الشمس

Ash-Shams

The Sun · Surah 91 · Ayahs: 15 · Meccan

Translation: Uzbek - Alauddin Mansour · Open the surah

بِسۡمِ ٱللَّهِ ٱلرَّحۡمَٰنِ ٱلرَّحِيمِ

  1. وَٱلشَّمۡسِ وَضُحَىٰهَا

    Open ayah 91:1

    Қуёш ва унинг ёғдусига қасам.

  2. وَٱلۡقَمَرِ إِذَا تَلَىٰهَا

    Open ayah 91:2

    У (қуёш)нинг ортидан келган ойга қасам.

  3. وَٱلنَّهَارِ إِذَا جَلَّىٰهَا

    Open ayah 91:3

    У (қуёшни оламга) ошкор қилган кундузга қасам.

  4. وَٱلَّيۡلِ إِذَا يَغۡشَىٰهَا

    Open ayah 91:4

    У (қуёшни ўз зулмати билан) ўраб-яширган кечага қасам.

  5. وَٱلسَّمَآءِ وَمَا بَنَىٰهَا

    Open ayah 91:5

    Осмонга ва уни бино қилган Зотга қасам.

  6. وَٱلۡأَرۡضِ وَمَا طَحَىٰهَا

    Open ayah 91:6

    Ерга ва уни ёйиб-текис қилиб қўйган Зотга қасам.

  7. وَنَفۡسٖ وَمَا سَوَّىٰهَا

    Open ayah 91:7

    Жонга ва уни расо қилиб-яратган,

  8. فَأَلۡهَمَهَا فُجُورَهَا وَتَقۡوَىٰهَا

    Open ayah 91:8

    Унга фисқ-фужурини ҳам, тақвосини ҳам илҳом қилиб-ўргатиб қўйган Зотга қасамки,

  9. قَدۡ أَفۡلَحَ مَن زَكَّىٰهَا

    Open ayah 91:9

    Дарҳақиқат, уни (яъни, ўз нафсини-жонини иймон ва тақво билан) поклаган киши нажот топди.

  10. وَقَدۡ خَابَ مَن دَسَّىٰهَا 

    Open ayah 91:10

    Ва у (жонни фисқ-фужур билан) кўмиб хорлаган кимса номурод бўлди.

    1. И з о ҳ. Саҳобалардан Абдуллоҳ ибн Аббос томонидан (Аллоҳ у кишилардан рози бўлсин) ривоят қилинишича, Пайғамбар алайҳис-салоту вас-салом қачон юқоридаги оятларни тиловат қилсалар, бир тўхтаб Аллоҳ таолога бундай дуо қилар эканлар: «Аллоҳим, Ўзинг нафсимга — жонимга тақво ато этгин, Ўзинг унинг Эгаси — Хожасисан ва Ўзинг уни энг яхши поклагувчисан». Энди қуйидаги оятларда Самуд қабиласининг кирдикорлари баён қилинади. Улар ўзларига юборилган Пайғамбар Солиҳ алайҳиссаломни ёлғончи қилишиб, у зотдан мўъжиза талаб қилганларида Солиҳ алайҳиссалом Аллоҳ таолонинг қудрати билан бир харсанг тошни тирик туяга айлантириб қўядилар ва Самуд қабиласининг одамларига у туяга бирон зиён-заҳмат етказмасдан, навбати келганда, суғориб туришни буюрадилар ва акс ҳолда ҳалокатга учрашлари ҳақида огоҳлантирадилар. Лекин у кофирлар пайғамбарнинг устидан кулишиб, туяни сўйиб ташлайдилар ва оқибатда барчалари ҳалок бўладилар. (Биз бу ҳодиса ҳақида аввалги сураларнинг изоҳларида ҳам айтиб ўтган эдик).
  11. كَذَّبَتۡ ثَمُودُ بِطَغۡوَىٰهَآ

    Open ayah 91:11

    Самуд (қабиласи) ҳаддан ошганлари сабабли (ўз пайғамбарларини) ёлғончи қилишди.

  12. إِذِ ٱنۢبَعَثَ أَشۡقَىٰهَا

    Open ayah 91:12

    Эсланг, уларнинг энг бадбахтлари (туяни сўйиш учун) қўзғалганларида,

  13. فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا

    Open ayah 91:13

    Аллоҳнинг пайғамбари (Солиҳ алайҳиссалом) уларга: «Аллоҳнинг туяси(ни сўйиб юбориш)дан ва уни суғориш(га тўсиқ бўлиш)дан сақланинглар!», деди.

  14. فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا

    Open ayah 91:14

    Бас, улар (Пайғамбарни) ёлғончи қилишиб, у (туя)ни сўйиб юборган эдилар, Парвардигорлари ўзларининг гуноҳлари сабабли устларига қирғин юбориб, уни (қирғинни барчаларига) баробар қилди.

  15. وَلَا يَخَافُ عُقۡبَٰهَا

    Open ayah 91:15

    (Зотан, Аллоҳ таоло бу ишининг) оқибатидан қўрқмас!

    1. И з о ҳ. Яъни Еру осмонлардаги барча мавжудот Аллоҳ таолонинг Ўз мулки бўлгани сабабли У зот Ўз мулкини ўзи хоҳлагандек тасарруф қилади ва бу тасарруфи хусусида ҳеч кимнинг олдида ҳисоб-китоб бермайди. Аксинча, бутун борлиқ У зотнинг ҳузурида ҳисоб-китоб беради.