Tafsir Tafheem ul Quran (Abul Ala Maududi) العنكبوت ۲۹:۲۹
سورت میں پڑھیںاس تفسیر کی سورتیں
آیات
أَئِنَّكُمۡ لَتَأۡتُونَ ٱلرِّجَالَ وَتَقۡطَعُونَ ٱلسَّبِيلَ وَتَأۡتُونَ فِي نَادِيكُمُ ٱلۡمُنكَرَۖ فَمَا كَانَ جَوَابَ قَوۡمِهِۦٓ إِلَّآ أَن قَالُواْ ٱئۡتِنَا بِعَذَابِ ٱللَّهِ إِن كُنتَ مِنَ ٱلصَّٰدِقِينَ
آیت ۲۹:۲۹ کھولیںکیا تم مردوں کے پاس بدفعلی کے لیے آتے ہو[1] اور راستے بند کرتے ہو[2] اور اپنی عام مجلسوں میں بے حیائیوں کا کام کرتے ہو[3]؟ اس کے جواب میں اس کی قوم نے بجز اس کے اور کچھ نہیں کہا کہ بس[4] جا اگر سچا ہے تو ہمارے پاس اللہ تعالیٰ کا عذاب لے آ.
Tafsir Tafheem ul Quran (Abul Ala Maududi)
کیا تمہارا حال یہ ہے کہ مَردوں کے پاس جاتے ہو،[51] اور رہزنی کرتے ہو اور اپنی مجلسوں میں بُرے کام کرتے ہو؟“[52] پھر کوئی جواب اُس کی قوم کے پاس اس کے سوا نہ تھا کہ انہوں نے کہا” لے آ اللہ کا عذاب اگر تُو سچا ہے۔“
سورة العنکبوت حاشیہ نمبر : 51
یعنی ان سے شہوت رانی کرتے ہو، جیسا کہ سورة اعراف میں ہے : اِنَّكُمْ لَتَاْتُوْنَ الرِّجَالَ شَهْوَةً مِّنْ دُوْنِ النِّسَاۗءِ ۔ (آیت 81) |" تم خواہش نفس پوری کرنے کے لیے عورتوں کو چھوڑ کر مردوں کے پاس جاتے ہو |"۔
سورة العنکبوت حاشیہ نمبر : 52
یعنی یہ فحش کام چھپ کر بھی نہیں کرتے بلکہ علانیہ اپنی مجلسوں میں ایک دوسرے کے سامنے اس کا ارتکاب کرتے ہو۔ یہی بات سورة نمل میں فرمائی ہے : اَتَاْتُوْنَ الْفَاحِشَةَ وَاَنْتُمْ تُبْصِرُوْنَ ۔ (آیت 54) |" کیا تم ایسے بگڑ گئے ہو کہ دیکھنے والی آنکھوں کے سامنے فحش کاری کرتے ہو |"۔