العاديات

Al-Aadiyaat

سورت ۱۰۰ · آیات: ۱۱ · مکی

ترجمہ: Mufti Taqi Usmani · سورت کھولیں

بِسۡمِ ٱللَّهِ ٱلرَّحۡمَٰنِ ٱلرَّحِيمِ

  1. وَٱلۡعَٰدِيَٰتِ ضَبۡحٗا

    آیت ⁦۱۰۰:۱⁩ کھولیں

    قسم ہے ان گھوڑوں کی جو ہانپ ہانپ کر دوڑتے ہیں۔

  2. فَٱلۡمُورِيَٰتِ قَدۡحٗا

    آیت ⁦۱۰۰:۲⁩ کھولیں

    پھر جو (اپنی ٹاپوں سے) چنگاریاں اڑاتے ہیں۔

  3. فَٱلۡمُغِيرَٰتِ صُبۡحٗا

    آیت ⁦۱۰۰:۳⁩ کھولیں

    پھر صبح کے وقت یلغار کرتے ہیں۔

  4. فَأَثَرۡنَ بِهِۦ نَقۡعٗا

    آیت ⁦۱۰۰:۴⁩ کھولیں

    پھر اس موقع پر غبار اڑاتے ہیں۔

  5. فَوَسَطۡنَ بِهِۦ جَمۡعًا

    آیت ⁦۱۰۰:۵⁩ کھولیں

    پھر اسی وقت کسی جمگھٹے کے بیچوں بیچ جاگھستے ہیں۔ [1]

    1. : اس سے مراد وہ جنگی گھوڑے ہیں جن پر سوار ہو کر اس زمانہ میں لڑائیاں لڑی جاتی تھیں، اس کی قسم کھانے میں یہ اشارہ ہے کہ یہ گھوڑے اپنے مالکوں کے اتنے وفادار ہوتے تھے کہ اپنی جان کو خطرے میں ڈال کر اپنے مالکوں کے حکم کی تعمیل بھی کرتے تھے، اور ان کی جان کی حفاظت بھی، اللہ تعالیٰ نے اتنے مضبوط جانور کو انسان کا ایسا تابع اور وفادار بنادیا ہے، گنہگار انسان کو یاد دلایا جارہا ہے کہ اپنے مالک اور خالق کے اس احسان کا شکر ادا کرنے کے بجائے اس کی نافرمانی کرتا ہے اور اپنے پروردگار کا اتنا بھی وفادار نہیں جتنے اس کے گھوڑے اس کے وفادار ہوتے ہیں، چنانچہ اگلی آیت میں فرمایا گیا ہے کہ انسان یعنی گنہگار انسان بڑا ناشکرا ہے۔
  6. إِنَّ ٱلۡإِنسَٰنَ لِرَبِّهِۦ لَكَنُودٞ

    آیت ⁦۱۰۰:۶⁩ کھولیں

    کہ انسان اپنے پروردگار کا بڑا ناشکرا ہے۔

  7. وَإِنَّهُۥ عَلَىٰ ذَٰلِكَ لَشَهِيدٞ

    آیت ⁦۱۰۰:۷⁩ کھولیں

    اور وہ خود اس بات کا گواہ ہے۔ [1]

    1. : یعنی اس کا طرز عمل گواہی دیتا ہے کہ وہ ناشکرا ہے۔
  8. وَإِنَّهُۥ لِحُبِّ ٱلۡخَيۡرِ لَشَدِيدٌ

    آیت ⁦۱۰۰:۸⁩ کھولیں

    اور حقیقت یہ ہے کہ وہ مال کی محبت میں بہت پکا ہے۔ [1]

    1. : اس سے مراد مال کی وہ محبت ہے جو انسان کو اپنے دینی فرائض سے غافل کردے، یا گناہوں میں مبتلا کردے۔
  9. ۞أَفَلَا يَعۡلَمُ إِذَا بُعۡثِرَ مَا فِي ٱلۡقُبُورِ

    آیت ⁦۱۰۰:۹⁩ کھولیں

    بھلا کیا وہ وقت اسے معلوم نہیں ہے جب قبروں میں جو کچھ ہے اسے باہر بکھیر دیا جائے گا۔

  10. وَحُصِّلَ مَا فِي ٱلصُّدُورِ 

    آیت ⁦۱۰۰:۱۰⁩ کھولیں

    اور سینوں میں جو کچھ ہے اسے ظاہر کردیا جائے گا۔ [1]

    1. : یعنی مردوں کو قبروں سے نکال دیا جائے گا، اور لوگوں کے سینوں میں چھپے راز کھل جائیں گے۔
  11. إِنَّ رَبَّهُم بِهِمۡ يَوۡمَئِذٖ لَّخَبِيرُۢ

    آیت ⁦۱۰۰:۱۱⁩ کھولیں

    یقینا ان کا پروردگار اس دن ان (کی جو حالت ہوگی اس) سے پوری طرح باخبر ہے۔