العاديات
Al-Aadiyaat
Translation: Afar - Shaikh Muhammad Adbulkader Hamza · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
وَٱلۡعَٰدِيَٰتِ ضَبۡحٗا
Open ayah 100:1Yalli qaduwwí fanah sissikuk yarde faarisiy fuftoh fuf iyyal xiibite.
فَٱلۡمُورِيَٰتِ قَدۡحٗا
Open ayah 100:2Edde luk xukuuqunut ardi gibdah xinkilliq yayyaaqe faarisil xiibite.
فَٱلۡمُغِيرَٰتِ صُبۡحٗا
Open ayah 100:3Edde luk qaduwwi maaca warara faarisil xiibite usuk garcit (karcit) anuk.
فَأَثَرۡنَ بِهِۦ نَقۡعٗا
Open ayah 100:4Tokkel is abtah tan ardih gibdah sawar (fulle) fuluk hayta.
فَوَسَطۡنَ بِهِۦ جَمۡعًا
Open ayah 100:5Kaadu woo ardat isi macaxu qaduwwi macaxih addal macsissal xiibite.
إِنَّ ٱلۡإِنسَٰنَ لِرَبِّهِۦ لَكَنُودٞ
Open ayah 100:6Diggah, seehadayti isi Rabbih niqmat yangaddi kinni.
وَإِنَّهُۥ عَلَىٰ ذَٰلِكَ لَشَهِيدٞ
Open ayah 100:7Kaadu diggah usuk wohul isi nafsil sumaaqita num kinni.
وَإِنَّهُۥ لِحُبِّ ٱلۡخَيۡرِ لَشَدِيدٌ
Open ayah 100:8Kaadu diggah, usuk maaluh gibdi kacanu le num kinni.
۞أَفَلَا يَعۡلَمُ إِذَا بُعۡثِرَ مَا فِي ٱلۡقُبُورِ
Open ayah 100:9Tokkel mayaaxiga innaa! seehadayti kaa qambaltam magooqat enni ittam Yalli yayyaaqu waa waqdi cisab kee galtoh?
وَحُصِّلَ مَا فِي ٱلصُّدُورِ
Open ayah 100:10Kaadu umaanee kee maqaanek alilwat qellisimak sugtem geytimtu waytam mayaaxiga innaa?
إِنَّ رَبَّهُم بِهِمۡ يَوۡمَئِذٖ لَّخَبِيرُۢ
Open ayah 100:11Diggah ken Rabbi ken kee ken taamoomik woo ayro adda yaaxigi kinni.