Tafsir Tafheem ul Quran (Abul Ala Maududi) طه ۲۰:۳
سورت میں پڑھیںاس تفسیر کی سورتیں
آیات
إِلَّا تَذۡكِرَةٗ لِّمَن يَخۡشَىٰ
آیت ۲۰:۳ کھولیںبلکہ اس کی نصیحت کے لئے جو اللہ سے ڈرتا ہے.
Tafsir Tafheem ul Quran (Abul Ala Maududi)
یہ تو ایک یاد دہانی ہے ہر اُس شخص کے لیے جو ڈرے۔ [1]
سورة طٰهٰ حاشیہ نمبر :1
یہ فقرہ پہلے فقرے کے مفہوم پر خود روشنی ڈالتا ہے۔ دونوں کو ملا کر پڑھنے سے صاف مطلب یہ سمجھ میں آتا ہے کہ قرآن کو نازل کر کے ہم کوئی اَنْہونا کام تم سے نہیں لینا چاہتے۔ تمہارے سپرد یہ خدمت نہیں کی گئی ہے کہ جو لوگ نہیں ماننا چاہتے ان کو منوا کر چھوڑو اور جن کے دل ایمان کے لیے بند ہوچکے ہیں ان کے اندر ایمان اتار کر ہی رہو۔ یہ تو بس ایک تذکیر اور یاد دہانی ہے اور اس لیے بھیجی گئی ہے کہ جس کے دل میں خدا کا کچھ خوف ہو وہ اسے سن کر ہوش میں آجائے۔ اب اگر کچھ لوگ ایسے ہیں جنہیں خدا کا کچھ خوف نہیں، اور جنہیں اس کی کچھ پروا نہیں کہ حق کیا ہے، اور باطل کیا، ان کے پیچھے پڑنے کی تمہیں کوئی ضرورت نہیں۔