̀kùn sí ibùwọ̀ wọn.
وَٱلَّيۡلِ إِذَا عَسۡعَسَ
Open ayah 81:17Mo tún fi alẹ́ nígbà tí ó bá lọ búra.[1]
- Ìtúmọ̀ mìíràn: Mo tún fi alẹ́ nígbà tí ó bá wọlé búra.
وَٱلصُّبۡحِ إِذَا تَنَفَّسَ
Open ayah 81:18Mo tún fi òwúrọ̀ nígbà tí ó bá mọ́lẹ̀ búra.
إِنَّهُۥ لَقَوۡلُ رَسُولٖ كَرِيمٖ
Open ayah 81:19Dájúdájú (al-Ƙur’ān) ni ọ̀rọ̀ (tí A fi rán Jibrīl) Òjíṣẹ́, alápọ̀n-ọ́nlé,[1]
- Wo ìtọsẹ̀-ọ̀rọ̀ sūrah al-Hāƙƙọh; 69:40.
ذِي قُوَّةٍ عِندَ ذِي ٱلۡعَرۡشِ مَكِينٖ
Open ayah 81:20alágbára, ẹni pàtàkì ní ọ̀dọ̀ Ẹni t’Ó ni Ìtẹ́-ọlá,
مُّطَاعٖ ثَمَّ أَمِينٖ
Open ayah 81:21ẹni tí wọ́n ń tẹ̀lé àṣẹ rẹ̀ níbẹ̀ yẹn (nínú sánmọ̀), olùfọkàntán.
وَمَا صَاحِبُكُم بِمَجۡنُونٖ
Open ayah 81:22Àti pé ẹni yín (Ànábì Muhammad - kí ìkẹ́ àti ọlà Allāhu máa bá a -) kì í ṣe wèrè.
وَلَقَدۡ رَءَاهُ بِٱلۡأُفُقِ ٱلۡمُبِينِ
Open ayah 81:23Ó kúkú rí i nínú òfurufú kedere.[1]
- Ìyẹn ni pé, Ànábì Muhammad - kí ìkẹ́ àti ọlà Allāhu máa bá a - fojú ara rẹ̀ rí Mọlāika Jibrīl - kí ọlà Allāhu máa bá a - nínú òfurufú kedere. Ẹ wo ìtọsẹ̀-ọ̀rọ̀ sūrah an-Najm; 53:13.
وَمَا هُوَ عَلَى ٱلۡغَيۡبِ بِضَنِينٖ
Open ayah 81:24Àti pé kì í ṣe ahun (tàbí ẹni-afurasí) lórí ìró ìkọ̀kọ̀ (tí A fi ránṣẹ́ sí i).
وَمَا هُوَ بِقَوۡلِ شَيۡطَٰنٖ رَّجِيمٖ
Open ayah 81:25Al-Ƙur’ān kì í sì ṣe ọ̀rọ̀ (tí A fi rán) Èṣù, ẹni ẹ̀kọ̀.
فَأَيۡنَ تَذۡهَبُونَ
Open ayah 81:26Nítorí náà, ibo l’ẹ̀ ń lọ?
إِنۡ هُوَ إِلَّا ذِكۡرٞ لِّلۡعَٰلَمِينَ
Open ayah 81:27Kí sì ni al-Ƙur’ān bí kò ṣe ìrántí fún gbogbo ẹ̀dá.
لِمَن شَآءَ مِنكُمۡ أَن يَسۡتَقِيمَ
Open ayah 81:28(Ó wà) fún ẹni tí ó bá fẹ́ nínú yín láti dúró déédé.
وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ
Open ayah 81:29Ẹ̀yin kò sì níí fẹ́ (láti dúró déédé) àyàfi tí Allāhu bá fẹ́, Olúwa gbogbo ẹ̀dá.