الليل
Al-Lail
Translation: Maranao - So Quran al karim · Open the surah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
وَٱلَّيۡلِ إِذَا يَغۡشَىٰ
Open ayah 92:1Ibt ko gagawii igira a pkhikolob (so kalibotng iyan),
وَٱلنَّهَارِ إِذَا تَجَلَّىٰ
Open ayah 92:2Go so dawndaw igira a lominiwanag,
وَمَا خَلَقَ ٱلذَّكَرَ وَٱلۡأُنثَىٰٓ
Open ayah 92:3Go so miyadn ko mama, go so babay,
إِنَّ سَعۡيَكُمۡ لَشَتَّىٰ
Open ayah 92:4Ka mataan! a so galbk iyo na sabnar a mbidabida.
فَأَمَّا مَنۡ أَعۡطَىٰ وَٱتَّقَىٰ
Open ayah 92:5Na so pman so taw a miyammgay ago miyananggila,
وَصَدَّقَ بِٱلۡحُسۡنَىٰ
Open ayah 92:6Go tiyanto niyan so mapiya,
فَسَنُيَسِّرُهُۥ لِلۡيُسۡرَىٰ
Open ayah 92:7Na plbodn Ami ron a (kaparoliya niyan ko) malbod,
وَأَمَّا مَنۢ بَخِلَ وَٱسۡتَغۡنَىٰ
Open ayah 92:8Na so pman so taw a miligt go mitharambisa,
وَكَذَّبَ بِٱلۡحُسۡنَىٰ
Open ayah 92:9Go piyakambokhag iyan so mapiya;
فَسَنُيَسِّرُهُۥ لِلۡعُسۡرَىٰ
Open ayah 92:10Na plbodn Ami ron a (kaakir iyan ko) margn.
وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ
Open ayah 92:11Go di ron phakanggay a gona so tamok iyan amay ka mawlog (ko naraka).
إِنَّ عَلَيۡنَا لَلۡهُدَىٰ
Open ayah 92:12Mataan! a sii Rkami so titho a toroan,
وَإِنَّ لَنَا لَلۡأٓخِرَةَ وَٱلۡأُولَىٰ
Open ayah 92:13Go mataan! a Rkami so khawri, ago so paganay.
فَأَنذَرۡتُكُمۡ نَارٗا تَلَظَّىٰ
Open ayah 92:14Na piyakiiktiyaran Ko rkano so apoy a pkhadg;
لَا يَصۡلَىٰهَآ إِلَّا ٱلۡأَشۡقَى
Open ayah 92:15Daa phakasold on a rowar ko marata i okor,
ٱلَّذِي كَذَّبَ وَتَوَلَّىٰ
Open ayah 92:16A so tomiyaplis go tomiyalikhod.
وَسَيُجَنَّبُهَا ٱلۡأَتۡقَى
Open ayah 92:17Na phakawatan on so miyananggila (sa dosa).
ٱلَّذِي يُؤۡتِي مَالَهُۥ يَتَزَكَّىٰ
Open ayah 92:18A so pphammgay ko tamok iyan, ka an masoti;
وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ
Open ayah 92:19Go kna a ba adn a rk o isa a taw a zisii rkaniyan a limo a mbalasan,
إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ
Open ayah 92:20Ogaid na singanin ko kasosoat o Kadnan iyan a Maporo;
وَلَسَوۡفَ يَرۡضَىٰ
Open ayah 92:21Na matatangkd a khasoat dn.