العلق
Al-Alaq
Translation: Maranao - So Quran al karim · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
ٱقۡرَأۡ بِٱسۡمِ رَبِّكَ ٱلَّذِي خَلَقَ
Open ayah 96:1Pangadi ka: Sii ko ngaran o Kadnan ka a so Miyangadn;
خَلَقَ ٱلۡإِنسَٰنَ مِنۡ عَلَقٍ
Open ayah 96:2Inadn Iyan so manga manosiya, phoon ko manga rogo a mimbathik.
ٱقۡرَأۡ وَرَبُّكَ ٱلۡأَكۡرَمُ
Open ayah 96:3Pangadi ka: Ka so Kadnan ka na lbi a Maginawa, -
ٱلَّذِي عَلَّمَ بِٱلۡقَلَمِ
Open ayah 96:4So miyangndao ko (kisoratn ko) pansom,
عَلَّمَ ٱلۡإِنسَٰنَ مَا لَمۡ يَعۡلَمۡ
Open ayah 96:5Inindao Niyan ko manosiya so di Niyan katawan.
كَلَّآ إِنَّ ٱلۡإِنسَٰنَ لَيَطۡغَىٰٓ
Open ayah 96:6Sabnar a mataan! a so manosiya na phangakowala dn,
أَن رَّءَاهُ ٱسۡتَغۡنَىٰٓ
Open ayah 96:7Ko kiyailaya niyan sa miyakatharambisa.
إِنَّ إِلَىٰ رَبِّكَ ٱلرُّجۡعَىٰٓ
Open ayah 96:8Mataan! a sii bo ko Kadnan ka i khandodan.
أَرَءَيۡتَ ٱلَّذِي يَنۡهَىٰ
Open ayah 96:9Ay gda aka ko skaniyan a pzapar,
عَبۡدًا إِذَا صَلَّىٰٓ
Open ayah 96:10Ko oripn (o Allah) igira a mizambayang?
أَرَءَيۡتَ إِن كَانَ عَلَى ٱلۡهُدَىٰٓ
Open ayah 96:11Ay gda aka amay ka skaniyan na zisii ko toroan,
أَوۡ أَمَرَ بِٱلتَّقۡوَىٰٓ
Open ayah 96:12O di na inisogo iyan so kapananggila?
أَرَءَيۡتَ إِن كَذَّبَ وَتَوَلَّىٰٓ
Open ayah 96:13Ay gda aka amay ka (so pphanapar na) tomiyaplis go tomiyalikhod?
أَلَمۡ يَعۡلَم بِأَنَّ ٱللَّهَ يَرَىٰ
Open ayah 96:14Ba niyan di katawi a mataan! a so Allah na phagilayn Iyan?
كَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ
Open ayah 96:15Gnki niyan, ka mataan a odi niyan gnki, na gandrn Ami dn ko tandongan,
نَاصِيَةٖ كَٰذِبَةٍ خَاطِئَةٖ
Open ayah 96:16(Khirk ko) Tandongan, a bokhag, a baradosa;
فَلۡيَدۡعُ نَادِيَهُۥ
Open ayah 96:17Na tawaga niyan i salinggogoya iyan!
سَنَدۡعُ ٱلزَّبَانِيَةَ
Open ayah 96:18Ka tawagn Ami so khisisiyap ko naraka!
كَلَّا لَا تُطِعۡهُ وَٱسۡجُدۡۤ وَٱقۡتَرِب۩
Open ayah 96:19Sabnar! a ding ka pagonoti skaniyan, go sojiod ka, go pakarani ka (ko Kadnan ka).