Tafsir Tafheem ul Quran (Abul Ala Maududi) النجم ⁦۵۳:۴۸⁩

آیات

  1. وَأَنَّهُۥ هُوَ أَغۡنَىٰ وَأَقۡنَىٰ

    آیت ⁦۵۳:۴۸⁩ کھولیں

    اور یہ کہ وہی مالدار بناتا ہے اور سرمایہ دیتا ہے.[1]

Tafsir Tafheem ul Quran (Abul Ala Maududi)

اور یہ کہ اُسی نے غنی کیا اور جائیداد بخشی،[43]

سورة النَّجْم حاشیہ نمبر :43

اصل میں لفظ اَقْنیٰ استعمال ہوا ہے جس کے مختلف معنی اہل لغت اور مفسرین نے بیان کیے ہیں۔ قتادہ کہتے ہیں کہ ابن عباس نے اس کے معنی اَرْضیٰ (راضی کردیا) بتائے ہیں۔ عکرمہ نے ابن عباس سے اس کے معنی قَنَّعَ (مطمئن کردیا) نقل کیے ہیں۔ امام رازی کہتے ہیں کہ آدمی کی حاجت سے زیادہ جو کچھ بھی اس کو دیا جائے وہ اقناء ہے۔ ابو عبیدہ اور دوسرے متعدد اہل لغت کا قول ہے کہ اَقْنیٰ قُنْیَۃٌ سے مشتق ہے جس کے معنی ہیں باقی اور محفوظ رہنے والا مال، جیسے مکان، اراضی، باغات، مواشی وغیرہ۔ ان سب سے الگ مفہوم ابن زید بیان کرتے ہیں۔ وہ کہتے ہیں کہ اَقْنیٰ یہاں اَفْقَرَ (فقیر کردیا) کے معنی میں ہے اور آیت کا مطلب یہ ہے کہ اس نے جس کو چاہا غنی کیا اور جسے چاہا فقیر کردیا۔