مريم ⁦۱۹:۵۶⁩

سورت میں پڑھیں · صفحہ ۳۰۹ · پارہ ۱۶

وَٱذۡكُرۡ فِي ٱلۡكِتَٰبِ إِدۡرِيسَۚ إِنَّهُۥ كَانَ صِدِّيقٗا نَّبِيّٗا

Wathkur fee alkitabiidreesa innahu kana siddeeqan nabiyya

تراجم

اور اس کتاب میں ادریس (علیہ السلام) کا بھی ذکر کر، وه بھی نیک کردار پیغمبر تھا.

Urdu - Muhammad Junagarhi

اور اس کتاب میں ادریس کا بھی تذکرہ کرو، بیشک وہ سچائی کے خوگر نبی تھے۔

Mufti Taqi Usmani

تمام تراجم

لفظ بہ لفظ

  1. وَٱذْكُرْwa-udh'kurاور ذکر کیجئے
    مادہ
    ذكر
    اصل لفظ
    ذَكَرَ
    قسمِ کلمہ
    حرفِ عطف · فعل
  2. فِىfīمیں
    مادہ
    اس لفظ کا کوئی مادہ درج نہیں۔
    اصل لفظ
    فِي
    قسمِ کلمہ
    حرفِ جار
  3. ٱلْكِتَٰبِl-kitābiکتاب (میں)
    مادہ
    كتب
    اصل لفظ
    كِتاب
    قسمِ کلمہ
    حرفِ تعریف · اسم
  4. إِدْرِيسَid'rīsaادریس کا
    مادہ
    اس لفظ کا کوئی مادہ درج نہیں۔
    اصل لفظ
    إِدْرِيس
    قسمِ کلمہ
    اسمِ علم
  5. إِنَّهُۥinnahuبلاشبہ وہ
    مادہ
    اس لفظ کا کوئی مادہ درج نہیں۔
    اصل لفظ
    إِنّ
    قسمِ کلمہ
    حرفِ نصب · ضمیرِ شخصی
  6. كَانَkānaتھے
    مادہ
    كون
    اصل لفظ
    كانَ
    قسمِ کلمہ
    فعل
  7. صِدِّيقًاṣiddīqanبہت سچے
    مادہ
    صدق
    اصل لفظ
    صِدِّيق
    قسمِ کلمہ
    اسم
  8. نَّبِيًّاnabiyyanنبی
    مادہ
    نبا
    اصل لفظ
    نَبِيّ
    قسمِ کلمہ
    اسم

تفسیر

حضرت ادریس (علیہ السلام) کا تعارف۔ حضرت ادریس (علیہ السلام) کا بیان ہو رہا ہے کہ آپ سچے نبی تھے اللہ کے خاص بندے تھے۔ آپ کو ہم نے بلند مکان پر اٹھالیا۔ صحیح حدیث کے حوالے سے پہلے گزر چکا ہے کہ چوتھے آسمان پر رسول اللہ (صلی اللہ علیہ وآلہ وسلم) نے حضرت ادریس (علیہ السلام) سے ملاقات کی۔ اس آیت کی تفسیر میں حضرت امام ابن جریر (رح) نے ایک عجیب و غریب اثر وارد کیا ہے کہ ابن عباس (رض) نے حضرت کعب (رض) سے سوال کیا کہ اس آیت کا مطلب کیا ہے ؟ آپ نے فرمایا کہ حضرت ادریس (علیہ السلام) کے پاس وحی آئی کہ کل اولاد آدم کے نیک اعمال کے برابر صرف تیرے نیک اعمال میں اپنی طرف ہر روز چڑھاتا ہوں۔ اس پر آپ نے ذکر کیا میرے پاس یوں وحی آئی ہے اب تم ملک الموت سے کہو کہ وہ میری موت میں تاخیر کریں تو میں نیک اعمال میں اور اور بڑھ جاؤں۔ اس فرشتے نے آپ کو اپنے پروں میں بٹھا کر آسمان پر چڑھا دیا جب چوتھے آسمان پر آپ پہنچے تو ملک الموت کو دیکھا، فرشتے نے آپ سے حضرت ادریس (علیہ السلام) کی بابت سفارش کی تو ملک الموت نے فرمایا وہ کہاں ہیں ؟ اس نے کہا یہ ہیں میرے بازو پر بیٹھے ہوئے آپ نے فرمایا سبحان اللہ مجھے یہاں اس آسمان پر اس کی روح کے قبض کرنے کا حکم ہو رہا ہے چناچہ اسی وقت ان کی روح قبض کرلی گئی۔ یہ ہیں اس آیت کے معنی۔ لیکن یہ یاد رہے کہ کعب (رح) کا یہ بیان اسرائیلیات میں سے ہے اور اس کے بعض میں نکارت ہے واللہ اعلم۔ یہی روایت اور سند سے ہے اس میں یہ بھی ہے کہ آپ نے بذریعہ اس فرشتے کو پچھوایا تھا کہ میری عمر کتنی باقی ہے ؟ اور روایت میں ہے کہ فرشتے کے اس سوال پر ملک الموت نے جواب دیا کہ میں دیکھ لوں دیکھ کر فرمایا صرف ایک آنکھ کی پلک کے برابر اب جو فرشتہ اپنے پر تلے دیکھتا ہے تو حضرت ادریس (علیہ السلام) کی روح پرواز ہوچکی تھی۔ ابن عباس (رض) سے مروی ہے کہ آپ درزی تھے سوئی کے ایک ایک ٹانکے پر سبحان اللہ کہتے۔ شام کو ان سے زیادہ نیک عمل آسمان پر کسی کے نہ چڑھتے مجاہد (رح) تو کہتے ہیں حضرت ادریس (علیہ السلام) آسمانوں پر چڑھالئے گئے۔ آپ مرے نہیں بلکہ حضرت عیسیٰ (علیہ السلام) کی طرح بےموت اٹھا لئے گئے اور وہیں انتقال فرماگئے۔ حسن (رح) کہتے بلند مکان سے مراد جنت ہے۔

مکمل تفسیر پڑھیں

Urdu - Tafsir Ibn Kathir