الشمس
Ash-Shams
Translation: Tagalog - The Quran Translation (Salas & Taron) · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
وَٱلشَّمۡسِ وَضُحَىٰهَا
Open ayah 91:1[Isinusumpa Ko] sa araw at sa kanyang liwanag,
وَٱلۡقَمَرِ إِذَا تَلَىٰهَا
Open ayah 91:2At sa buwan kapag sinusundan nito [ang araw],
وَٱلنَّهَارِ إِذَا جَلَّىٰهَا
Open ayah 91:3At sa maghapon kapag ipinakikita ang liwanag [ng sinag ng araw],
وَٱلَّيۡلِ إِذَا يَغۡشَىٰهَا
Open ayah 91:4At sa [dilim ng] gabi kapag tinatakpan nito [ang araw],
وَٱلسَّمَآءِ وَمَا بَنَىٰهَا
Open ayah 91:5At sa kalangitan at sa Kanya na nagtayo nito,
وَٱلۡأَرۡضِ وَمَا طَحَىٰهَا
Open ayah 91:6At sa kalupaan at sa Kanya na naglatag nito,
وَنَفۡسٖ وَمَا سَوَّىٰهَا
Open ayah 91:7At sa tao [o kaluluwa] at sa Kanya na humubog nito,
فَأَلۡهَمَهَا فُجُورَهَا وَتَقۡوَىٰهَا
Open ayah 91:8Kaya, Kanyang ipinakita [nang may pang-unawa] sa kanya [sa tao] ang kasamaan nito at kabutihan nito.
قَدۡ أَفۡلَحَ مَن زَكَّىٰهَا
Open ayah 91:9Katiyakan, sinumang ginagawang dalisay ito [ang sariling kaluluwa] ay [siyang tunay na] nagtagumpay,
وَقَدۡ خَابَ مَن دَسَّىٰهَا
Open ayah 91:10At sinumang pinanatili ito [ang sariling kaluluwa sa kasamaan] ay [tunay na] nabigo.
كَذَّبَتۡ ثَمُودُ بِطَغۡوَىٰهَآ
Open ayah 91:11Itinakwil ng [mga Tribu ng] Thamud [ang kanilang Propeta] sa pamamagitan ng kanilang pagsuway.
إِذِ ٱنۢبَعَثَ أَشۡقَىٰهَا
Open ayah 91:12Nang ang pinakamasama sa kanila ay humayo [upang paslangin ang kamelyo],
فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا
Open ayah 91:13At ang Sugo ng Allah ay nagsabi sa kanila: “[Huwag ninyong saktan] ang babaing kamelyo at [huwag ipagkait] ang kanyang inumin,”
فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا
Open ayah 91:14Subali’t siya ay kanilang itinakwil at ito ay nilumpo [at pagkaraa’y pinatay]; kaya sila ay binabaan ng salot ng kanilang Panginoon nang dahil sa kanilang mga kasalanan, at ito [ang salot] ay ginawang pantay [sa kanilang lahat],
وَلَا يَخَافُ عُقۡبَٰهَا
Open ayah 91:15At hindi Niya pinangambahan ang mga kahihinatnan nito.