الليل
Al-Lail
Translation: Yoruba - Abu Rahima Mikhail Aikweiny · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
وَٱلَّيۡلِ إِذَا يَغۡشَىٰ
Open ayah 92:1Allāhu fi alẹ́ nígbà tí (ilẹ̀) bá ṣú búra.
وَٱلنَّهَارِ إِذَا تَجَلَّىٰ
Open ayah 92:2Ó tún fi ọ̀sán nígbà tí (ọ̀sán) bá pọ́n búra.
وَمَا خَلَقَ ٱلذَّكَرَ وَٱلۡأُنثَىٰٓ
Open ayah 92:3Ó tún fi Ẹni tí Ó dá akọ àti abo búra.[1]
- Allāhu Ẹlẹ́dàá ni Ẹni tí Ó dá akọ àti abo. Ó sì ń fi ara Rẹ̀ búra.
إِنَّ سَعۡيَكُمۡ لَشَتَّىٰ
Open ayah 92:4Dájúdájú ọ̀tọ̀ọ̀tọ̀ ni iṣẹ́ yín.
فَأَمَّا مَنۡ أَعۡطَىٰ وَٱتَّقَىٰ
Open ayah 92:5Ní ti ẹni tí ó bá tọrẹ, tí ó sì bẹ̀rù (Allāhu),
وَصَدَّقَ بِٱلۡحُسۡنَىٰ
Open ayah 92:6(tí) ó tún pe ẹ̀san rere (Ọgbà Ìdẹ̀ra) ní òdodo,
فَسَنُيَسِّرُهُۥ لِلۡيُسۡرَىٰ
Open ayah 92:7A sì máa ṣe iṣẹ́ rere ní ìrọ̀rùn fún un.
وَأَمَّا مَنۢ بَخِلَ وَٱسۡتَغۡنَىٰ
Open ayah 92:8Ní ti ẹni tí ó bá yahun, tí ó sì rí ara rẹ̀ lẹ́ni tó rọrọ̀ tayọ ẹ̀san ọ̀run,
وَكَذَّبَ بِٱلۡحُسۡنَىٰ
Open ayah 92:9(tí) ó tún pe ẹ̀san rere (Ọgbà Ìdẹ̀ra) ní irọ́,
فَسَنُيَسِّرُهُۥ لِلۡعُسۡرَىٰ
Open ayah 92:10A sì máa ṣe iṣẹ́ aburú ní ìrọ̀rùn fún un.
وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ
Open ayah 92:11Dúkìá rẹ̀ kò sì níí rọ̀ ọ́ lọ́rọ̀ nígbà tí ó bá parun, tí ó já bọ́ (sínú Iná).
إِنَّ عَلَيۡنَا لَلۡهُدَىٰ
Open ayah 92:12Dájúdájú tiWa ni (láti ṣàlàyé) ìmọ̀nà.
وَإِنَّ لَنَا لَلۡأٓخِرَةَ وَٱلۡأُولَىٰ
Open ayah 92:13Àti pé dájúdájú tiWa ni ọ̀run àti ayé.
فَأَنذَرۡتُكُمۡ نَارٗا تَلَظَّىٰ
Open ayah 92:14Nítorí náà, Mo ti fi Iná tó ń jò fòfò kìlọ̀ fún yín.
لَا يَصۡلَىٰهَآ إِلَّا ٱلۡأَشۡقَى
Open ayah 92:15Kò sí ẹni tí ó máa wọ inú rẹ̀ àfi olórí burúkú,
ٱلَّذِي كَذَّبَ وَتَوَلَّىٰ
Open ayah 92:16ẹni tí ó pe òdodo ní irọ́, tí ó sì kẹ̀yìn sí i.
وَسَيُجَنَّبُهَا ٱلۡأَتۡقَى
Open ayah 92:17Wọ́n sì máa gbé (Iná) jìnnà sí olùbẹ̀rù (Allāhu),
ٱلَّذِي يُؤۡتِي مَالَهُۥ يَتَزَكَّىٰ
Open ayah 92:18ẹni tó ń fi dúkìá rẹ̀ tọrẹ, tí ó ń ṣàfọ̀mọ́ (rẹ̀).
وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ
Open ayah 92:19Kò sì sí oore ìdẹ̀ra kan tí (ó ní lọ́kàn) láti gbà ní ẹ̀san ní ọ̀dọ̀ ẹnikẹ́ni,
إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ
Open ayah 92:20bí kò ṣe pé láti fi wá ojú rere Olúwa rẹ̀, Ẹni Gíga jùlọ.
وَلَسَوۡفَ يَرۡضَىٰ
Open ayah 92:21Láìpẹ́ ó sì máa yọ́nú (sí ẹ̀san rere rẹ̀).